الجزء 18
الغد ليه مشيت للخدمة كما العادة .. دوزت نهاري عادي .. فوسط الخدمة .. جات عندي الفرملية قالتلي راه شي حد جا بغا يشوفك .. قلتليها دخليه .. تصدمت مللي شفت وليد هو اللي دخل ..
- وليد..
- لاباس عليك ..
- اه لاباس .. اخر شخص توقعت نشوفو .. واش كتضرك شي حاجة
- اه
- ا.. وليد انا مقصدتش البارح ديك الهضرة .. ولكن .. انا .. جبدت الصناطات وقلتله نوض نشوفك اش كيضرك مايكون عندك باس انشاء الله..
- مغتحتاجيش تفحصيني ادكتورة.. انا
- وليد .. شنو كيضرك قول
شاف فيا بعينين ذابلتين.. فيهما ضعف شديد وقال
- كيضرني قلبي!!
- ا؟..قلبك؟
- نساي .. ماشي مهم .. خليتلك الراحة
ناض وخرج كأنه ندم حيت قالي ديك الهضرة .. شنو كيقصد بيها معرفتش .. واش كان كيقصد قلبه كعضلة.. ولا مشاعره.. حتى لو كان مشاعره .. واش يمكن يحس شي حاجة من جيهتي .. ولا كان جاي يعاودلي على شي وحدة .. اكيد حيت اللي بحال وليد ميمكنش يفكر فشي وحدة متحررة بحالي .. اكيد باينة غا من تعامله مع اخواتاته.. لا اللي بحال وليد مكيعرفش مشاعر.. هادا بغا يهضر على قلبه يمكن كيحس بشي حريق فيه ومرضاش يدوز عندي حيت انا بنت وحيت انا كنتحداه ... اوووف غنحماق افكاري كنتراكم غنحماق.. عندك مايكونش وليد هو اللي جا .. يمكن كنحلم.. يمكن كنتهلوس حيت كنفكر فيه النهار كامل.. كيفاش كنفكر فيه لا انا كنفكر فخواتاته .. بقيت مدابزة مع راسي .. غنحماق بالمعقول ..
مشيت للدار مشفت حد وتجنبت نشوف شي حد .. مبغيتش نتعشى وتحججت بالعيا وباني باغا ننعس .. داز النهار.. الغد ليه نضت الصباح بكري .. دخلت للكوزينة باش نوجد فطوري.. وانا نسمع صوت مورايا
- دكتورة لاباس؟
تصدمت هادا وليد تلفت عندو .. اه لاباس
كان كيهضر بواحد الصرامة والجدية مختلفة تماما على البارح مللي شفته فالسبيطار ..
- شفتك البارح متعشيتيش .. قلت اكيد مريضة .. حيت حتى واحد مامرفوع عليه المرض .. حتى الاطباء كيمرضو
- لا... كان كيضرني قلبي .. عليها ماجيتش نتعشى
مللي قلت ديك الهضرة حسيت تبدل فيه اللون وفقد توازنه فالهضرة .. سكت شوية وقالي بالسلامة ومشا .. غموضه كيفقصني .. من الافضل نتجنبو ونحيدو من بالي احسن ليا ..
مشيت للخدمة دوزت فيها النهار رجعت .. بقيت فبيتي حتى جات عندي مريم عطيتها البيسي تتفرج داكشي اللي واعدتها.. حسيتها خرجات من الروتين ورجعات فيها الروح...وبدات تخرج الابداع ديالها .. شوية وهي تدق حتى ابتسام..
0 Commentaires