الجزء 10
خرجت من عندو وانا مامرتاحاش هاد السيد مخبي شي حاجة وضروري خاصني نعرفها .. رجعت لدارنا .. وانا كنفكر كيفاش خاصني نكشف الحقيقة .. انيس عفاك عاوني .. عفاك ..
نعست ومسولتش فأيمن .. الصباح فقت لقيتو عند راسي ..
- ممكن نعرف فين كنتي هادي يوماين ..
- غي هنا ..
- هادي ماشي هضرة .. انا خاطيبك ومن حقي نعرف فين كنتي ..
- ايمن عفاك .. خليني .. من امتا كتسولني فين مشيت ولا منين جيت ..
-من نهار عرفت باللي كاين خطر على حياتك بسبب انيس ..
- اشمن خطر الله يهديك ..
- اه خطر .. مسمعتيش داك الراجل شنو قال ..
- واش تيقتيه .. واش واحد ميت ممكن يآذيني
- ليان انا خايف .. خايف عليك بزاف .. نتي مبقيتيش عاجباني هاد الايام ..
- كون مهني .. انا صافي مبقيتش كنقلب فهاد الموضوع .. تهنيتي ..
- واش هادا وعد ؟
- 😌
عنقني وفرح حيت بعدت لهاد الموضوع .. واخا كنكدب عليه .. ولكن هادشي باش ميبقاش يفرعلي راسي كل مرة ..
نضت بقيت كنفكر .. خاصني نرجع للقصر .. باش نقلب فيه على اي دليل ينفعني .. فلعشية شديت الطريق ليه بعدما تأكدت باللي ايمن مشغول .. مللي وصلت ليه .. دخلت .. وبقيت كنقلب الصمت مريب فيه .. بقيت كنقلب فالخزانات .. وكنتقدم بصمت .. طلعت فالدروج قلبت مزيان الفوق... حتى بانلي واحد الباب مسدود .. مشيت نحلو لقيت مسورتي .. شدني الفضول نعرف شنو كاين الفوق .. اللي أثار انتباهي انه مكاين حتى شي اثر للحريق فالقصر .. مني دخلت ليه والاثر الوحيد اللي كاين هو ديال القِدٓم والغبرة ..حاولت نفتح الباب ولكن مقدرتش .. جبت واحد الكرسي بقيت كنضرب بيه الباب ولكن مابغاش يتهرس .. حتى القوة مافياش .. شوية سمعت شي حس .. قلبي بدا يضرب ... زعما واش يكون انيس هنا .. انيس .. استجمعت القوة ديالي باش نضور نشوف شكون كاين .. تلفت مالقيت حتى واحد .. كنغامر .. ومعرفتش كيفاش حتى زيرت على قلبي وتحملت هادشي .. اووف اكيد غا شي فار وصاف .. مكاين والو .. مكاين والو .. بديت نحاول نفتح الباب من جديد .. مشيت كنقلب على اي حديدة تعاوني .. قلبت بزاف حتى لقيت وحدة ممكن تفي بالغرض .. بقيت كنحاول نحل الباب .. فالجهد واخيرا تفتحات .. مابانلي فالداخل ديالها غا الضلام .. دخلت بشوية واستعنت بالضو ديال التلفون ديالي باش نضوي فديك العتمة ..دخلت شوية حتى حسيت بشي ضربة على راسي .. ضارت معاها بيا الدنيا ومابقيت عقلت على والو من بعدها .. مدونة dodi elaissati
0 Commentaires