بقات نهى فالدار مهازها حال .. اما حاتم خدا تلفونها.. وقطع جميع وسائل الاتصال فالفيلا... وخرج..
نهى: ولد الحرام.. قاري تاحرايميت مزيان.. قالك كيبغيني.. هادا مسطي ولا شنو.. وبغا ننساو كلشي ونبداو من جديد..
بقات غادا جاية حتى شافت بنادم فبالكون..شدات على كرشها بالخوف.. شوية دخل عمر..
نهى: عمر😭
جات عنقاتو دغيا..
عمر: كنت عارف انه واقعة ليك شي حاجة ..
نهى: حبسني هنا .. واعترف لي بكلشي...
عمر: متخافيش انا معاك..
نهى: الشيء اللي خلاه مقتلنيش هو البنت لللي فكرشي.. قالي اما تبقاي نتي وياها واما ناخد بنتي ونمشي.. لوكان عرف ان البنت بنتك نتا اعمر.. كون قتلني شحال هادي
حاتم: 😳
فجأة لقاو حاتم فوجههم ورافع ليهم الفردي..
حاتم: كلشي خططت ليه.. وكلشي كونت داير منهم الحيطة والحذر.. ونتي اكثر وحدة فيهم كنتي بريئة وكنت مسيطر عليك.. داكشي اللي درتي فيا نتي مادارتوش امك.. السيدة الشريفة.. كيفاش كنت غانتيق فيك ونعرف اني غانولد منك.. ونتي امك بنت ليل..اكيد نتي مغاتاخديش منها العبادة.. اكيد غاتاخدي منها السفالة ..
عمر: رد بالك اش كتقول.. نهى اشرف منك بزاااف..
حاتم: سمعو شكون كيهضر.. قوليلي انهى.، فوقاش خنتيني معاه.. كانت كيدخل عندك من البالكون..اكيد تديفيرجيتي معاه فصغرك..
نهى: سكت.. نتا اخر واحد يهضر على الشرف..
حاتم: شنو رأيكم نقتلكم هنا.، ومغنتحبسش.. حيت لقيت راجل غريب مع مرتي فالبيت.. وحااملة منو.. يعني خانتني.. وحملت منه سِفاحا..
باقي كيهضر حاتم حتى ضربلو عمر الفردي برجلو وطيحولو.. شدو وطيجو على الناموسيةوبدا كيضبر فيه وحاتم كيقاوم.. اما نهى شدات على كرشها وبقات كتغوت .. فجأة بقا حاتم كيقاوم..
عمر: جري دغيا هربي هربي ..
نهى: عمر..
عمر: هربييي 😡
خرجات نهى ورجليها كيترعدو ..شوية سمعات طلق ناري..
نهى: عمر 😰
رجعات دغيا لقات عمر فالارض مضروب فرجله.. وحاتم مصوب نحوه الفردي
حاتم: غانقتلك،،
خدات بسرعة فازة كانت فالكولوار وضربات حاتم للراس بكل قوة فيها .. ذاح حاتم للارض وفقد الوعي ديالو ..
عمر: نهى..
نهى: عمر.. خلينا نمشيو.. دغيا قبل ميفيق..
عمر: مقادرش نحرك رجلي..
نهى: انا غانعيط لغالي .. يجي يعاوننا..
عمر: اااه كنموت .،
نهى: الله يحفظك متقولش غاتموت.. الو غالي.. اجي دغيا للفيلا...
غالي: راني حداها كنستنى عمر..
نهى: طلع دغيا عفاك .. دغيا..
غالي: حالا..
شوية طلع غالي وشد فعمر نزلو.. وخرجو دغيا..
نهى: خاص نمشيو للسبيطار..
عمر:( بتثقل) لااا لااا .. ديني لدارنا.. الواليد غايتكلف بيا..
غالي: واخا السي عمر..
نهى: كتحس بحريق..
عمر: اااه بزاف..، بزاااف ..
نهى: متخافش .. دابا يمشي عليك..
وصلو للدار.. نزلو عمر وبدات الضاوية كتولول..
الضاوية: ياك قلت ليك بعد من هاد البنت.. مغاتتهنى حتى تموت ..
