الجزء 21
شدينا الطريق فورا لطنجة وانا متحمسة نوصل دغيا .. الطريق طويلة.. وصلنا ورتاحينا .. الى ان حان اللقاء ..شفت فيه وقلبي كان غايخرج من بلاصته ..
- انيس ..
- نعام .. انا ماسميتيش انيس انا سميتي اكرم
- هه عارفة .. نتا كتشبه فباباك بزاف 😢
- فين هو واش جا معاكم ..
- للاسف نتا مامكتابش ليك تشوف باباك ..
- مفهمتش .. وشكون نتوما ..
- انا غانشرحليك كلشي ..
جلسنا وعاودتله القصة من نهار دزت من طريق الغابة . وتلاقيت انيس .. لحد ما جينا لعند اكرم دابا .، بقا مصدوم وما متيقش داكشي اللي كيسمع .،
- يعني ماما مازال عايشة ..
- اه وغاتفرح بزاف مللي غاتشوفك .. ماماك محتاجة ليك بزاف ،.
- حتى انا محتاج ليها بزاف .. عشت حياتي كنحلم بها ..
- الحلم تحقق وغادي تشوف ماماك ..
الى بغيتو تقراو جميع قصص دودي ديرو فغوغل قصص dodielaissati وغادي تلقاو المدونة ديالي ..
اكرم جا معانا لمراكش باش يتلقا امه .. اللقاء الاسطوري اللي عاشت اروى كتسناه وللي كانت فاقدة فيه الامل .. وحتى اكرم .. انا طول الوقت كنشوف فيه .. نفس الزعورية ونفس النظرة ونفس الطول .. انيس واكرم بينهم عقود .. القدر خلق شخصين في زمنين مختلفين .. والاهم انه نفس نقاء الروح .. انيس واكرم .. وصلنا لمراكش بعد سفر طويل توجهنا لبيت اروى .. اختارينا انا وايمن اننا مندخلوش وخلينا اكرم يدخل عو اللول لعند اروى .. غا شافت مصدقاتش نفسها ناضت عندو بالبكا وبدات كتقيص ليه فوجهه . كتتأكد انها مكتحلمش وان ولدها هو اللي قدامها .. قلب الام كيحن .. وكيحس .. اللقاء كان حميمي جدا .. اكرم وامه بكاو بجوج .. وبقاو معانقين ..
بقا اكرم مع امه واتضحت الامور .. حاولت نهضر مع اروى .. فحاولت تهضر بالاشارة .. وقالت ان احمد قتل انيس اولا .. ثم قتل امه .. وهي هربت بالولد وبعدات على القصر جات لهنا لمراكش .. ولكن احمد وخادمه لحقوها وقطعو لسانها للاسف .. وخطف ابنها .. انا اقترحت خطة كلشي بقاو فالاستماع .. فرصتنا الوحيدة باش نشدو احمد ويتحاسب على كل ما دار dodi elaissati
0 Commentaires