الجزء 31 الاخير
مشيت رجعت للدار.. دخلت ولقيت مروان كيستناني على احر من الجمر.. غا شافني جا دغيا عنقني ..
-منى .. خلعتيني عليك احبيبة.. فين كنتي..
- مروان.. انا عرفت كلشي 😭 علاش درتي هاكا..
-شنو درت .. انا مفهمت والو..
- نتا شريتيني بفلوسك كما شريتي القلب ديال ولدي.. اهئ اهئ .. علاش علاش..
- منى.. سمعيني نشرح ليك .. مكنش فيدي حل اخور.. مصطفى مكانش غايخليك.. وعمرنا مكنا غانكونو مع بعض.. الحل الوحيد ونقطة الضعف ديال مصطفى هي الفلوس..
- انا ماشي سلعة امروان.. كنتي تشاور معايا..
- سمحيلي احبيبة عفاك.. عمري منعاود نخبي عليك حاجة اخرى.. عفاك سمحيلي.. انا عمري محسبتك سلعة.. نتي جوهرة وغالية مكتقدريش بثمن بالنسبة ليا... انا كللي ليك.. هو شد ثمن طلاقه ليك ماشي ثمنك نتي.. عفاك امنى.. سمحيلي ..
جا عنقني وكيطلب مني العفو..
- عفاك امروان.. متعاودش تخبي عليا شي حاجة .. ومتجرحنيش بهاد الطريقة .. متحسسنيش باللي كتشريني...
- اشهاد الهضرة.. واش نتي كتفكري انه ممكن نفكر فيك بديك الطريقة.. نتي راكي اغلى معندي.. نتي حياتي..كنبغيك امنى.. وعمري غانفكر نشوف فيك بشي نظرة من غير نظرة العاشق..
سامحت مروان لانه دار بزاف دالحوايج اللي تشفعله.. بزاف دالحوايج زوينين ونيته كانت صافية فهادشي..
دازو ايام وحنا عايشين حياة زوينة بزاف.. حتى لواحد النهار جاني اتصال من الامن.. كيقولو باللي عندهم متهمة طلبات تشوفني.. مشيت وتفاجأت .. لقيتها سوسن.. وتصدمت مللي قالولي هي سلمات راسها للبوليس بتهمة القتل العمد..
- سوسن .. قتلتي مصطفى..
- مقدرتش نعيش .. حياتي حتا لهنا سالات.. منقدرش نعيش اكتر.. من الاحسن نهني راسي منه ونهني عباد الله ونهنيك نتي.. هو مات واسمك ففمو..
- كيفاش حتى قتلتيه.. 😰
- عييت من عدابه.. النهار اللي وفضتيه زاد جعر ووليت انا هي الوسيلة اللي كيفرغ فيها غضبه.. عذلبي وصل لواحد المرحلة ميمكن يتصورها حتى شي واحد يأست من الحياة .. هو رفض تماما يطلقني.. وفكرت ننهي حياته.. وجدت ليه الغدا.. ودرتلو فيه سم .. بدا كياكل وسولته.. مصطفى شنو اكتر حاجة كتبغيها فالدنيا.. ولاول مرة كيجاوبني .. كنبغي الفلوس ومنى.. قلتله شكون كتبغي كتر .. قاللي قبل كنت كنبغي الفلوس اما دابا كنبغي منى اكتر.. قلتله كيف كتحس راسك بلا بيها قالي كنحس راسي ميت.. قلتله اذا موت .. راك ميت ميت سواء كنتي عايش ولا ميت... شفتو قدامي كيموت وكيتعذب والروح كتخرج منو.. وكنت فرحانة ومرتاحة.. حيت شفيت غليلي
- وشنو المطلوب مني😢
- انا بغيت نكتب ليك تنازل.. مللي نولد ولدي تاخديه تربيه نتي.. كنترجاك.. ربيه ومتعاوديلو علينا انا وباباه والو.. متذكريناش قدامو...
- ولكن هاداك ولدك..
- انا غاندوز حياتي فالحبس.. ومبغيتش ولدي يقضي حتى ليلة وحدة فيه او تكون ليه علاقة بيه.. ربيه .. ومتأكدة انه غايكون معاك بخير.. دارت سوسن التنازال وفعلا مللي تزاد الولد خديته.. ضميته لصدري شفت فيه ولدي هيثم.. كيشبه فيه بزاف.. سميته هيثم.. بقات فيا سوسن حيت تحكم عليها بالمؤبد.. مروان فرح بهيثم .. ورباه كأنه ولده تماما ... دازت سنوات وولدت بنيتة زوينة كتشبهلي .. سميتها شمس.. هي اللي ضوات لينا حياتنا .. حياتي مع مروان كانت مستقرة ومليئة بالحب... مامبنياش على الطمع.. بعد ولادة بنتي .. عجوزي تبدلات معاملته ليا .. حيت البنت بدلاته ولا كيحماق عليها.. وحتى هيثم كيحسبوه حفيد ليهم.. اللي كيطمع عمرو مغايعيش مهني .. والنهاية كتكون بحال ديال مصطفى.. دمتم على واقع اجمل.. مليئ بالحب الخالص.. والعشق اللامتناهي.. Dodi elaissati النهاية ❤
0 Commentaires