الجزء 17
خرجنا من تما بعدما خدينا الاوراق .. اكيد غادي ينفعونا .. مشينا للدار ..
- ايمن خاصنا نلقاو هادي اللي سميتها اروى..
- فين غادي نلقاوها .. معندنا لا عنوان ولا والو ..
وحتى اسم ولد انيس معرفناهش ..
- اكيد غانلقاو شي دليل .. يوصلنا ليها .. ولا غادي نقلبو على كاع اللي سميتهم اروى الشامي فسجلات الحالة المدنية ..
- ايوا .. ويلا مالقيناهاش فالدار البيضاء .. واش غانقلبو السجلات ديال المغرب كله ..
- ايمن .. حنا اكيد غادي نلقاو شي طريقة .. نقلبو حتى نلقاوها .. معندناش حل من غير هادا .. ونطلبو المساعدة ديال اصدقاءنا ..
- واخا .. غانحاول نعلم جميع اصحابي فكل مدينة .. غانديرو اعلان .. حنا عندنا تصويرتها .. ونقلبو هليها اللي شافها يتصل بينا ..
- عظيم .. ياربي نلقاوها مازال عايشة ..
دازو ايام وانا كنقلب وكنستنى يجيني منها خبر على احر من الجمر .. حتى للنهار اللي جا فيه اتصال لايمن كيخبره فيه باللي المرا اللي كيقلب عليها راها فمراكش .. كنت غانطير بالفرحة .. شدينا الطيارة دغيا .. خاصنا نمشيو نشوفوها وهي دليلنا على احمد .. مللي وصلنا للعنوان لقيناها فالمدينة القديمة وفحي شعبي .. شديت فايمن وانا خايفة .. وصلنا للدار دقينا فتحات لينا واحد المرا كبيرة وسمرا ..
- السلام الالة واش هنا ساكنة اروى ..
- اه هنا اسيدي .. اشبيتوها وشكون نتوما ..
- ممكن نشوفوها حنا من طرف المرحوم راجلها ..
دخلاتنا ديك المرا .. جلسنا فالصالون .. مشات ورجعات شادة فواحد المرا تكون فالاربعينات وضعيفة وعينيها ذبلانين بقات فيا حالتها مسكينة .. اكيد هي اروى .. جلساتها وحنا كنشوفو فيها وخايفين اما هي باين انها فعالم اخور .. وجه ليها كلام ايمن : لاباس عليك الالة ..
طلعات فيه عينيها ومجاوباتوش dodi elaissati .. ديك الساعة هضرات المرا ..
- راها مكدويش .. زيزونة ..
ديك الساعة تصدمنا انا وايمن ودوينا فوقت واحد :
- شنووو 😳
مستحيل هي كانت املنا الوحيد .. كيفاش غاتقدر تشهد على احمد وهي مكتهضرش .. القضية غا ما زايدة كتعقد .. تأليف دودي
0 Commentaires