الجزء 32
ديما كنمشي نطل على فرح ماشاء الله راجلها كيدير مجهود باش يبعد للبلية.. على الاقل اعترف بغلط ماشي اصر عليه حيت هو راجل.. يا ريت لوكان كلشي الرجال يعتارفو باخطاءهم.. ويبعدو شوية عن انانيتهم.. سليمة مازال متمسكة بعملها الجمعوي .. اما خديجة فاتخذات طريق اخور.. طريق الله.. وتابت ولبست الخمار.. ولات مكتخطى الجامع.. للاسف الثروة ديالها مرجعاتش ليها.. حيت القانون لا يحمي المغفلين .. وهي كتبلت الكمال كلشي بارادتها..
رجعت للخدمة وبقيت فغالب الوقت كنخلي ولدي مع عماماته.. كيتهلاو فيه.. كنمشي نخدم ونسلت كل جوج سوايع باش نرضع ولدي.. وكل يوم كيجيبولي وليد للدار.. كل نهار كيرغب .. وكيطلب مني نرجعو.. صعيبة بزاف تتساهلي فهاد الموضوع.. وحتى انا مبقيتش باقا نعيش بوحدي..لاحظت عليه ولا مبهدل .. ومبقاش مهلي بحال قبل.. قبل كانو خواتاتو كيخدمولو.. ومن بعد زواجنا كنت انا.. اما دابا مبقيت لا انا لا خواتاته.. واحد النهار كما العادة بقا كيهضر معايا وهو هاز ولدو..
- هدى .. انا راكي عارفة.. كنمشي ديما معطل للخدمة.. ومبقيتش كما كنتي كتعرفيني.. مواضب وهادا..
- وعلاش..
- ايوا مبقا حد يتهلا فيا .. حتى المدام مكايناش.. وخواتاتي تزوجو.. ومابقا حد .. حوايجي مكنلقا شكون يصبن ..
- ايوا شتي حق المرا .. اللي كتقولو راه مافيها نفع.. ومعندها قيمة ..
- انا عرفت قيمتها من نهار مشيتي نتي..
- ابوا مالك اوليد على هاد الحالة سير تزوج..
- انا بغيت نتزوج بوحدة.. الا مكانت هي مكاين زواج ومكاين حياة..
- امم ايوا تزوجها..
- مبغاتش.. تسمحلي
- انا موافقة..
- اب ا.. شنو .. شنو قلتي..
- مقلت والو انا شنو قلت..
- ها العار.. عاوديها عافاك.. انا ممتيقش .. واش كنحلم.. فيقيني..
- اه كتحلم .. هه
ونضت.. كنضحك..
- هدى هدى عفاك ستناي.. واش بالصح وافقتي ها العار قوليها..
- بلاتي فين غادي.. خطب هو الاول..وديك الساعة نفكر ونرد عليك.. ونقولك شروطي .. ههه
- شرطي كيف بغيتي.. شروطك كلها مجابة حتى قبل منسمعها.. انا ممتيقش .. واش صافي عفا الله.. انا غنتولد من جديد..
- والله ويقولك عقلك دير هوك ولا هوك.. ولا تعاودها.. حتى تحلم بيا ومتلقانيش ..
- توبة.. عمري نعاود نقلقك.. باراكة اللي وقعلي وانت بعيدة عليا.. والله حتى توبة.. انا غانمشي نخطبك دابا من عند والديك.. ونرغب فيهم يوافقو ..
- ماما موحال واش تعفو عليك.. نتا وشطارتك.. الى قدرتي تقنعهم.. ديك الساعة دوز لعندي نقولك شروطي..
- فورا..
خليته منو لعائلتي ومتدخلتش بحال المرة الاولى..المرا خاص دير شوية قيمة لراسها.. مشا هو ومو لعند عائلتي ومعرفتش شكون دا بالضبط.. تفاجأت مللي لقيتو كيتاصل بيا من دارنا..
- الو حبيبة.. عائلتك اقتانعو .. بقات غا الموافقة والشروط ديالك..
- كيدرتيليها..
- كان الامر صعيب بزاف .. ولكن الحب اللي كنحملو اتجاهك كيحتم عليا ندير المستحيل باش نقنع والديك.. ايوا شنو قلتي.. شنو شروطك..
- اجي بعدا نديرو العقد.. وتما نقولك شروطي..
- طيارة..
جا عندي المدينة .. ولقيتو جايب الخير والباراكة.. خاطب بمعنى الكلمة ..استقبلته.وجات حتى مو طلبات مني نسمح ليها.. انا مسامحاها.. سمحت لولدها ومنسمحش ليها ؟ .. اكيد لا .. فرحات بزاف.. وجاب العدول..
0 Commentaires