مصطفى: ماشي وقت هاد الهضرة دابا.. دخلو اولدي دغيا لبيتو انا غانداويه...
بقاو نهى والضاوية خارج البيت.. بقاو كيشوفو فبعض ومكيهضروش.. بقاو مدة هاكاك.. حتى خرج مصطفى..
مصطفى: اجي ابنتي.. عمر كيعيط عليك..
دخلات نهى دغيا.. ولقات عمر متكي..
عمر: نهى .. اجي حدايا..
نهى: عمر كنت خايفة عليك بزاف.. الحمد لله حيت نتا بخير..
الضاوية: ممكن نفهم شنو كاين.. علاش نهى مراهاش مع راجلها..
عمر: نهى غتبقى هنا.. مستحيل نسمح ليها تعيش مع داك المجرم..
الضاوية: هاداك راجلها واب ولدها..
عمر: هادي بنتي انا.. 😠 نهى حاملة مني انا..
المصطفى: 😳
الضاوية: كيفاش😳
عمر: مللي هربت من الحبس كنت مع نهى.. ماشي بوحدي كما قلت ليكم.. وتما حملت مني
الضاوية: لا حول ولا قوة الا بالله
عمر: نهى غاتبقى معايا.. هي وبنتي.. مستحيل نسلمها لداك المجرم.. خصوصا بعدما عرف ان البنت ماشي بنتو..
مصطفى: بلغو بيه البوليس
عمر: هو ما عليه حتى حاجة تدينو.. والتخلص منو مسألة صعيبة بزاف.. اهم شيء دابا هو خاص حتى واحد ميعرف باللي نهى كاينة هنا.. حتى التلفونات نسدوهم..
الضاوية: الله يسرتنا ..
شدات نهى فيد عمر.. وشافت فيه.. وتكات راسها عليه .. تأليف دودي العيساتي
بقات نهى مع عمر.. مقابلاه وكتدوز على شعرو..
عمر: نهى..
نهى: عمر سمحلي على كلشي.. خالتي الضاوية عندها الحق.. انا سببتليك التعاسة حياتك كلها.. مكانش خاصني ننسى طفولتنا .. واول حب فحياتي.. ولكن معرفتش نختار.. ماما كانت كتشجعني على امير.. مازال كنعقل عليها..
رجعات بنهى الذاكرة..
{{نهى: الو ماما.. سافا
مونيا: بنتي لاباس عليك..
نهى: لاباس.. ماما كيداير عمر لاباس عليه
مونيا: اووف واش مغاتنسايش عليك داك الولد.. بنتي فكري شوية بالعقل راكي كبرتي دابا
نهى: علاش اماما .. عمر راه صديق طفولتي
مونيا: صديق طفولتك .. نتمنى تخليه غا صديق.. ماشي كتر.. قوليلي امير اش اخباره..
نهى: طلب مني الزواج..
مونيا: اووووه هادا احسن خبر سمعتو.. عندك تقوليلي راكي رفضتي..
نهى: لا ولكن كنفكر..
مونيا: سمعيني مزيان.. امير وحيد والديه.، وكلشي فيديه.. يعني عريس لقطة كما كيقولو المصريين..مال وجمال وصغير.. فين تلقاي بحالو..
نهى: ولكن مكنبغيهش..
مونيا: سمعي مني الحب كيجي بعد الزواج... سوليني انا.. باك مبغيتو حتى تزوجنا.، وهانتي تشوفي كيفاش عايشة معاه.. السعادة.. حيت اختاريت بعقلي.. الراجل الى مكانش كامل مستحيل يفرحك.. الحب ماشي كافي.. شحال من كوبل تزوجو عن حب وتطلقو بعد شهر من الزواج..
نهى: خايفة منبغيهش..
مونيا: سمعي... تخطبي نتي وامير .. وتعرفو الى متفاهمتوش.. فسخو.. علاش دارو فترة الخطوبة غير لهادشي..
نهى: واخا اماما اللي بغيتي ..
مونيا : يخليك ليلي.. }}}
نهى: اسوء قرار اتاخذتو فحياتي.. خالتي الضاوية عندها الحق متحملنيش
عمر: عرفتي انهى.. انا كان كيصحابلي مابغيتينيش.. وباللي غير كنت كنتخيل.. ولكن مللي هربت.. حسيت بالحب ديالك من جديد.. وتما جرحتيني وصدمتيني اكتر من الاول..
