الجزء 29
مشيت لداري.. وبقيت كنفكر فوليد.. احساس قوي كيقولي نرجع عندو .. الانسان كيعيش فالدنيا مرة وحدة.. ولكن لا.. كما قلت لخديجة الحاجة الساهلة مكتكون عندها حتى قيمة.. ووليد طغات عليه انانيته كراجل .. وخلاته يطلقني غير بسبب محاولة اغتصاب.. كجميع الرجال.. بزاف دالعيالات.. تلاحو فالشارع بسبب هادشي.. (القضية مستوحاة من الواقع).. وليد دابا حركوه المشاعر ديالو.. عارفة انه كيبغيني ومن اللول كان كيبغيني بجنون.. وكان كيتصارع للداخل ديالو بين نرجيسيته كرجل.. وبين عواطفه اتجاهي.. فالاول انتصرت انانيته.. اما دابا.. مبقاش قادر على الفراق.. وندم بزاف وهادشي شفته فعينيه.. عيا ميقمع قلبه.. ولكن صافي حبه خلاه يبقا بايت فبابي الليل كامل.. طمعا فعفوي.. علاش يوصل لهادشي.. علاش الانسان ميفكرش من الاول.. ويعرف ان تلك ضحية .. ماشي يعاملها بحال المجرمة.. علاش مجتمعنا كيقمع المرا بزاف.. علاش... عمرنا غنتبدلو الا بقينا هاكا وعمرنا غنتقدمو بتفكيرنا..
بقيت فالدار حتا كنسمع الدقان فالباب.. حليت لقيت وليد..
- واش مغاتعطينيش بالتيساع..
- هدى.. انا عمري مغنفقذ الامل.. علاش ولى قلبك قاسي بهاد الطريقة.. علاش انا بغيت فيك القلب الطيب وحبك للخير.. ولكن دابا وليت شايفة قدامي واحد الانسان اللي مكيعرفش لمن كيقولو العفو..
- قسوة القلب تعلمتها منك نتا.. نتا اللي علمتيهالي مللي خليتيني نعيش فترة الحمل الصعيبة بوحدي.. مللي ولدت وانا بوحدي.. مللي تخليتي عليا فاكتر وقت حتاجيتك فيها.. شفت فيك واحد اخور مكنعرفوش.. واحد اناني.. نسا حبه ونسا العشرة..
بديت كنبكي وانا كنهضر..
- واش كيحلالك تشوفني كنتعدب .. كل مرا جاي تبكيني.. سير بحالك.. انا مغنسمحش ليك غا هني راسك.. سير عيش مع مرتك.. وولد معاها الولاد.. وتهلا فيهم..
سديت الباب.. نفس العداب كيتكرر.. بعد مني اوليد خليني نعيش عفاك.. احساس خايب لا انا قادرة ننساه ونبدا حياتي .. لا انا قادرة نسامحو ونرجع نعيش معاه مرة اخرى..
دازو يوماين لا حس لا خبر على وليد.. وانا حالتي هي هي .. اتصلات بيا سليمة وقالتلي خبر اخور.. قالتلي باللي المدام جرا عليها وليد من الدار مللي سولتها علاش قالتلي راه قالتله نمشي لواليديا خلاها .. وبدا يراقبها لقاها دخلت عند واحد السحارة.. مشا دخل عليها.. وضربها تما وقالا جمعي حوايجك ومغتبقايش فداري.. ومللي مشات خملنا البيت لقيناه عامر بالحروز وكلهم فيهم تصاور هدى ووليد ومخطوطين.. قلتلها الجهل كيداير صحابلا بعداتو عليا ولا راه كيقيل حدا بابي كيرغب.. لوكان الخوخ كيداوي كون داوى راسو هاهيا جابتها فراسها وحرمات رزقها بقلة العقل..
سالينا الهضرة.. وليد كان كيقلب ليها على سبة ولقاها.. خايبة تتزوج المرا واحد كيبغي وحدة اخرى.. مهما كان هاديك ضحية لوكان لقات قلبه معاها مكانتش غادي دير هادشي كاع.. وصل الليل.. لقيت الشتا كتصب .. كانت كتيرة والرعد.. بقيت كنتفرج من السرجم . .. شي ساعة وهي كتطيح.. عجبني منظرها بزاف.. وانا فالسرجم شوية كنسمع شي عطسة اتشو .. اتشو.. اويلي شكون كيعطس.. تجاهلت الموضوع اكيد شي حد غا دايز.. شوية سمعت العطسة عاود تاني.. دخلني الشك.. مشيت حدا الباب حليتو بشوية لقيت السي وليد مدوش بالشتا وجالس فالباب ديال الدار.. شاف فيا بعينين ذبلانين وكيضحك..
- هدى..
- واش نتا مسطي ولا ضاربك الضو..
- لا ضربني الحب..
- ياك قلتلك متبقاش تبات فالبرد.. راك غتمرض.. هانتا مرضتي..
- اتشو.. بايت قريب من حبي وولدي.. انا مرتاح هاكا.. ممرتاحش فالديور ولا فالقصورا..اتشو... مرتاح وانا قريب منك.. اتشو..
-
0 Commentaires