الجزء 24
حطيت الرسالة فبلاصتها.. المسمومة غا حاضياني .. ومكتفلت حتى فرصة باش تستفزني.. وكتحاول تلفت انتباه مصطفى وتغوييه.. كتبقى فيا الصراحة .. حيت هي غير وسيلة استخدمها مصطفى باش يكسر كبريائي.. صحابليها كيبغيها.. كتتفقص كلما شافت نظراته كتلاحقني.. وكلما شافته كيهضر معايا بهدوء.. وكلما كلا الماكلة ديالي وكلما بين حبه ليا.. شيء صعيب بزاف انك تكوني غير وسيلة فالدنيا.. شيء صعيب بزاف تكوني لاشيء...
بقيت منهمكة مور الغدا .. وهو يعيط عليا مصطفى..
- شوفو مزيان نتوما بجوج عيالاتي.. والله امر بالعدل بين النسا.. انا غانعدل بينكم .. وغانبات نهار فبيت منى ونهار فبيتك اسوسن.. من اليوما غانبداو هاد الترتيب..
سوسن: مستحيل نقبل .. هادا ماشي عدل انا مازال راني فشهر العسل .. مازالة عروسة..
مصطفى: واش غاتبقاي عروسة حياتك كاملة..
سوسن: ماشي شغلي انا مغنقبلش بهادشي..
منى: بقا معاها .. هي عندها الحق.. خليها تشبع منك ..
مصطفى: انا الراجل هنا وانا اللي كنحكم هنا .. الهضرة سالات .. السوما ليلتك اسوسن وغدا ليلة منى..
تفقصات مللي سمعات هاد الهضرة منه.. وحتى انا الصراحة .. حيت مبقيتش باغاه فمرة.. داز النهار عادي حتى وصلات الثمانية دالليل .. غفلتهم .. وخديت رسالة مروان كالعادة مشيت سديت عليا بابي.. وبديت نقرا:
حياتي وروح قلبي منى .. لا تعلمين مدى فرحتي.. لقد ولدت من جديد عند قراءتي كلمة احبك في رسالتك.. واخيرا ولاول مرة تعترفين بحبكي لي.. انه شيء اسطوري بالنسبة لي... احبكي احبكي احبكي... لن امل من قولها لكي.. يا اجمل حب في التاريخ.. لا اعرف فكلمة احبك في رسالتكي جعلتني اود ان اكسر كل الحواجز بيننا وآتي اليك واعانقكي واطير بك.. احبكي يا من اعادت الى قلبي الحياة مرتين .. احبكي يا اجمل ما في الحياة... محبكي مروان...تأليف دودي..
ضميت رسالة مروان لقلبي .. حسيت بحال الى مداتلي جرعة من الامل.. حسيت بحال الى ردات فيا الروح.. اه انا كنبغي هاد الطفل.. وبغيت نكون معاه معرفتش كيفاش.. ولكن كنبغيه.. وعايشة على قبله.. خديت ورقة وبديت نكتبله... عزيزي مروان.. انا جد سعيدة برسالتك.. التي امدتني بالامل .. نعم اعترف باني احبك.. فانا لم اعرف ان وقعها سيكون كبيرا الى هذه الدرجة عليك.. لم اعرف انك تحبني الى هذه الدرجة.. لكني ساقولها ولن اخجل من اليوم فصاعدا بالاعتراف بها .. وسنحاول ان اكسر هذه الحواجز معا يوما ما.. وساكون في انتظارك..يا اجمل ما رأته عيناي...
0 Commentaires