نهى: سمحلي بزاف.. انا كنت ضايعة ومعرفاش ومشايفاش..
عمر: سمحتليك.. حيت حتى نتي تلعب بيكي.، عرفتي احسن حاجة فقصتنا كلها..
نهى: شنو ..
حط يدو على كرشها
عمر: انه غاتكون عندنا بنيتة.. شحال فاش راكي دابا..
نهى: 6 شهور 😊
عمر: بقات 3شهور وتتزاد بنتنا للدنيا...
نهى: انا مفتاخرة ان بنتي غايكون عندها اب بحالك.. تحديتي كلشي على قبلي.. واخا كاع داكشي اللي طرالك بسبابي.. مازال راك حدايا..
عمر: حيت بغيتك... حب حقيقي.. ومكنت باغي من الدنيا والو الا انك تبغيني كما كنبغيك ..
نهى: وانا لاول مرة نقولهالك من قلبي.. كنبغيك اعمر.. وغانبقى معاك حياتي كلها .. ومغاتفارقني معاك الا الموت..
عمر: ههه لقد هرمنا من اجل هذه اللحظة التاريخية..
تأثر عمر وبدا يمسح من عينيه دموع الفرحة.. شوية دخلات الضاوية..
عمر: ماما..
الضاوية: كيبقيتي اولدي.. مالك😳
عمر: والو..مالي ههه
الضاوية: علاش كتبكي..
عمر: دخلاتلي شي حاجة فعينيا..
الضاوية: ايوا الله ياخد الحق فيها..
عمر: شكون ..
الضاوية: داك الحاجة اللي دخلاتليك فعينيك..
خرجات الضاوية وخلات نهى وعمر مبهوتين..
نهى: محاملاش فيا الشعرة..
عمر: ايوا نتي خاصك ترجعي تخليها تيق فيك وتبغيك .. نوضي سيري عاونيها فشغال ديال الدار.. راها بحال امك ومتنسايش باللي هي اللي مربياك..
نهى: واخا
ناضت نهى وخرجات لقات الضاوية كتغربل الطحين..
نهى: نعاونك اخالتي..
الضاوية: باغا تعجني؟؟
نهى: 😳 لا .. نعاونك فشي حاجة اخرى.. انا عمري عجنت..
الضاوية: عارفة باللي نتي عمرك درتي شي حاجة 😏..
مشات نهى للبيت ودخلات على عمر..
نهى: شفتي ماماك.. شفتيها كتعايرني
عمر: عايراتك!!؟
نهى: اه قلت ليها واش نعاونك .. قالتلي نتي مكتعرفي ديري حتى حاجة..
عمر: نهى.. انا مضروب فرجلي ومقادرش نوض .. اما كون جيت معاك.. شنو فيها لا عجنتي .. منها تتعلمي.. والضاوية راها امك حتى نتي.. اولا.. ماشي هي اللي رباتك.. جيتي دابا تتناكري نتي وياها..
نهى: خايفة على كرشي..
عمر: كانت عندي واحد عمتي.. كانت فالتاسع وكتهز على ظهرها الخشب ،. وكتعجن 16 خبزة.. وكتهز على ظهرها ولد .. وكتصبن بيديها من الفوق.. سمعتي .. ولا خايفة على يديداتك.. قولي لمي تعطيك تعجني غا خبزة وحدة..
ناضت نهى وهي كتنفخ ورجعات للضاوية..
الضاوية: جبتي..
نهى: بغيت نعجن غا خبزة وحدة.. باش نتعلم..
الضاوية: اجي يالله..
خدات الطحين .. وعطاتو لنهى تغربلو.. بدات نهى كتغربل حتى عمرات كسوتها بالطحين ورونات البلاصة كلها.. شافت فيها الضاوية لقات شعرها ولا بيض وحتى رموشها وحجبانها ..
الضاوية: سيري قولي لعمر راكي غربلتي الطحين.. واجي نوريك كيفاش تعجنيه..
