الجزء23
دوزت النهار زوين وكما العادة الخدمة للدار.. ووليد ولا لين فالتعامل ديالو معايا .. رجعت من الخدمة بكري بدلت حوايجي .. بقيت كنتمشى فالدار وقلت نسول فلبنى.. وصلت لباب الغرفة ديالها وانا نسمع صوت راجل.. اواعدي اش هادا .. حليت الباب وانا نلقاها فالسرجم دايرا لثام وكتهضر مع شي واحد.. شداتني الضحكة وهي غا شافتني سدات السرجم دغيا...
- هدى..
- لبنى يا لبنى .. كتمعشقي يا العفريتة
- كنترجاك متقوليها لحتى واحد .. عفاك
- متخافيش .. سرك فبير .. يالله عاوديلي ..
- مكاين والو.. هادا غا واحد كنتفلى عليه.. وكنهضر معاه وموريتوش وجهي.. حيت عارفاه غايهرب كما هربو الاخرين
- وعلاش غيهرب.. نتي زوينة
- فين هو الزين.. فهاد العمى.. ولا
حيدت ليها النظاظر .. وبدات
- هدى هدى عفاك رديهملي راه مكنشوف والو بلا بيهم..
- نتي زوينة واية في الجمال ...مكيشوفوش جمالك الحقيقي اللي مخبي مور النظاظر داكشي علاش كيمشيو .. انا عندي ليك حل .. غتولي حسن من خواتاتك كلهم.. رديت ليهاالنظاظر
- اشنو هو هاد الحل
- غدا غتعرفي .. نوضي بكري .. واخا؟
- واخا
خرجت ومشيت لبيتي مع العشا .. رجع وليد تلاقيتو عند الباب وهو فرح بزاف .. وبدا كيلمحني بحال دري صغير تابع مو بعينيه .. قلتله غدا غندي معايا لبنى للسبيطار واخا؟ حرك راسو بالاسجاب بدون نقاش .. تجمعنا مشيت جلست حداه.. استغربو خواتاتو وحتى مو.. بديت كناكل وكنهضر معاه فمواضيع عامة.. وكلشي كيشوف فينا.. هادا هو اللي النهار اللول مكانش يهضر مع العيالات ويعطيهم وقت..
الغد ليه نضت بكري وخرجنا انا ولبنى .. مشينا للسبيطار .. دخلنا لطبيب العينين .. ودوزليها وعطاها العبار ديال العدسات وورا ليها كيفاش غادي تستعملهم .. هي كانت فرحانة بزاف .. وثقتها بنفسها كبرات..مشينا للدار كلشي خواتاتها انبهرو بها .. جمالهما بان .. هادي اللي كانو كيحكرو عليها وكيقولو عليها خايبة.. مللي جا وليد بالليل وشافها حتى هو فرح بزاف ليها ... تأليف دودي العيساتي
0 Commentaires