الجزء 21
فالليل مشيت نتعشى مع العائلة .. شفت فوليد كان ذبلان وكان كاياكل بواحد الثقل .. مشافش جيهتي .. مهضر مع حتى واحد كمل ماكلته بالسيف وناض استأذن.. نضت حتى انا مشيت لبيتي ووجدت راسي ننعس.. شوية كنسمع الدقان فالباب.. حليت لقيتها خديجة ..
- نعم اخديجة .. محتاجة شي حاجة
- اه بغيت نهضر معاك الى بغيتي
- اه .. تفضلي
دخلت وجلست على الناموسية ..
- هدى بغيت نطلب منك واحد الطلب .. عفاك ديريه ليا ..
- الى قدرت عليه .. علاش لا
- انا حاسة راسي غنموت فهاد الدار .. عفاك خرجيني معاك عفاك ولو غا نهار ولو غا ساعة
- ولكن اخديجة نتي عارفة خوك .. راه غيرفض مية فالمية ..
- حاولي معاه نتي كتزعمي عليه .. قوليلو راني مريضة وغتديتي للسبيطار .. عفاك راني غنموت ...
- صافي صافي غدا غنهضر معاه غنحاول معاه
- واش غنستنى حتى لغدا سيري دابا ..
- اويلي واش نتي مسطية .. غنمشي لبيتو غتشوفني الحاجة تنوي شي حاجة ..
- فين هي الحاجة .. الحاجة نعساات من بكري .. وعاود متخافيش انا راني هنا غنحضيهالك ..
- حاطاني فموقف لا احسد عليه .. صافي بلا غوات هانا ماشية
مشيت بتردد ودقيت على باب وليد .. بقا شوية قلت اكيد ناعس النهار كامل وهو خدام اكيد عيان .. جيت نمشي حتى تحلات الباب .. شاف فيا باستغراب ودهشة
- هدى!!
- وليد ياكما فيقتك من النعاس ؟
- لا .. مكنتش ناعس .. انا النعاس ضاع مني من شحال هادي ..
درت واحد الضحكة ديال الارتباك .. وليد انا كنت باغا نطلب منك واحد الطلب عفاك متردوش فوجهي عفاك .. بديت كنلعب بصبيعاتي وشابكة يديا بجوج بحال الدربة الصغيرة
- واخا طلبي شنو بغيتي .. اللي طلبتيها غتحضر حالا ..
- هه انا بغيت غدا ندي معايا خديجة للسبيطار ..
- علاش ؟
- هضرت بواحد الدلع حتى حسيت السيد غيسخف .. ايوا مخاصكش تعرف كلشي هادشي ديال البنات ههه
- واخا اللي بغيتيها .. تبغي نوصلكم
- لا لا بلاش انا غنديها فيدي وترجعها فيدي متخافش
- واخا .. انا كنتيق فيك
- يالله تصبح على خير شكرا بزاف
- وانتي بخير
مشيت كنجري لبيتي .. ناري اكيد طيحت خمسة كيلو بهاد المحادثة .. خديجة كانت فالاستماع وفرحات بزاف وبقات كتعنقني .. وكتشكرني .. المسخوطة على خروجها خلاتني نكدب ..
0 Commentaires