مشات نهى وهي فرحانة حيت غربلاتو ودخلت على عمر.. غا شاف فيها وهو يزير الضحكة
نهى: انا تعلمت نغربل.. غربلتو مزيان
عمر: (طلق الضحكة) 😂😂😂😂😂😂😂
نهى: مالك كتضحك.. 😠
عمر: بغيت نعرف واش غربلتيه على القصعة ولا على راسك.. شوفي راسك فالمرايا..
مشات شافت راسها فالمرايا
نهى: ايي.. مبقيتش باغا نغربل.. ولا نتعلم.. صافي بعد مني ..
بدات تمسح فوجهها..
عمر: هادا هو الحب.. وكتبغيني.. يالله سيري تتعلمي وخليني انا ننعس..
نهى: اااوف..
ناضت رجعت عند الضاوية.. لقاتها كتسناها..
نهى: هانا غانعجن..
الضاوية: بشوية عليك.. كبي الما.. بشوية.. شوية بشوية.. بداي تجمعي بيدك.. بلاتي ها شوية دالملحة.. والخمارة.. جمعي بيديك جمعي زيد زيد .. داك الطحين على الجناب لمن مخلياه..
نهى: 😓
الضاوية: عطيه الدراع مزيان..
نهى: كيفاش نعطيه الدراع..
الضاوية: هاكا عجني مزيان
نهى: هادشي صعيب بزاف.. كيفاش كتديرو هادشي..
الضاوية: ايوا بنتي عندك الحق نتي راك عمرك ما قليتي حتى بيضة...
نهى: واخا هانا.. او عييت صافي سخفت.. مقاداش.. كمليه نتي اخالتي صافي..
الضاوية: اربي اش هادشي..
مشات للبيت شافت راسها فالمرايا.. كلها عجينة.. حتى فشعرها..
عمر: ههههه
نهى: علاش كتضحك..
عمر: هاني ساكت..
نهى: انا غاندخل ندوش.. ترونت.. حوايجي مجبتهمش معايا.. غانقول لغالي يمشي يجيبهملي..
عمر: 😠 لا.. واش بغيتي يلقانا حاتم.. غالي مغايرجعش هنا .. انا وصيتو..
نهى: واباش غاندوش انا دابا..
عمر: نجيبلك الصابون البلدي..
نهى: يااااي.. مكنحملش ريحتو..
عمر: صابون الطاووس..
نهى: عمرررر..
عمر: اصلا غاتدوشي بسبب العجين.. كون طيبتي معرفتش اش كنتي غاديري..
نهى: واش بغيتيتي نبقا هاكا...
عمر: بقاي هاكا..جا معاك
نهى: واش باغي تحمقني..
عمر: هادي حياتي.. قبلتي بيها مرحبا.. مقبلتيش انا الف وحدة تتمناني ههههه
نهى: نقجك حسن.. والله وتشوف فشي وحدة..
عمر: انا عمر مشفت شي وحدة من غيرك..
نهى: هاكاك ...ارالي صابون الطاووس.. ندوش.. باش منشلضك ليوما هنا🔪🔪
عمر: نخاف انا.. ههه
مشات نهى دوشات.،. ولقات الضاوية طيبات الخبز..
نهى: خالتي..
الضاوية: نعام..
نهى: واش نتي غضبانة مني..
الضاوية: نجيك من اللخر.. انا محاملاش وجودك حدا ولدي عمر..
نهى: علااش 😰
الضاوية: من الصغر.. وهو كيحامي عليك.. كنت كنشوف حلم ولدي هو نهى.. نهى هي حياتو.. شفت ولدي قدامي كينكسر ويموت.. عرفتي شناهيا تكوني ام.. وتدوزي من حدا بيت ولدك بالليل وتسمعيه كيبكي.. كتار من انك تجيبي جنوي وتخشيه فقلبي.. سنين وهو هكاك.. ولدي تبدل.. وولا مكيهضرش ولا يجاوب حد.. وانا كنموت قدامه.. وصابرة.. حيت كنت كنقول هو حلم حلمة كبيرة عليه.. ماتو والديك.. واتاخذ ولدي من قدام عيني وتحكم بالمؤبد.. وشكون السبب.. نتي.. حيت كيبغيك اتاهموه بأنه هو اللي قتل.. مللي هرب جا عندك نتي.. شكيتي فيه للمرة الثانية وبلغتي بيه.. تما شفت الانكسار الحقيقي ديال ولدي عمر.. وليوما بعدما رجع لحضني.. وتحكم بالبراءة.. وقلت اخيرا غانتهناو.. تضرب بالقرطاس.. من راجلك...بعد كل هادشي.. بغيتيني نبقا مرتاحة وانا شايفاه معاك.. اللي شفعليك دابا انهى هو البنت اللي فكرشك.. على قبلها صابرة.. حيت هاديك بنتنا.. اما شي حاجة كتر متطلبيهاش مني..
