الجزء 42
بقا معايا وليد.. واخا فبيت واحد ولكن احتارمني بزاف..محسيتش براسي حتى عنقتو ونعست على صدرو.. هادا هو الحب اللي كنت كنقلب عليه من زمان.. حب روحي .. حتى الموت .. يتجمع الاحساس.. ماشي الجسد.. كلشي كان كيقولي باللي نتي كتحلمي .. ولكن كنت عارفة باللي غايجي داك النهار.. اللي غادي نلقاه.. وهانا لقيتو ومغنفرطش فيه.. واخا يعارض اللي بغا .. انا كنبغي وليد وعمري نتفارق معاه.. نعست وحسيت براحة مالها مثيل فالدنيا.. الصبح فقت وحليت عيني .. لقيتي وليد كيدوزلي على شعري برفق.. شفت فيه ابتاسم ..
- صباح الخير اميرتي.. تأليف دودي
- صباح النور احياتي..نعستي مزيان
- انا منعستش اصلا.. بقيت كنتأمل فهاد الملاك اللي قدامي.. وناعس فحضني.. متيقتش راسي واش كنت كنحلم.. الا كنحلم مبغيتش نفيق من هاد الحلم ابدا..
- حتى انا.. وليد.. واعدني مهما جرى .. عمرك تخليني..
- كنواعدك اعمري.. انا حياتي بلا بيك مكتسوا والو.. انا مكنتش عايش قبل منعرفك وتولدت على يديك .. واعديني نتي عمرك ماتخليني.. مهما كانت الظروف..
- كنواعدك ..
عنقتو وانا فرحانة بيه..
- ناري مشا عليا الحال خاصني نمشي للخدمة.. بديت نجمع ونطيح وهو غا كيضحك عليا..
- بشوية عليك راه مازال الحال.. بدلي حوايجك نمشيو نفطرو فشي بلاصة زوينة بحالك..
- واخا
مشينا نفطرو وبدينا نهضرو عاود تاني
- هه مالك مكاتكلش ..
- ممتيقش عيني.. كنشوف فيك... ملاك قدامي.. كنحماق عليك
- اللي يشوفك هادي شهرين ميقولش هادا هو وليد.. وليتي رومانسي..
- اللي يبغي توقعي منه اي حاجة.. شكرا ليك اهدى حيت دخلتي لحياتي .. غيرتي فيها بزاف..
- وليد .. انا باغا نهضر معاك فواحد الموضوع معرفتش واش هادا وقتو ولا لا..
- هضري احبيبة.. نتي قولي اي حاجة وانا ماعليا الا نفذ..
- بغيت نسولك.. الورث ديال باكم واش عطيتي البنات كل وحدة وحقها..
- احم .. حقهم محفوظ.. وفالحفظ والصون نهار يطلبوه غايلقاوه..
- فوقاش غاياخدوه واش نهار يشرفو وميبقا عندهم مايديرو به.. راهم كيكبرو ومتسناش يطلبوه منك..
- فهمت .. انا غنفتخ معاهم موضوع واللي بغات فلوسها غاتاخدهم..
- لا فتح لكل وحدة منهم حساب فالبنك باسميتها.. وحط ليها رزقها فيه تتصرف فيه كما بغات.. ابتسام مثلا.. عندها حلم وموهبة تفتح مشروع ديال دار الازياء.. وغتحتاج فلوس .. فرح باغا تقرا..
-واخا .. اللي بغيتي
- الله يحفظ ليا هاد القلب الطيب
- ويخليك ليا حتى نتي اعمري
الجزء 43
مشيت خدمت .. وحتى وليد.. مللي كملت الخدمة مشيت خديت الماكلة من ماكدو.. ومشيت ناكل ونخمل الدار عاود .. بالليل لقيت وليد جابلي الماكلة عاود..
- حبيبة هانا جبت نتعشاو.. حطي عليك هاد التخمال انا نخلص شي وحدة تجي تخمل.. دوك اليديدات ماشي ديال الشقا نخاف عليهم..
