التشرد جعل منا مفيوزيين - الحلقة 1

جزء 1-*
💣🔫التشرد جعل منا مافيوزيين... تأليف dodi elaissati و جوهرة مريم
شحال من واحد عندو عاءيلۃ ومعاطيهمش قيمۃ كيقولو بلي كيدخلو في حياتي ومعطينيش حريتي يهاد المكلخ(ۃ) لوتشوف يتامۃ ولا متشردين يتمناو تصرفيقۃ وحدۃ منهم غير باش احسو بدفيء ديالهم مهم منطول عليكم انا اسمي ليت في عمر ديالي دابۃ 30 عام وصف ديالي شاب طويل وعريض وجهي وسيم طبعا عينين عسليين شعر ديما مشوك تسريحات مكاين شي وحدۃ مجربتهاش لونو اسود ولحيا مطراسيا هدشي لكيعجب لبنات هاد وقت في التفاخر وماشي التواضع انا تيتيز هههه انا اكبر رجل من المافيا في المغرب و الدول الغربيۃ دابۃ تعرفو نرجع بيكم لور انا داك طفل لتخلاو عليه ولديه نتيجۃ طلاق وتلاح شارع لا حنين لارحيم اب ديالي وام طلقو وحتى واحد مكلف راسو اشوف جيهتي حقت عليهم خويت مدينۃ اكبر مدينۃ في المغرب لهي كزا غابۃ بحلۃ اضواء منزليۃ مشيت نيشان بلاصۃ لغادي نلقا فيها للي بحالي تعرفت علا دراري وتصاحبت معاهم وبنيت بيت من قزير وفرشتو بكارطون باش ناكل ونشرب كنت نسرق ولا نغسل طموبيلات واولا كنميخل في زبابل وبركسات ...انا ليث .. اخطر مفيوزي في المغرب والدول الغربية .. سر نجاحي هو ذكائي .. حتى ان البعض كيلقبوني بالثعلب .. حيت المكر ديالي وصل بيا اني ناخد بلاصة اكبر واخطر العصابات في امريكا .. اه من مشرد بسيط ما لقا ماياكل الى اخطر مافيوزي .. كل هادشي اللي وصلت ليه ماقدرش ينسيني فطفولتي .. طفولة العذاب .. بزاف كنفكر فعلاش واليديا ولدوني مللي مقادرينش يربيوني .. واش معندهمش كبدة عليا .. واش مكيقلبوش عليا .. واش كينعسو ويرتاحو وهما عارفين باللي طرف منهم كينعس فالزنقة .. كلها افكار مكنقدرش نتخلص منها .. عشت بها.. داك الطفل الصغير اللي لقا راسو فمدينة كبيرة .. بالنسبة ليه كانت كتخوف .. مازلت كنتذكر كل يوم فحياتي فالزنقة .. كل لحظة .. الجوع والبرد .. حوايج مقطعين .. كنلبس صندالة مقطعة .. وحوايج خانزين .. عرفت منذ اول يوم اني طحت فغابة .. كان خاصني نكون ذيت باش ناكل الذيابة .. ولكن انا فضلت اني نكون ثعلب .. حيت بالعقل والمكر غادي نقدر نعيش ديما .. ولكن الى كنت ذيب غادي نلقا اللي ياكلني .. فاختاريت اني منتكالش.. طريقي للعيش كان الحيلة .. كما كانت كنقز قدام الطوموبيلات باش ندير راسي مصاب .. طريقة باش نكسب منها ولو خمسين درهم على الاقل منه .. خصوصا العيالات والمراهقين اللي كانو كيخافو ..كيخافو من مسؤولية الكسيدة .. كيعمرو لي يدي .. كبرت شوية وليت كنكريسي الناس .. والبنات .. تعلمت الكريساج وفنونو.. اه كنهز جنوي وكنخوف بيه الناس .. واخا كنت صغير .. كبرت شوية ووليت خدام مع واحد مول لافاج كنغسل الطوموبيلات وغا الحديد الواعر .. مرة مرة كانو كايضورو معايا ماليهم ..فوسط هادشي كله .. كنت كنشوف امهات شادين ولادهم بيديهم .. وكيشريو ليهم اجمل ما يتخيلو ..هادي كانت نقطة ضعفي .. كنت كنحسدهم اه على النعمة اللي راهم فيها .. كتشدني الغمة على حالتي ولكن صحابي .. ولاد الشوارع اللي بحالي كيخرجوني من هاد الحالة .. مللي كنلقاهم مجموعين وماعلى بالهمش وكيغنيو ... 😃 كنلوح حتى انا الهم وكنندمج معاهم .. ماطالعاش ماطالعاش.. حياتي بقات هاكا .. حتى للنهار اللي غايتبدل  فيه كلشي...يتبع تأليف جوهرة مريم و دودي العيساتي