نهى: 😓 متخافيش .. عمر مغاتوقعليه حتى حاجة.. كنواعدك..
مشات نهى ودخلات للبيت .. لقات عمر ناعس.. جلسات حداه وبداو دموعها كينزلو وهي كتدوزليه على شعرو.. وقطرات من دموعها كيطيحو على وجه عمر...
تأليف دودي العيساتي
فاق عمر على قطرات الدموع اللي طاحو على وجهه.. ولقا نهى حداه..
عمر: مالكي.. 😳
نهى: انا خايفة بزاف..
عمر: اجي حدايا.. تخشاي زيد..
دخلات معاه نهى ونعسات على صدرو.. وهو معنقها..
عمر: طول ما نتي معايا.. وطول ما انا عايش على وجه الارض.. مبغيتك تخافي من والو.. سمعتي.. انا مغنسمح لاي حاجة تمسك.. لا نتي ولا بنتنا..
دازت شهور.. ونهى مخبية فدار عمر.. اللي تعافات رجلو مزيان من اثار الضربة.. حتى وصل نهار الولادة.. بالليل..
نهى: 😰😨.. عمر.. عمر فيق ..
عمر: مالك 😳
نهى: 😰 حاسة راسي غانولد... الما كينزل مني بزاف..
عمر: واخا متخافيش .. انا غانعيط لماما تشوفك .. تكاي .. متخافيش .. تنفسي بعمق .. اني راجع..
جرا عمر لامه بسرعة عيط ليها وقاليها باللي نهى كتولد.. جات عندها بسرعة.. ودخلات عندها فالبيت اما عمر وباه بقاو برا.. شوية خرجات امه..
الضاوية: ولدي انا مغنقدرش نولدها فالدار.. ضروري نديرها للسبيطار..
عمر: ولكن انا خايف يلقانا تما حاتم..
مصطفى: شكون غايقولهالو.. وزايدون دابا اهم شيء نعتقو نهى.. البنت شحال هادي مشافها طبيب.. اكيد حالتها غاتكون صعيبة..
عمر: انا غانمشي نشوف طوموبيل.. ونديوها دغيا.. معنديش حل اخور..
مشاو دغيا جابو طوموبيل.. وداو نهى للسبيطار.. دخلوها دغيا وبقا عمر برا هو ووالديه.. على نار..بعد ساعات.. خرج عندهم الطبيب وقاليهم باللي نهى ولدات.. والبنت داروها فالجاج.. وباللي نهى خاصها شوية تبقى تحت الملاحظة حيت جسمها ضعيف .. دخل عمر يشوف بنتو.. ودمعو عينيه..
عمر: هاكا ابابا.. مجيتي حتى خلعتينا عليك.. وعييتي ماما.. ولكن ماعليش.. نتي بنتنا الاولى.. ومنحقك تتفششي.. غانتهلاو فحبيبتي متخافيش..
مشا بقا كيشوف فنهى.. بقا معاها وهو كيبكي..
عمر: نهى حياتي .. راني شفت بنتنا.. زوينة بحالك.. شكرا يا احلى حاجة فحياتي.. غانعطيكم عمري كله.. حيت عطيتيني الحياة..
حلات نهى عينيها ..
نهى: عمر..
عمر: عيون عمر..
نهى: بغيت نشوف بنتي..
عمر: غادي نجيبهالك دابا.. واخا احياتي..
مشا عمر بسرعة وبقات نهى فالبيت بوحدها ..
فجأة لقات حاتم داخل عليها وهاز بيبي بين يديه..
نهى: 😪 واش كنحلم.. اش بغيتي..
