الجزء 8
متعرفناش على هاد الزوينة اللي معاك اسي ادهم ..كان رجل شارف وباينة فيه لاباس عليه وعينيه زايغة ..اللي بحال هادا علاش ميمشيش يكمل شنو بقالو فالدنيا فجامع شنو باغي من الدنيا مازال ..
-ادهم :هادي هي حظي هاد الليلة ..حبيبتي ميساء ..
نظراتي اتاجهه مباشرة لهشام اللي بمجرد ماذكر سميت ميساء رفع حاجبه ..ومنطقش ..انا بقيت مركزة معاه ..بداو اللعب ..مفهمتش حتى حاجة من هادشي اللي كيلعبوه هنا ومبغيتش نفهم ..جاني الملل منهم ..الهدف هاد الليلة هو يشوفني هشام استأذنت وتمشيت نخرج نشم شوية الهوا ..خرجت وانا كارهة ديك البلاصة ..حتى سمعت صوته مورايا .. طبعا معجبكش داك الجو ..مستحيل يوالم داك الوسخ وحدة نقية وبريئة بحالك ..مكنتش عارفة اني غنأتر عليه بهاد السرعة ..كما قال ادهم باينة كتعجبو الحاجة اللي فيد الغير ..مطولتش ونطقت ..فايت تشاوفنا فشي بلاصة من قبل؟
-منضنش..مستحيل نشوف هاد الجمال ونقدر ننساه (مد لي يديه) انا هشام تشرفت بيك
-انا ميساء ..ابتسم مرة اخرى مللي ذكرت سميتي وقلتله مالها معجباتكش ..
-بالعكس سميتك زوينة بزاف ..كتفكرني بواحد البنت ..زوينة.. وبريئة.. وعينيها كلهم حزن
-احم احم خاصني نمشي
جربت وخليتو مورايا ..مكنش صحابلي هادشي صعيب حتى هاد الدرجة ..خفت بزاف ..خفت من غموضه ومن صمته ماشي ساهل ..كأنه كيعرفني مزيان وكأنه كيهضر عليا ..شكون هو ..واش جابني ليه وعلاش قتلي راجلي وبنتي ....ناري غنتسطا وغنهبل وصلت للدار بالطاكسي ومسولتش فأدهم طلعت بسرعة حيدت حوايجي ودخلت للدوش تحت الرشاش دالما وبقيت كنبكي بحرقة كبيرة ..كنكرهك اهشام كنكرهك ..علاش هاكا علاش ..علاش وصلتيني لهادشي تكمشت فالجاكوزي وبقا الانين ديالي هو المسموع فقط ..كنسمع صوت جرس الدار شي حد كيدق مقدرتش نوض نفتح شوية كنسمع صوت ديال الهاتف كيصوني ..منه سمعت صوت ادهم فالباب كيعيط ريم انا عارف راكي لداخل واش راكي بخير جاوبيني ..ريم ردي عليا انا غنهرس الباب راش راكي لاباس
نضت بخفة لبست بنوار الحمام وشعري كيقطر بالما وهضرت بلا منفتح الباب
-شنو بغيتي
-علاش مشيتي واش داك الحيوان دارلك شي حاجة
-مادارلي والو سير بحالك بلا متفضحني مع الجيران ..
-واخا انا غنمشي ولكن ..واش نتي متأكدة باللي راكي بخير
-انا بخير غا سير
مشا بحالو ورجعت لانيني وتأملي وتفكيري فحل للانتقام هاد السيد ماشي ساهل ..كيفاش غاندير ..كيفاش غاندير
0 Commentaires