الجزء الاخير30
بقيت خدامة.. حتى واحد النهار لقيت زبون مكنتش كننتظرو..
ياسر: سخيتي بيا.. هادي هي عمري نتفارق معاك..
يمنى: اش حب الخاطر الشاف.، انا مستعدة لاي مهمة نتا باغيها مني..
- يمنى.. انا عمري مكدبت عليك فالمشاعر ديالي.. نهار قلتلك كنبغيك.، كانت حقيقة..
- مستحيل هادشي.. نتا شكون وانا شكون .. عمر الزيت ميتخلط بالما.. نتا عميد.. وانا متسولة..
- يعني كنتي راضية بيا نهار اللي كنتي كتشوفيني حثالة.. ودابا مللي صدقت نقي مقبلتيش بيا..
- كنت قابلة حيت كنت حثالة.. ولكن دابا اش غيدير واحد نقي بوحدة حثالة بحالي..
- علاش لا.. الا كنا كنبغيو بعضياتنا علاش لا..
- الشاف.. شنو بغيتي مني..
- بغيت نتزوج.. http://dodielaissati.blogspot.com/
- الله يجيبلك بنت الحلال.. بنت الدار..
- واش مكتسمعيش.. بغيتك نتي.. دوك الودنين معقلتش على راسي باللي علقتك منهم..
حبست الضحكة وهو يقول..
- هاكاك نبغيك.. ضحكي وعطيني امل.. عارفك غضبانة مني حيت كدبت عليك.. ولكن والله العظيم ايلا كنبغيك...
- حتى انا كنبغيك ولكن اياسر..
- سكتي عارفك شنو باغا تقولي.. انا غنصرف عليهم وغنضبر ليهم فخدمات.. مرتاحة؟؟؟
- واشنو اللي جابرك..
- واش بغيتي شي قتلة دالعصا.. انا الالة بغيت مدير الخير واش تقطعيه عليه.. عجيب هاد البنت كيفاش كتفكر..
- ياسر.. انا خايفاك تندم.. انا يمنى.. المتسولة..
- وكنحماق عليها.. كنفتخر بها.. هادي اللي رفضات الملايير والثروة الهائلة ديال المافيا حيت كتبغيني انا .. اللي دارت فيا الثقة وعرضات نفسها للخطر..اللي نقداتني من الموت.. جوج المرات.. كنعرف القلب ديال هاد المتسولة وكنفتخر بها،. وكنبغيها.. واش هادشي مكافيش .. ولا نزيدك..
هادا هو ياسر.. اللي بغاني وتزوج بيا رغم انه عميد.. تواضع وتزوج بمتسولة.. وكان نعم الزوج.، كان وافي بوعده.. ولدنا وليدات.. وعمره ماعايرني.. كان حبه ليا كيزيد .. الحب لا يعترف بالفروق.. العشق هو عشق الروح.، واي شخص دخل الجانب المادي فالحب.. عرفو انه كداب.. ومكيبغيش.. قصتنا سالات.. موعدنا فالقصة الجاية مع محبتكم دودي العيساتي #dodi_elaissati النهاية
0 Commentaires