الجزء 9
مدونة قصص dodi elaissati .. لقيته .. اكيد هادا هو الاب ديال انيس .. خاصني نمشي نتلاقاه .. ولكن مغانقول لايمن والو .. حيت عرفتو غادي يمنعني .. الصباح بكري جمعت شنو نحتاج .. ركبت فالطوموبيل واتجهت لافران .. صحيح الطريق طويلة ولكن .. هي مغاتكونش اصعب من اصراري على اني نكشف الحقيقة ديال موت انيس وامه .. وخاصني نوصل لجثثهم اللي لابد وتتدفن .. هادا اقل تكريم ليهم بعد كل هاد السنوات .. وصلت واخيرا لافران .. الطريق كانت طويلة .. اتصلت بمنار اللي ستقبلاتني فدارها .. ولكن عقلي كان كيفكر غا فالسي احمد .. بقيت معاها فدارها .. نعسنا فالصباح بكري بعدما خديت من عندها العنوان مشيت لدار السي احمد .. حسيت احساس غريب .. بحال ايلا انيس كاين معايا .. دقيت حتى تفتح الباب .. دفعته ودخلت .. حتى بانلي جالس على كرسي متحرك الكتروني .. كان شارف ولكن ملامحو مكخفيش شبهو الكبير بأنيس .. نفس العينين ونفس البيوضية ونفس رسم الوجه .. بحال ايلا خديتي انيس ورجعتيه شارف ..
احمد : شنو بغيتي ..
ليان : السي احمد برهان .. بغيت نهضر معاك شوية ..
احمد : جلسي ..
كان صارم فالهضرة ديالو ومختلف عن انيس اللي كان كله رقة .. جلست وتواجهت معاه فالكلام .. جبدت الالبوم من الصاك ديالي .. حسيت بيه تزنك مللي شاف الالبوم ..
ليان : على اساس هاد الالبوم جيت عندك .. بغيت نهضر معاك على انيس ولدك ..
احمد : فين لقيتيه وشكون عطاه ليك .. هادو اسرار عائلة ..
ليان : سي احمد واش عارف نتا باللي انيس وامه ماتو ..
احمد : عارف ..
ليان : وشكون قتلهم ..
احمد : متكون غا ديك الخاينة .. مقدراتش تعيش بعذاب الضمير وقتلات راسها وولدها معاها ..
ليان : خاينة ؟؟؟
احمد : اه خاينة ..
ليان : سي احمد مبغيتش ندخليك فتفاصيل حياتك الشخصية .. ولكن واش عارف شي حاجة على جثثهم ..
احمد : لا معارف حتى حاجة .. انا قطعت علاقتي بيهم هادي سنين طويلة .. وماباغيش نهضر فهادشي مرة اخرى .. يمكنليك تمشي .. وكنصحك حتى نتي تبعدي من هاد الموضوع .. لمصلاحتك ..
ليان : السي احمد كنشكرك على وقتك اللي عطيتي ليا .. ولكن مستحيل نبعد من هاد الموضوع ..انا مغانتهنى حتى نلقى جثثهم .. ونكشف حقيقة موتهم .. حيت مكاينش شي ام كتقتل ولدها بدون سبب ...
خليتو كايشوف فيا وخرجت من دارو ..هادا مخبي سر كبير .. خاصني نعرفو .. Dodi
0 Commentaires