الخطيئة-الحلقة الثانية
تأليف دودي العيساتي
طلعات نهى لبيتها بقات كتلعب فالطابليت ديالها .. حتى جا عندها خوها .. هو مراهق عندو 15 عام
رامي : ختي اش كديري ..
نهى : رامي .. اجي جلس معايا ..
رامي : عارف انه مبقالكش بزاف معانا .. وانا ولفتك بزاف ..
نهى : اش هاد الهضرة غاتقول .. انا مغانتفارقش معاكم .. انا صحيح غانسكن مع امير ولكن غادي نكون معاكم ديما ..
رامي : الله يحفظك ليا اختي ..
نهى : ويحفظكم ليا ..
رامي : جدة بغات تشوفك .. سيري عندها ..
نهى : واخا .. انا غانمشي ..
نزلات نهى عند الجدة ومشات عند بيتها ..
نهى : الزوينة ديالنا ناعسة ولا ..
الجدة : ههه بنتي .. اجي عندي
نهى : الله يطول لينا عمرك يا احلى جدة فالدنيا
الجدة : غاتعرسي .. ولكن مغانكونش معاك
نهى : علاش اجدة
الجدة: صحتي مامخليانيش ابنتي .. اش غاديرو بوحدة مشلولة معاكم ..
نهى : جدة 😢
الجدة : العروسة مخاصهاش تبكي .. مسحي دموعك ابنتي ..قوليلي .. فين باغين تدوزو شهر العسل ..
نهى: غانميشو لاسبانيا ... ندوزو غير سيمانة ونرجعو .. حيت امير عندو الخدمة ..
الجدة : مسكين كيعيا بزاف .. داك الراجل محترم بزاف واللي بحالو قلال فالدنيا ..
نهى : بالصح اجدة .. حتى انا كنبغيه بزاف ..
الجدة : الله يخليكم لبعضياتكم ابنتي ..
باست يد جداتها وقالت
نهى : غانمشي نوجد راسي باش نمشي انا وامير نشوفو كسوة العرس .. ونشوفو اش وجدلي بابا ..
الجدة : الله يرضي عليك ابنتي ..
نهى : 😘
طلعات نهى لبيتها وبدات توجد راسها وتصاوب ... شوية سمعات الكلاكسون هادا امير .. هزات صاكها دغيا ونزلات عندو .. ركبات معاه ..
نهى : حياتي توحشتك ..
امير : حتى انا توحشتك بزاف ..
شد فيدها وباسها ..
نهى: فين غانمشيو الاول ..
امير : نمشيو نشوفو الكسوة هي اللول .. وديك الساعة ندوزو لوطيل .. وايلا بغيتي ندوزو الدار تشوفي الفراش الجديد اللي درت ونتغداو مرة(غمزها) ..
نهى : الفراش خليهلي مفاجأة حتى نرجعو من شهر العسل .. نمشيو نتغداو فالريسطورون الايطالي ديال ماما .. فخباري جابو شيف جديد قالو magnifique ...
امير : واخا 😕
ديمارا امير الطوموبيل ومشا دازو على عمر اللي بقا كيشوف فيهم بنظرة حادة ..
نهى : حياتي بما اننا غانديرو العقد نهار العرس .. فأنا كنقترح نديروه فالفيلا عندنا باش تحضرلو جدة وديك الساعة نمشيو للقاعة ..
امير : عمري كلشي وجد على اساس نكتبو العقد فالقاعة .. وجداتك الا باغا تحضر تجي ..
نهى : امير .. جداتي مريضة ومتقدرش تجي
امير : بدلي الموضوع احبيبة .. ها حنا وصلنا ..
نزلات نهى وامير دخلو لعند اكبر مصممة ازياء بعدما سلمو عليها خرجات الكسوة ديال نهى ..
المصممة : هادي هي الكسوة ديالك وجدات ..
امير : واااو .. حبيبة بغيت نشوفها عليك ..
نهى : واخا ستنى هنا نلبسها ..
دخلات نهى والمساعدة بدات كتصاوب ليها ولبساتها الكسوة .. اللي جات فيها بحال شي اميرة ..
الخياطة : جاتك زوينة بزاف . .
نهى: غانوريها لامير ..
جرات بسرعة بيها
نهى : امير شوف ...
امير : وااااو الاميرة ديالي .. مشفتش شي جمال فالدنيا بحال جمالك نتي ..
نهى : جيت زوينة ؟
امير : بزاف ..
نهى : غانكونو كوبل زوين بزاف نهار العرس .. انا متحمسة بزااف ..
امير : حتى انا مكرهتوش يجي اليوم قبل غدا
نهى : حتى انا 😍
تأليف دودي العيساتي
0 Commentaires