الجزء9
الخطة مدروسة الغد ليه كنت مصممة نكون اقوى من هادشي ..صاوبت راسي كالعادة كنبان زوينة ..كنت مشهية يشوفني عماد هاكا ..للاسف ..
الخطة التالية هي وبعد مراقبة هشام والبلاصة اللي راه فيه مشيت لتما بالطوموبيل ..ودرت راسي بحال الى وقفتلي طوموبيلتي اومبان ..شفتو ودرت راسي مشفتوش هو تفاجأ مللي شافني وجا كيجري عندي ..
-صدفة زوينة هادي ..واش نعاونك
-لا شكرا ..انا نستنا الديباناج
-وميكونش راسك قاسح ..خلليني نتكلف بطوموبيلتك نتاصل بصاحبي يديها تتصاوب ويالله معايا نوصلك ..واش غتبقاي تتسناي فالشمش ..
درت راسي مبغيتش فالاول ولكن وافقت ..هادشي ضمن الخطة ..الراجل مللي كتقل عليه المرا راسها ديك الساعة كيزيد يلصق فيها ..ركبت معاه وهو طول الطريق كيهضر وانا كنجاولو ب اه اه ...مكانش عندي الخاطر ندير الود معاه ..مكنتش كارهة نقتلو دابا ونتهنا ونهني البشر منو ..شوية لقيتو وقف عند واحد الكافي زوين ..وباينة فيه كلاس وغالي ..
-لاش وقفنا هنا
-نشربو شي حاجة ..ومنها نتعارفو اكتر ونعرف سبب هاد الغموض اللي نتي فيه وسبب سكاتك الدائم
نزلت وانا ساكتة ودخلنا وطلبت قهوة كحلة بلا سكر حيت راسي كان غينفجر
-اه اه قهوة كحلة للزين بحالك ..شكون قلقو
-نتا ..بنظرة واثقة
-باستغراب :انا وعلاش
-نسا نسا ..بدل الموضوع
-سعداتي ..انا سبب تخمامك لهاد الدرجة اثرت فيك ..وحنا انا ديما كنفكر فيك
-فهمتيني غلط ..ما
-بلا ماتشرحي انا عارف راسي فارس احلام الفتيات ..وغمزني وهو ضاحك
-مغرور
شربت القهوة وانا ساكتة وهو فين ما كان شي موضوع جبدو وهضر فيه ..منبعد جاني الملل وعدم القدرة على الاستمرار فالتمثيل قلتلو خاصني نمشي ..
-ميساء ..انا فرحان حيت تعرفت على وحدة بحالك ..نتي هادئة بزاف وطيبة ..ومكرهتش تكون بيناتنا شي حاجة فالمستقبل ..حيت عمري رتاحيت لشي وحدة بحالك ...صدمني بديك الهضرة ارتابكت وقلتله خلينا نمشيو
دازت الايام والخطة ماشية مزيان والسيد حاسة بيه طايح ومزعوط وكيزيد نهار على نهار كيتعلق بيا وانا منخلاه كل ما بغا يتقرب كنصدو ..معلوم يتزعط هادا اللي مولف البنات كيجيو عندو بوحدهم واللي ضحك عندها كيحصل عليها ... وانا كنكرهه وكيزيد يستفزني كلما نطق كلمة حبيبة ولا كنبغيك ..انا مولفة عماد هو الوحيد اللي كيقولهالي ومضطرة نصبر نسمعها من هادا ..كنكرهه كنكرهه
0 Commentaires