الجزء 22 والاخير
المكان قصر عائلة برهان.. جينا انا وايمن واكرم .. انا اتصلت بأحمد وقلتله اني فالقصر ولقيت اوراق كتثبت ان كل املاك انيس وهبها للجمعيات .. كان غايحماق .. قلتله انا غانستناك فالقصر الى بغيتي الاوراق .. وفعلا جا بسرعة .. مللي دخل بقا كيقلب عليا حتى وصل للكولوار وهو يخرجلو اكرم .. كان لابس لباس كلاسيكي .. احمد صحابليه انيس هادا.. بدا كيترعد مقدرش يصدق راسو ..
اكرم (انيس) : لاباس عليك ابابا ..
احمد : اااا .. انيس 😳
اكرم : اه انيس .. اللي قتلتيه .. واللي مرحمتيهش .. مخليتيهش يعيش مع ولدو .. قتلتيه علاش على قبل الفلوس .. باش نفعوك دابا ..
احمد : ولدي انا .. انا كنت مجبور .. انا مقتلتكش عمدا .. مكنتش قاصد .. ولدي .. واش نتا مامتيش ..
اكرم : فين ولدي ابابا ..
احمد : 😳 وو ولدك .. معرفتش ..
اكرم : علاش كتكدب .. نتا دابا قدام واحد ميت .. علاش تكدب ..
طاح احمد على ركابيه وبدا يبكي : اهئ اهئ ولدي سمحلي .. انا كنت باغي الفلوس امك هي السبب .. ولدك قتلتو .. ومرتك قطعت لسانها ... علاش انيس وصلتيني نولي مجرم .. لوماكانت امك باغا تجري عليا ومتعطيني والو مكنتش غانقتلكم .. نتا طول هاد المدة كتبان للناس .. اه قتلت كل من كان يجبد هاد الموضوع ولا كان يبغي يوصل للحقيقة .. انا قتلتهم بيديا انا ..
قرب اكرم من احمد ونزل عندو : بما انك عتارفتي بكل ما درتي .. وندمتي .. خاصك تخلص الحق .. وتدخل الحبس .. وبالمناسبة .. انا ماشي انيس ..
رفع احمد راسو .. لقا اكرم كيضحك ..
- كيفاش .. كيفاش
- انا اكرم .. الابن الشرعي والوحيد لانيس برهان .. ابن اروى للي حاولتي تسكتها وقطعتي لسانها .. للاسف الخادم ديالك غدر بيك ومقتلنيش .. وهانا رجعت .. مفاجأة اولا ؟
احمد كان غايحماق وخصوصا مللي شافنا قدامه
ايمن : اعترافك تسجل صوت وصورة .. وغاتدفع الثمن ديال كاع الجرائم اللي درتي ..
احمد: نتي ؟ كان عليا نقتلك داك النهار ..
ليان : من حسن حظ اكرم انك مقتلتينيش .. باش نكشف حقيقتك المجرم ..
جاو البوليس ولقاو القبض على احمد .. القضية كملت لقاو قبر انيس وامه فالقصر .. ثبتنا ان اكرم هو ابن انيس وبالتالي كل الاملاك تحولات ليه .. اكرم اعاد ترميم القصر ديال الوليد ديالو .. ورجعو كما كان .. هاد المرة سكان القرية عرفو الحقيقة ومابقاوش كيخافو يدوزو من طريق الغابة .. حيت روح انيس مابقاتش مخيفة بالنسبة ليهم .. تعرضنا لحفلة فالقصر ديال انيس ...عند اكرم وامه اللي ولات مزيانة بعدما شافت ابنها قدامها مرة اخرى ..
اكرم : ليان .. لوماكنتيش نتي .. اكيد مكانتش غانلقا عائلتي ومكانتش الحقيقة غاتبان
ليان : انيس دار معايا حاجة مزيانة .. عتقني بالليل .. وهادا رد للجميل ديالو .. المهم انكم مجموعين دابا ..
بقينا فالحفلة حتى بانلي انيس فاخر الدرج .. مبتسم .. مخفتش وانا عارفة ان هاداك طيفه ..تمشى وبعد .. اكيد دابا غايكون مرتاح وسعيد حيت مرتو وابنه فأمان .. النهاية .. تأليف وردة العيساتي .. مرحبا بكم فمدونتي ..
0 Commentaires