الجزء 11
ايمن : شتي اخالتي .. ليان كدبات عليا .. قالتلي مغانرجعش لداك الموضوع مرة اخرى ..
الام : تهدن اولدي .. ربما تكون فشي معرض ولا حاجة اخرى .. دابا ترجع اولدي ..
ايمن : راها تعطلات بزاف .. انا خايف تكون وقعات ليها شي حاجة ..
الام : مالنا على فالك .. دابا ترجع انشاء الله متكون واقعة ليها حتى حاجة ..
عند ليان ..
حليت عيني ولقيت الظلام .. واش عميت ولا راني فشي بلاصة مظلمة .. حسيت بشي سائل سخون نازل ليا مع راسي .. مع الم فضيع فالرأس .. هادا اكيد من جراء الضربة اللي تلقيتها قبيلة .. ولكن شكون هادا اللي ضربني وعلاش .. مقدرتش نتحرك .. عرفت ديك الساعة اني مربوطة .. شكون اللي حبسني .. بديت كنعيط : انيييييس .. انييييس .. انييييييس ...
شفت الباب تفتحات ودخل منها واحد الراجل ضخم بزاف .. معرفتش شكون هو وشعل الضو .. حيت مدة وانا فالظلام ضرني الضو فعينيا .. شاف فيا داك الراجل وبدا يضحك ويعيبني ويرقق صوته "انييس انييس "
- شكون نتا .. وعلاش حابسني هنا وفين كنعرفك ..
- نتي اللي اشنو اللي #جابك لهنا وشنو باغا ..
- انا باغا نعرف شنو اللي وقع لانيس وامه ..
- ونتي مالك لاش باغا تعرفي .. واش كيجيوك..
مازال باغا نهضر حتى لقيت واحد الانسان دخل لهنا .. متوقعتوش يكون مورا هادشي اللي وقعلي صدمني بزاف.. Dodi
- نتا !!!!!
- اه انا ..
- كتمشى .. مجالسش على كرسي متحرك 😳
- ههه وشنو صحابليك .. واش تيقتي اني مقعد
- شنو باغي مني وعلاش شادني ..
- نتي اللي شنو باغا مني وعلاش كتقلبي فالماضي ونتي مكتربطك بعائلتي حتى علاقة..
- انا كنت شاكة فيك من اللول .. نتا اللي قتلتيهم .. نتا اللي شعلتي فيهم العافية .. شنو دارولك
- ههه واخا الالة .. بما انك غاتموتي وغاتبعي كاع اللي شدهم الفضول من قبلك .. فأنا غانقولك شنو كاين ..
- هه عرفت باللي كاين يد مور موت كل من ظهرلو انيس .. والسكان كيصحابليهم باللي روح انيس هي اللي كتقتلهم ..
- انيس مفيدو والو.. حتى مللي كان عايش ..
- كيفاش قدرتي تقتل ولدك .. من دمك..
- ماشي لخاطري .. انا كنت كنتناقش مع امه .. حيت مبقيتش قادر نصبر مازال على تسلطها .. هي مالكة القصر وكاع الثروة .. ولكن كانت كتذلني بيهم وكتجبر بيهم .. بعد نقاش حاد وعن غير قصد ضربتها وطاحت على راسها .. وماتت .. جا انيس .. ولقا امه ميتة .. خفت لا ندوز حياتي فالحبس .. وانا عارف انيس مغايسكتش حيت قتلت امه .. اضطريت نقتلو ونشعل العافية .. باش الناس يصحابليهم باللي ماتو محروقين .. ولكن ارواحهم مابغاتش تسكت .. كيبانو كل مرة بنفس الصورة لاي واحد داز من الغابة .. ولكن انا مغانسمح لحتى واحد يفضحني .. ويدخلني للحبس .. انا غانتمتع بالثروة بوحدي .. وغادي نعيش .. وحتى واحد مغايقدر يمنعني .. وبعد هادشي اللي عرفتيه الزويونة غادي نضطر نقتل هاد الجمال وندفن معاك السر حتى نتي ..
مدونة دودي .. Dodi elaissati
0 Commentaires