الجزء 25
الغد ليه نضت وخملت الدار كالعادة.. قلت نستاغل قبل ماينوضو ..مشيت صبنت حوايجي وحوايج بوركابي.. هادشي اللي واجب عليا لا اكتر.. ناضت سوسن شافتني كنصبن .. وهي تجيبلي شي شراوط ليها ولا حتهم عليا ..
- هيي نتي .. صبني معاك هادو..
زيرت راسي بزاز.. وحيدت دوك الحوايج من عليا..
- الخنز ديالك صبنيه لراسك.. لوحي من عليا الزمر.. انا ماشي الخدامة ديالك..
- اشنوا.. ونتي شنو دورك ..
مشات دخلات لبيتها وسمعتها كتبكي ومعرفتش اش كتقول لمصطفى.. خرج كاعي عندي .. جا شدني من راسي وبدا يغوت:
- صبني حتى حوايجها ولا والله حتى نخشي راسك فيهم.. نتي مخاصكش تهضري.. نتي خاصك تخدمي سيادك وتطيعي بحال البهيمة وتسكتي.. الخاينة.. فهمتي.. نتي عائيلتك وتبرات منك.. بقاغا تفهمي علينا هنا وتحسي براسك...
مرضيتش بعد داك الهضرة اللي قال.. فعلا انا عائلتي ومداروش ليا اعتبار ولاحوني ليه.. كيفاش بغيت هادو يحنو فيا.. نزلو دموعي بالحس.. بديت نمسح فيهم بلا مايشوفني شي حد .. قلبي حسيت بيه كيوجعني بزاف.. خديت شراوطها وصبنتهم .. شفت فيها لقيتها فرحانة بانجازها..
واقفة وكتضحك.. اما مصطفى بقا كيشوف فيا بنظرات حادة وغاضبة.. صبنتهم بلا هضرة.. وبقيت كنبكي.. بقا فيا راسي وبقات فيا حالتي.. وهادشي اللي وصلت ليه.. واش غانبقا عايشة هاكا.. واش عمري ماغادي نتفك من هاد الثنائي.. مروان.. عفاك عتقني منهم.. يا الله عتقني مبقيتش قادرة .. كملت ونضت مشفتش فيهم.. مشيت لبيتي وتخشيت فالناموسية.. ونعست.. تقهرت مبقيتش قادرة نزيد كتر.. خديت الرسائل ديال مروان وبقيت كنقراهم .. هما اللي كايهونو عليا .. دوزت نهاري فالبيت لا غدا ولا والو.. داز النهار مشفتش كمامرهم.. ولكن بانولي خارجين.. رتاحيت شوية منهم.. وصل الوقت ديال الرسالة خديتها بلا ميحس بيا شي حد ومشيت نقراها..
روح قلبي: اعرف انك تنتظرينني بفارغ الصبر.. رسائلكي بالنسبة لي هي ايضا جرعة حياة.. سافعل ما بوسعي لكي اخرجكي من ذلك السجن .. ومن قبضة الوحش.. فقط انتظري.. وبمزيد من الصبر.. ستستطيعين ان تنفذي منه.. اغمضي عينيك ونامي.. وستستيقضين على واقع اجمل ليس فيه الا انا وانت.. احبكي يا ملاكي..
خبيت الرسالة مللي سمعت الكوبل رجع.. خفت حيت قالي مصطفى باللي غادي يجي يبات عندي.. خفت لا يحصلها عندي .. فعلا دخل عندي.. وانا درت راسي ناعسة.. مازال منسيت الفلاش اللي دارلي الصبح والحكرة اللي شفتها منه...
- منى.. فيقي ..
- شنو..
- انا بغيت نهضر معاك..
نضت وجلست على الناموسية.. : هانا.. شنو كاين..
- كيفاش شنو كاين.. انا راجلك اولا .. ونتي مرتي.. توحشتك بزاف ..
- مرتك؟؟ واش مرتك غا فالناموسية.. لهيه قدامها كتكون غا هي اللي مرتك انا كنولي خدامة وصاف..
- منى عفاك.. نتي اللي كتستفزيني قدامها .. واش هي طلبات منك تصبنيلها ونتي كتعايريني فرجولتي قدامها..
- عايرتك؟؟ فوقاش ..كدوب .. بنت لحرام بدات كتستعمل كيد النسا.. غا بلاتي عليها .. انا غانوريها..
- المهم خلينا دابا منها .. انا توحشتك بزاف اجي لعندي..
عاشرني مصطفى.. ولكن.. انا كنت معاه جسد بوحده .. بلا روح.. بلا ايلا كيعاشر جثة.. مللي كمل ناض..
- منى.. علاش وليتي هاكا معايا.. حتى هاد الدرجة مبقيتيش باغاني .. علاش هاكا علاش..انا حاس راسي ناعس مع ميتة ماشي مع مرا..
- نتا اللي قتلتي هاد المرا.. قتلتيها بيديك.. متجيش دابا وتطلبها تحيى من جديد..
- مبقيتيش كتبغيني؟؟ 😢
سكتت وقلبت وجهي منه .. شدني وغوت عليا..
- شوفي فيا وقوليلي.. واش مابقيتيش كتبغيني..
- لا .. مبقيتش كنبغيك.. وليت كنشمئز منك مللي كتقيصني.. ولكن كنكره نشوف وجهك قدامي.. عرفتي.. حيت مبقيتش كنشوفك راجل اصلا..
سكت شوية وعيونو عامرين دموع.. وزير على سنانو.. معرفتش كيفاش خرجات مني هاد الهضرة.. اش هادشي قلت.. بدون سابق انذار.. جرني من شعري وانا لباسي نصه معري.. بقا جار فيا .. طحت من الناموسية وبقا جارني فالدار وكيغوت.. حتى خرجني ولاحني فالزنقة بالليل والحال كان بارد وانا مالابسة والو.. وسد الباب.. بقيت كنبكي وكنغطي جسمي بيدي.. خفت بزاف.. تأليف دودي
0 Commentaires