الجزء 28
كان ضروري خاصني ندير شي حاجة.. العاطفة حركاتني ومخلاتنيش نسكت.. خديت بسرعة الفردي اللي طاح لياسر وبدون سابق انذار خرجات منه رصاصة فصدر البوص.. طاح تما وانا مصدومة .. اش هادشي درت انا قتلته.. تحرر ياسر من هاداك وطيحو .. شاف فيا ..
-يمنى... نتي عتقتيني من الموت..
كلشي سالا.. جاو البوليس .. خداو الجثة ديال البوص.. واعتقلو الاخرين.. بقيت جامدة فبلاصتي وفستاني ملطخ بالدم.. قرب مني ياسر.. وشدني وحاول يخرجني من ديك البلاصة..
- يمنى.. صافي كلشي سالا.. واخيرا غانخرجو من هنا..
انا مقدرت ننطق بحتى كلمة.. اكتفيت فقط بالسكوت وكانت شفتاي كيرتعشو.. وماقدراش نوقف على رجليا.، خرجت من داك القصر اللعين .. مشيت عند مريم داني ليها ياسر.. مهضرتش ومخرجت مني حتى كلمة استقبلاتني مريم وحيات ياسر بالتحية الرسمية.. عرفتها حتى هي بوليسية ديك الساعة.. بدلت ديك الكسوة .. ودخلت ندوش.. جلست فالما.. وانا كيبانلي قدامي حاجة وحدة.. داك الشارف اللي كان عاقد احلامه عليا.. مات على يدي.. اش غايوقع من بعد.. واش غننسى فيوم من الايام اني قتلت روح.. اني وسخت يديا فدم انسان... وياسر.. اش غاندير بعد هادشي.. الشخص اللي عشت كنحلم اني نكون معاه.. بغيته.. بغيت وهم.. شكون هاداك .. انسان استغلني فالخدمة ديالو.. هو ما قاتل مأجور ولا والو.. هو ما مستواي ولا والو.. مكاين لا جات عندو وحدة ولا بغا الخزنة دالفلوس ولا بغا .. شكون هو.. عمييد.. عميد.. اكيد عندو عائلة.. عندو مرا وولاد.. عندو ام واب.. ماشي بحالي لقيطة بنت الزنقة... دابا كلشي سالا غنرجع للزنقة من جديد.. راسي غينفجر.. اش هادشي طيحت فيه راسي .. خرجت من الدوش.. جات مريم كتدق عليا..
- شنو..
- نزلي تاكلي.. ياسر كيستنى فيك..
- معنديش الشهية.. بغيت ننعس.. قوليلو راها عيانة وماباغا تشوف حد هاد الساعة..
مشات .. وبقيت فالناموسية.. كنفكر وكنفكر.. فين غايخرج هادشي.. انا ضروري نوجد راسي للزنقة من جديد.. لا مغنرجعش للتسول.. انا وليت كنعرف نقرا ونهضر.. نشوف شي خدمة.. اكيد نلقى شي فيلا... نخدم فيها خدامة..غايقبلوني الى مشيت مستيلية.. #dodi_elaissati هاد الدنيا.. فشكل.. اللي بقا فيا من هادشي كله.. ان المسلسل سالا.. مكاين لا حب ولا والو.. كلشي وهم... وهم
0 Commentaires