حاتم: جيت نشوف بنتي.. هادي بنتي انا انهى.. ماشي بنت عمر..
نهى: ااه عمر .. عمر فينك..
حاتم: عيطي عليه احبيبة حتى تشبعي.. لحقي عليا الى قديتي .. ههه مازال غانتلاقاو..
خرج دغيا ونهى بقا كتنوض بصعوبة .. ومقادراش .. وكتغوت.. عمرر 😫😭 عمر..
مشا عمر لجناح الاطفال.. وبقا يقلب على البنت.. لقا تما واحد الممرضة..
عمر: عفوا اختي.. البنت اللي ولداتها مادام نهى القايدي.. فين هي..
الممرضة: جا باباها هزها وداها لعند امها..
عمر: اش هادشي كتقولي.. انا باباها..
الممرضة: نتا هو السي حاتم القاسمي راجل مادام نهى..
عمر: انا عمر الخالدي.. متقوليش باللي داك المجرم خدالي بنتي..
الممرضة: حنا كنتعاملو بالوثائق اسيدي.. وهو ورا لينا العقد ديال الزواج..
جرا عمر بسرعة لغرفة نهى لقاها فالارض وكتبكي..
عمر: نهى😱
نهى: حاتم خدالي بنتي.. جا عندي شفتو.. 😭
عمر: متخافيش انا غانرجع بنتي..
نهى.": ردلي بنتي اعمر.. ردلي بنتنا...
تأليف دودي العيساتي
خرجات نهى من السبيطار والضاوية شادة فيها داتها للفيلا.. يوماين .. مبان فيهم اثر لحاتم..
نهى: عمر.. واش صافي ضاعت بنتنا.. واش صافي هادي هي النهاية.. حاتم كان مراقبنا مزيان وعرف نقطة ضعفنا.. اللي دارو قبل كوم وهادشي اللي دارو كوم تاني
عمر: نهى تهدني .. انا غادي نلقاها ..
نهى: مازال مفرحت بيها 😭 مازال مشفتها وماهزيتها بين يديا ..
ناض عمر خرج من البيت .. ومشا .. نهى بقات كتبكي.. شوية جات على بالها المزرعة ديال حاتم..
نهى: 😳 المزرعة.. كيفاش مجاتش فبالي .. اكيد حاتم مخبي بنتي تما..
ناضت بسرعة خرجات.. مشات ركبات فطوموبيلتها.. والضاوية كتعيط موراها..
الضاوية: رجعي نتي باغا مريضة فين غادية نهى..
كسيرات نهى بسرعة.. بقات حافضة الطريق .. تمشات بزاف وفبالها حاجة وحدة.. بنتها.. واخيرا وصلات للمزرعة.. تحلو ليها البيبان .. دخلات بالطوموبيل لقات حاتم واقف مربع يديه وكيشوف فيها بثقة.. نزلات وهي كترجف..
نهى: فين بنتي احاتم..
حاتم: بنتك.. مبقاتش بنتنا؟
نهى: رد ليا بنتي .. واش مكفاكش داكشي اللي درتي فيا .. 😭
حاتم: مكفانيش ومغايكفينيش.. عرفتي انهى.. اللي دارتو ماماك فعائلتي بوحدو.. مايجي والو فداكشي اللي درتيلي نتي .. كنت مستعد ننسا كلشي.. مللي قلتيلي باللي راكي حاملة... وفعلا نسيت.. وفرحت.. قلت اخيرا عندي شي حاجة اللي نعيش على قبلها.. نسيت حقدي اتجاهك.. وبديت نبغيك.. وفعلا بغيتك لاول مرة.. كنت مستعد ندير اي حاجة على قبل مرتي وبنتي.. ولكن نتي.. بكل بساطة .. حاملة من واحد.. وكتنسبيه لواحد اخور..
نهى: انا قدامك😭 دير فيا اللي بغيتي .. ولكن بنتي لا .. بنتي لا احاتم.. ردها لباها .. هي معندهاش ذنب.. متحملهاش ذنب ماشي ديالها .. كما دفعت انا ثمن ذنب مارتاكبتوش...
