رجعي لحياتي.. هدى كنواعدك عمري نخسرليك خاطرك .. كنقسم ليك اني ندمت انا حمار حيت فرطت فيك.. انا كنتعدب فكل لحظة بعدت عليك فيها.. سمحيلي ورجعي ..
- نتا مزوج اوليد.. وبديتي حياتك.. كملها مع مرتك.. وحتى انا غنبدا حياة جديدة مع واحد اخور..
- تبدايها مع دكتور ياسين ياك.. مع الطبيب اللي من مستواك.. فين حبك ليا.. انا كنواعدك غنطلق ديك المرا .. انا مكنحس اتجاهها بوالو.. انا كنبغيك نتي.. فين حبك ليا.. واش تقدري تتزوجي بسهولة .. واش تعيشي مع واحد اخور بسهولة فين هو وعدم ليا..
- هههه هاد الاسئلة سول راسك عليها هو الاول.. قدرتي تتزوج وتعرس وتدخل لدارك وحدة اخرى.. فين كان حبك ليا ووعدك ليا.. عاد بانوليك دابا؟؟
مازال كنهضر معاه حتى جا اخر انسان تمنيتو يجي دابا.. دكتور ياسين..
- هدى جيتي.. تبارك الله على الكتكوت..
وليد: نتا حسن ليك تبعد لمرتي.. حسن ليك..
ياسين: اولا مبقاتش مرتك نتا طلقتيها شحاال هادي.. ثانيا انا حر.. نقرب من ما بغيت.. نتا سوقك..ثالثا.. مغنبعد حتى تبغي هي .. هي بغاتني حداها نتا سوقك..
زاد وليد جعر مللي سمع منو ديك الهضرة.. انا تعصبت وقلت لياسين بالسلامة وزدت بحالي.. مبغيت نشوف حتى دباز قدام عيني.. شوية مللي خرجت لقيت وليد شادني من دراعي..
- شنو بغيتي عاود..
- واش بالصح مبقيتيش كتبغيني.. واش مغترجعيليش.. هدى جاوبيني.. مغاتسامحينيش..
- معمري غانسامحك.. وهاد الجرح اللي فقلبي عمرو مغايبرا..
مشيت بحالي وخليتو.. حالتو كانت خايبة بزاف ولكن اكيد ماشي بحال حالتي.. صعيب هاد الاحساس.. انك تكوني مشتاقة لواحد الشخص بزااااف.. ولكن كبريائك مكيخليكش
الجزء 29
مشيت لداري.. وبقيت كنفكر فوليد.. احساس قوي كيقولي نرجع عندو .. الانسان كيعيش فالدنيا مرة وحدة.. ولكن لا.. كما قلت لخديجة الحاجة الساهلة مكتكون عندها حتى قيمة.. ووليد طغات عليه انانيته كراجل .. وخلاته يطلقني غير بسبب محاولة اغتصاب.. كجميع الرجال.. بزاف دالعيالات.. تلاحو فالشارع بسبب هادشي.. (القضية مستوحاة من الواقع).. وليد دابا حركوه المشاعر ديالو.. عارفة انه كيبغيني ومن اللول كان كيبغيني بجنون.. وكان كيتصارع للداخل ديالو بين نرجيسيته كرجل.. وبين عواطفه اتجاهي.. فالاول انتصرت انانيته.. اما دابا.. مبقاش قادر على الفراق.. وندم بزاف وهادشي شفته فعينيه.. عيا ميقمع قلبه.. ولكن صافي حبه خلاه يبقا بايت فبابي الليل كامل.. طمعا فعفوي.. علاش يوصل لهادشي.. علاش الانسان ميفكرش من الاول.. ويعرف ان تلك ضحية .. ماشي يعاملها بحال المجرمة.. علاش مجتمعنا كيقمع المرا بزاف.. علاش... عمرنا غنتبدلو الا بقينا هاكا وعمرنا غنتقدمو بتفكيرنا..
بقيت فالدار حتا كنسمع الدقان فالباب.. حليت لقيت وليد..
- واش مغاتعطينيش بالتيساع..
- هدى.. انا عمري مغنفقذ الامل.. علاش ولى قلبك قاسي بهاد الطريقة.. علاش انا بغيت فيك القلب الطيب وحبك للخير.. ولكن دابا وليت شايفة قدامي واحد الانسان اللي مكيعرفش لمن كيقولو العفو..
0 Commentaires