الجزء2
ايام كلها بحال بحال.. كنسعى فكل بلاصة.. ومللي كتكون الحالة ناشفة كندقو على الطوموبيلات... دق دق دق:
الرجل: نعم ابنتي
يمنى: الله يرحم ليك الوالدين اعمي راه ماكليت هادي اربع ايام.. الله يخلي ليك معزيز عليك.. شي صدقة نعمر بيها الكريشة.. الله يعطيك شي رزيق كتر من هادا..
الرجل: هاكي ابنتي.. بلاتي قوليلي شنو سميتك..
يمنى : سميتي يمنى..
الرجل: سميتك زوينة .. وحتى نتي زوينة بزاف.عيون زرقة ..الشعر بني وحريري.. قوليلي ايمنى واش بغيتي تجي معايا
يمنى: فين نجي
الراجل: تجي معايا ديري واحد الدوش هو اللول.. نعطيك تاكلي حتى تشبعي.. ونلبسك حوايج جديدة.. وتنعسي فبلاصة نقية ومريحة.. شنو قلتي..
يمنى: مبغيت منك لا صدقة لا والو .. نبقى بالجوع وننعس فالارض حسن لي من هادشي اللي كتقول.. سير الله يجعلك دير كسيدة بهاد القزديرة اللي عندك...
تقلبت وانا مازال كندعي عليه وغضبانة بزاف ديال الانواع بحال هادو كنتلاقاهم ديما وكنتفادا ديما نبينليهم باللي انا ساهلة باش ميطمعوش فيا .. الى متى 😞 .. تلفت شفت واحد الشاب فواحد الطوموبيل زويون ونظراته حادة تشي بالثقة بالنفس... باينة فيه سمع المحادثة كلها اللي دارت بيني وبين داك الشارف.. بقا كيشوف فيا بزاف.. كنت باغا نمشي عندو باش نطلب منه لكن كنخاف من الشباب فالنهاية كلهم عنهم مسعى واحد .. ومشيت بحالي بلا منطلب منه.. بقيت بالجوع هاد النهار كله..
بقيت فواحد البلاصة حدا الجامع كنطلب.. مجمعت والو..المصارن ديالي حاسة بيهم كيزغرتو.. اووف فهاد الدنيا حتى واحد ميعتقك.. مالين المطاعم كيجربو علي .. شنو المعمول.. بانلي قدامي .. هو نفسه .. داك الشاب ديال قبيلة.. اش بغا.. خوفني .. بقا واقف كيشوف فيا من بعيد.. وبنفس الثقة.. انا خفت بزاف هاد المرة.. ناري عندك يكون من البوليس .. والله مدرت شي حاجة.. بقيت حانية راسي وقفت وتمشيت مبغيتش نعيق.. خفت بزاف.. شوية كان غايوقف قلبي بالخلعة ملي تحطات عليا واحد اليد.. شداتني بزاز.. اش بغا عندي وعلاش بغاني.. اسئلة كلها دارت فدماغي قبل مندور نشوف شكون شدني .. مللي ضرت لقيته واحد البوليسي.. كنا هربنا منو واحد النهار وحلف فينا..
البوليسي: شديتك يا الكلبة.. والله لا فلتي مني ليوما.. اجي يا الافعى.. ليوما بيا ولا بيك.. بقا شادني وداك خينة كيشوف فينا.. بقيت باغا غير كيفاش نتفك منه.. عضيته من يدو .. وهربت وهو بقا مورايا.. كنجري وهو كيجري.. لحق عليا ولد الحرام شدني وبدا كيضرب وانا جسمي ضعيف.. هزني ودارلي المينوط وهزني فالصطافيط..
0 Commentaires