الجزء 31
رجعت للدار لقيت وليد كيلعب مع عمران..
- لاباس.. ياكما عدبك..
- لا حبيب دباباه معدبنيش .. ولكن جابلي الله بحال الا حرارته مرتفعة شوية.. اجي تشوفي..
- بالصح.. ارى نشوف.. الله على ولدي.. هادي مرتفعة شوية؟.. كول هادي مرتفعة بزاف.. خاصني نديه للسبيطار.. اجي معايا ..
جريت للسبيطار.. ووليد معايا وخايف.. دخلت ولدي لقسم الاطفال دغيا قالتلي خاصو يبات هنا.. انا خفت بزاف على ولدي.. الله يسمح لينا من الوالدين.. كبيدة هادي.. بقيت انا ووليد فايقين معاه.. جات عندي الاخصائية قالتلي خاصنا شي تحاليل.. قلبي بغا يوقف.. الله على ولدي.. دارولو التحاليل قلبي غيوقف وانا كنستنا التحاليل.. ووليد كيواسيني وانا كنشوف ولدي.. بقينا الليل كامل كنستناو.. الغد ليه فالعشية عيطات عليا الطبيبة.. مشينا انا ووليد عندها
- دكتورا هدى.. التحاليل فيدي.
- شنو كاين.. قليلي عفاك..
- كنا شاكين فواحد الفيروس كيشد الدراري الصغار والتحاليل اللي بين يدي .. كيقولو على ان ولدك مفيهش الفيروس والحرارة بسبب عدوى ديال الزكام خداها من شي حد..
- الحمد لله.. كنت غنموت لوكان فيه شي حاجة الحمد لله.. العدوى اكيد خداها من وليد.. خداها من باه حيت هو كان مريض بيها..
نضت مشيت عند ولدي عنقتو.. الحمد لله يا عمري..
-وليد.. لوكان وقع شي حاجة لولدي كنت غنموت..
- متخافيش احبيبة .. انا معاك.. مغنسمح لحتى سوء يمسكم وانا فهاد الدنيا..
عنقنا وليد وباس راسي.. طلعت وجهي لقيت ياسين كيشوف فينا.. ومشا
- وليد شد عمران انا غانمشي نقضي شي غرض ونجي ..
- واخا .. متعطليش علينا.. عمران قول لماما متعطليش علينا.. ههه
مشيت لقيت ياسين خدام ..
- ياسين..
- كيبقا ولدك..
- الحمد لله.. بغيت نعتاذر منك.. نتا عاونتيني بزاف.. ولكن انا جرحتك..
- نتي كنتي غتجرحيني كتر لوكان وافقتي على علاقتنا ونتي مازال كتبغي راجلك.. كنت ديما كنشوف فعيونك الحب اتجاهه قبل متتزوجه.. وبعد متزوجته زاد كتر.. كنت كنظن باللي حيت هو طلقك نتي غتنسايه ولكن لا..كنتي ديما كتهضري عليه بلا متحسي.. حتى انك فيوم من الايام بدل متقوليلي اياسين.. قلتيلي اوليد.. وللي شفت خوفك عليك مللي كان مريض عرفت انك عمري غتقدري تتفارقي على هاد الراجل.. قررت ديك الساعة تبعد .. ونخليك تعيشي مع ولدك وراجلك..
- ياسين سمحلي بزاف..
- تهلاي فراسك اهدى.. وفوقاشما احتاجيني.. غتلقايني حداك...
- حتا نتا .. الى حتاجيتي شي حاجة غتلقاني بجنبك..
- رجعي عند راجلك اهدى.. راه كيبغيك بزاف... شحال من مرة كنبغي نجي عندك.. كنلقاه عند الباب .. وكنرجع.. سامحيه.. واستغلو الحياة مع بعض..
- يكون خير.. انا عارفة باللي ندم وكيبغيني.. ولكن .. بغا نتأكد باللي مساهلاش عليه يتفارق مرة اخرى..
0 Commentaires