الجزء 18
بقا فينا اليأس والخوف من الجاي .. اروى مكتهضرش كيفاش غاتقدر تدوي وتقول شنو وقع لراجلها وحماتها .. وجهت لها الكلام مرة اخرى..
- اروى فين هو ولدك .. فين هو ولد انيس ..
غا سمعات ولدها وانيس وهي ترفع راسها عندي وجاتها هيستيرية دالبكا .. جات المرا كتهدن فيها
- علاش جبدتولها ولدها راه كتقيل تبكي عليه وتنوح ..
بقات فيا بديك الحالة مشات خرجاتها المرا من داك البيت .. ومعرفت فين داتها .. رجعات عندنا المرا ..
- اشبينكوليكم .. اروى من نهار تخطف ليها ولدها وهي هكاك ..
- واش هي تزادت زيزونة ولا بالصدمة دراجلها
- لا متزادتش هكاك .. مللي رجعت لعندنا كان لسانها مقطوع
- 😱😱 لسانها مقطوع ؟!!
- اه مقطوع ومقدرنا نفهمو منها والو .. دازت مدة قصيرة بعدما رجعات تخطف ليها ولدها ..
ليان : احمد هو اللي دارها .. هداك مجرم ومتأكدة غايدير كتر ..
ايمن : تهدني اليان .. واش ممكن يكون قتل الولد
ليان : ممكن .. ممكن يكون قتلو .. سمحلي انيس سمحلي .. كيفاش غانقدرو نلقاوه دابا كيفاش ..
ايمن : لالة واش نتي هي ام اروى
المرا : لا اولدي اروى يتيمة .. انا غا درت فيها الخير حيت تربات معانا
بقينا فديك الدار .. مشيت لبيت اروى حليت عليها الباب .. لقيت صوت انينها واصل اعندي .. وهي جامعة رجليها عندنا ..
- اروى .. شوفي فيا .. انا شفت انيس ... انيس منتاحرش .. وماشي امه اللي قتلاته ..
شافت فيا ودموعها فعينيها وحركات راسها بالنفي .. وكملت كلامي .. احمد هو اللي قتلهم وشعل فيهم العافية .. وهو اللي قطع لسانك وخطف ولدك
زاد صراخها وبكائها وكتحرك راسها بالايجاب .. وزادت فالبكا .. عنقتها : متخافيش غانرجع ليك ولدك غانرجعولك .. عنقتها وهدات ديك الساعة..
كيفاش غانقدر نوصل لولد انيس .. وانا معارفا واش تقتل ولا عطاه لشي حد اخور يربيه .. القضية معقدة بزاف .. اروى الا رجعت ليها ولدها غادي تقدر تعاوني نلقا دليل ادانة لاحمد .. اصلا الى رجع الولد فالورث كله غاينتقل من احمد ليه هو .. ديك الساعة غايصبح الوريث الشرعي لكل املاك انيس برهان .. ماشي احمد .. دابا عاد اتضحات الصورة .. احمد كان طمعان فاملاك ام انيس هي بدورها كتبات لولدها كل ما كتملك لانها مكانتش تايقة فراجلها .. ولكن احمد قتل انيس وامه وخطف ولده باش يصبح هو الوريث الوحيد لكل تلك الاملاك .. كنتمنى الولد ميكونش مات..لانه طريقنا الوحيد للحقيقة dodi elaissati
0 Commentaires