الجزء 22
الصباح لقيت خديجة واجدة .. معرفت من امتا فاقت .. ديتها معايا للسبيطار وقلتليها جلسي ولا تفرجي من السرجم نتي امانة فيدي ووصاني عليك خوك .. قالتلي متخميش .. بقات غادا جاية شفت فيها لقيتها فرحانة وخليتها .. شوية دخلت نفحص واحد السيدة .. خرجت نقلب على خديجة ملقيتهاش .. اويلي وعدي فين مشات سولت السيكوريتي قالي راه كان معاها واحد الراجل ومشات معاه .. طاحولي ركابيا ديك الساعة .. شكون هادا اللي مشات معاه اويلي.. ياكما يكون وليد .. مكان فيدي اي حل الا نستنى .. يمكن ترجع .. بقيت على اعصابي ومخدمتش يديا كيترعدو اش داني نهز مسؤولية بحال هادي .. ياكما هربات مع شي واحد .. اش غنقول لوليد .. هادي راه عمرها ماشافت الزنقة .. اللي لقاتو قدامها تيق فيه .. الله يا ربي حلها من عندك .. جيت نخرج نطل وانا بالطابلية على امل نلمحها غا هنا قريبة وصيت السيكوريتي يمشي يشوف فالدورة يمكن تبانليه.. وانا مازال كنقلب حتى كايبانلي اخر شخص تمنيتو يجي فهاد اللحظة .. وليد كان جاي من جيهتي وكيضحك.. اش نقولو واش ندير .. لا لا خاصني نتصرف عادي
- وليد !! امم اش كادير هنا ؟
- جيت نشوفك .. قوليلي كيبقات خديجة
- مزيانة راها لداخل
- واخا يالله نشوفوها
- لا لا لا .. بقا هنا .. اويلي اوليد ياك قلتلك داكشي العيالات .. واش مكتحشمش ..
- شحال كيجي معاك تحشمي ويوليو خدودك حمر
- امم ( لوكان تعرف علاش راني حمرا كالك الحشمة واه)
وليد سير بحالك يالله انا عندي الخدمة .. وبديت كندفع فيه
- صافي وانا غادي .. غنتوحشك ..
- بالسلامة مشا غادي وكيشيرلي بيدو وانا كنرد عليه غا سير .. سير صافي سير .. مامشا حتى غفرلي الله كاع الذنوب ..
بديت الرحلة دالبحث عاود تاني .. دازت ساعة ونص حتى لقيت الاميرة جات وكان شي واحد واقف بعيد هو اللي وصلها ..
- اجي الجيفة .. ندمتيني حيت خرجتك .. واش هادا جزاءي ياك .. وشكون هاداك ..
- هاداك ولد عمي مشينا غا هنا نشريو شي حوايج .. وعاود مكفرتش صافي هانا قدامك لاش كتغوتي
- ياك الالة .. ايوا فخبارك باللي وليد كان هنا
- وليد!! ياكما قلتيلو باللي مشيت
- يالكلبة .. تاني مرة خليتيني نكدب على خوك هادي اخر مرة نخرجك معايا
ديتها للدار .. وحالفة منخرجها مرة اخرى دازت عليا كحلة .. كما العادة .. داز النهار عادي .. فالليل تجمعنا للعشا .. والسي وليد هاد المرة فرحان .. وناشط وكيسول البنات لاباس.. اول مرة كنشوفو ناشط وكيشترك مع البنات الهضرة ..تأليف dodi el aissati
0 Commentaires