حاتم: هادي بنتي انا.. غاناخدها ونمشيو من هنا.. ونتي وعمر خاصكم تموتو..
نهى: مستحيل .. مستحيل نخليك ديرها..
هز حاتم الفردي باتجاه نهى..
حاتم: موتي انهى.. تيقي بيا ... عمري بغيت ولا عمري غانبغي وحدة من غيرك..
نهى: 😰
فجأة بان ليها عمر .. معرفاتش منين خرج ضرب الفردي لحاتم وطيحو ليه فالارض.. شدو فبعضياتهم من جديد .. اما نهى استغلات الفرصة وجرات دغيا للقصر دخلات وبدات كتقلب على بنتها فكل بيت .. وبشغف.. حتى سمعات صوتها .. لقاتها فنفس البيت اللي كانت ناعسة فيه نهار جات هنا..
نهى: 😭 بنتي ...
خداتها وعنقاتها وبدات كتبكي..
نهى: بنتي متخافيش.. غانخرجو من هنا.. متخافيش ..جات تنزل من الدروج .. وهي تلقا قدامها حاتم.. بدات ترجع اللور..
نهى:مستحيل نخليك تاخد مني بنتي مرة اخرى..
حاتم: كنبغيك انهى.. 😖
فجأة طاح قدامها .. هزات راسها لقات عمر هز الفردي ومصوبو اتجاهه..
نهى: عمر .. 😰 واش قتلتيه..
شافت عمر حتى هو طاح .. ومابقاش قادر يوقف..
نهى: عمر 😱😱
مشات كتجري عندو.،
نهى: عمر مالك واش نتا لاباس ..
عمر: متخافيش.. انا بخير.. غا تقصحت 😖
نهى: غانحط بنتي فالطوموبيل .. وغانجي نعاونك.. عفاك دير مجهود.. كون قوي ..
عمر:عيطي للبوليس.. 😪
نهى: واخا..
وفعلا جاو البوليس .. وداو عمر للسبيطار.. ونهى خدات بنتها.. واحد النهار مشات نهى للسبيطار تطل على عمر..
الضاوية: فين غادية..
نهى: نشوف عمر..
الضاوية: على مابانلي عمر ماحدو كيعرفك غادي يبقى ديما مرة فالحبس مرة فالسبيطار..
نهى: اش كتقصدي..
مصطفى: عمر داوه البوليس .. هو قتل حاتم..
نهى: غادي نهضر مع المحامي.. غانخرجو.. متخافوش.. هاد المرة غانخرجو.. والا غاندخل انا فبلاصتو.. عمر خاص يخرج..
محاكمات من جديد وتحقيقات.. ولكن هاد المرة بانت الحقيقة.. الابتزازات اللي دار حاتم وتفجبرو للاوطيل.. هاد الاخير اللي ثبت تورطه فيها بعدما بان فاحدى الصور ديال العرس وهو لابس لباس السرباية.. وحتى الشهور واللي كانت من بينهم نهى.. واللي ثبتات للقاضي ان عمر دافع عليها بعدما كان حاتم كيحاول يقتلها.. حتى لؤي ومحمد وهاجر .. اخيرا حكمات المحكمة على عمر بالسجن سنة واحدة مع وقف التنفيذ.. اما بالنسبة للممتلكات .. قدرات نهى تسترجعها عن طريق الوكالات اللي لقاتهم عن حاتم.. ماشي غير هادشي وانما ورثات حتى املاك حاتم بحكم انها زوجة شرعية له..
واخيرا..
عمر: نهى.. انا خايف نطلب منك الزواج .. نصدق هاد المرة ميت ماشي غير محبوس.. 😂
نهى: 😡 .. متتزوجنيش.. بنتنا ما موافقاش..
عمر: رانيا حبيبة باباها.. ونهى حبيبتي.. تقبلي نجمعو الشمل.. ونوليو اسرة وحدة..
نهى: انا .. شحال ستنيت هاد اللحظة.. فخبارك تعقدت من الزواج.. ههه ولكن هاد المرة متحمسة بزاف.. غانلبس كسوة.. ونهز الورد..
عمر: غانديرو كلما فخاطرنا.. كنبغيك انهى..
نهى: كنبغيك اعمر.. النهاية 😘
0 Commentaires