- ويتك على يخاف عليهم.. اللي يشوفك دابا مايشوفكش مللي كنتي كاتقول راه المرا غا ديال الشقا والكوزينة.. وكتسنى تتزوج مرت الزمان والدار... ههه
- ايوا راه قالو الحب يصنع المعجزات..
- ههه .. حياتي قولي.. دزتي لداركم .. شفتي عائلتك..
- لا .. من الخدمة لعندك،. منقدرش نبعد عليك..
- علاش .. لا نتا معندكش غي انا فالدنيا.. خواتاتك لمن خليتيهم..
بقينا نهضرو حتى صونا تليفونو.. دارلو مكبر الصوت ..
- الو..
- الو خويا.. بغيت نقولك ماما راها حالتها وقالتلك رجع للدار .. عفاك
- قوليلها مغايرجعش للدار ونساي باللي ولدتي شي نهار..
سد التليفون وانا مصدومة..
- وليد علاش تعامل ماماك هاكا.. هادي راها مك ولداتك.. وتعدبات عليك.. هادا جزاءها..
- هدى عفاك.. ماشايفاش انانيتها.. وبغات تفارقنا غا حيت نتي ماشي كما بغات هي..
- ومهما يكون.. كلشي كيجي بالهدوء والتفاهم.. ماشي هاكا..
شوية صونا التليفون عاود..
- ها هي تصوني هدر بهدوء وعتادر .. وقوليها غانجي ونتفاهمو..
- واخا.. الو..
- الو وليد عتقنا.. الحاجة طاحت ومعرفنا مانديرو ليها..
- مي ..
نضنا بسرعة.. مشينا للدار وفالطريق صونيت للاسعاف تجي.. جريت شريت يدها وفحصتها بسرعة.. ودرتليها الاسعافات الاولية.. الحاجة طلعليها الطونسيو.. اكيد بالاعصاب ديال وليد.. هزيناها وديناها للسبيطار بقيت معاها ومقابلاها غا هي .. الليل كامل وانا سهرانة معاها.. حتى تحسنات .. بالعيا نعست وانا جالسة وحطيت راسي عندها.. مللي فاقت لقاتني عندها .. حطات يدها على راسي..
- بنتي ..
- الحاجة.. لاباس عليك ..
- الله يرضي عليك ابنتي.. سمحيلي..
- مطلبيش مني السماحة نتي راكي امي الثانية وام حياتي.. انا تفهمتك..
جا وليد ولقانا هكاك شافت فيه مو..وقالت..
- وجد راسك اولدي.. نمشيو نخطبوليك هدى..
وليد مكانتش سايعاه الفرحة..وباس لمو يديها وراسها وطلب منها السماحة..
ولات الحاجة مزيانة وخرجات من السبيطار.. وانا كان خاصني ناخد كونجي باش نمشي لدارنا ونعلمهم بداكشي للي كاين.. فعلا داكشي اللي كان.. مشيت وكان وليد كل دقيقة كيصونيلي وكيقولي توحشتك فوقاش راجعة..
- ماما توحشتك بزاف..
- بنتي .. كيف لقيتي خدمتك.. الله يجازي دوك الناس بالخير اللي كانو مسكنينك..
- بغيت نهضر معاك على دوك الناس اماما.. انا طول المدة اللي كنت معاهم.. وانا حاسبة راسي بنتهم.. حماوني وحسيت راسي فدارنا.. هما بغاوني نسكن معاهم ديما اماما..
- علاش لا ابنتي طول مانتي تما فديك المدينة سكني معاهم..
- لا مقصدتش غا السكن.. قصدت نعيش معاهم.. هما طلبوني لولدهم..
- ولدهم!! اه علاش لا.. وفاش خدتم ولدهم وشحال فعمرو.. واش عندو دارو بوحدو؟
- ولدهم .. تاجر..
- ا؟؟ تاجر ديالاش
- تاجر كبير ديال الثوب اماما ومعروف فالمدينة باسمه وسمعته الزوينة.. ومازال صغير غا 30 عام ..
0 Commentaires