الخطيئة 42-43-44-45

بقا عمر فالزنزانة كيفكر.. كل لحظة دوزها مع نهى.. كل لحظة زوينة بداو دموعو كينزلو بغزارة وبحرقة .. حتى وصل للحظة اللي عرف انها تزوجات فيه .. غمض عينيه.. والدموع كينزلو..
السجين1: نغ .. ويتك على الزويونة كتبكي .. شكون بكاها ليها ..
السجين2: جيبوليا السكاتة .. هاهاهاها
السجين1: guurr ويتك على الفنيونة(وصل صبعو لوجه عمر..)
عمر: حيد يديك ولا نهرسهاليك..
السجين1: شناهوا.. هه قالك غايهرسلي يدي..
ناض عمر بغضب حارق بدا يضرب فالسجين وطيحو الارض وبدا يعطيه فالبونيات بالجهد .. ناضو الاخرين بغاو يشدوه ويتعاونو عليه ولكن هو بحال الثور الهايج بدا يضرب فهادا ويعاود فهادا .. حتى جاو الحراس شدوه وخرجوه من تما.. داوه لزنزانة انفرادية .. جلس الارض وهو كينهج.. حط راسو على ركبتو وسرح من جديد ..
بعد اسبوعين تقريبا .. وفاليوم اللي قررات فيه نهى تقول لحاتم انها حامل.. شدات الطريق نهى للشركة.. طلعات وكانت مترددة بزاف.. بعد تفكير طويل دخلات..
حاتم: حبيبة 😍 لاباس عليك
نهى: حاتم .. بغيت نقولك واحد الخبر..
حاتم: شنو احياتي قولي..
نهى: انا 😓.. انا حاملة ..
حاتم: 😳كيفاش؟؟!
نهى: كما سمعتي .. انا حاملة.. واش مفرحانش
حاتم: واش متأكدة.. اكيد فرحان.. ولكن مصدوم.. ا ممتيقش راسي.. حاس باللي غانبكي بالفرحة😅.. حياتي .. ا.. انا كنبغيك بزاف(عنقها)
نهى: حتى انا.. كنبغيك..
حاتم: شكرا احياتي على كلشي.. حيت نتي الوحيدة اللي دخلات الفرحة لقلبي.. كنبغيك بزاف...
حاتم: انا غاندير لولدي اي حاجة بغاها .. غانديرو هو وامه فعينيا.. غايحل عينيه على اي حاجة ممكن يتمناها اي طفل فالعالم..
نهى: هه حتى يتزاد بعدا
حاتم: المهم انا غانوجدليه من دابا .. شحال باقي تسع شهور.. بزااف ولكن غانصبرها على قبل حبيبي ...
نهى: ههه
دازت ثلاثة شهور ..ونهى كيعاملها حاتم بحال الملكة.. اللي بغاتها كتحضر..ومكتخرجش الا معاه.. واحد النهار طلب حاتم يمشي مع نهى للطبيب ولكن رفضات وقالت باللي هي مكترتاح الا للطبيب ديالها.. حتى واحد النهار كانو فالريسطورون ديال ماماها.. شافت البنت اللي اسمها سالي داخلة مع شي دراري.. حافظات على هدوءها قدام حاتم اللي مشافهاش.. شوية استأذنات تمشي للحمام.. ناضت وعيطات للنادل يتبعها..
النادل : نعام الالة نهى..
نهى: قولي ديك البنت اللي تما.. شايفها؟
النادل: عرفتها ديما كتجي هنا.. حتى انها كانت تجي مع المرحوم رامي ..
نهى: بغيت نعرف عليها كلشي .. معامن كتجي وفوقاش.. والتفاصيل الاخرى مغانوريكش كيفاش .. اهم شيء تعرفلي.. وتجيبلي الخبار ثانية بثانية
النادل: مفهوم الالة..
رجعات نهى لعند حاتم وكملات معاه الماكلة ديالها..
بعد ايام اتصل النادل بنهى
نهى: وي..
النادل: لالة.. ديك البنت اسمها سالي .. وواحد مدمنة المخدرات مامنهاش .. كتقيل مع الدراري.. والاسوء انه اللي كيعاشرها كيولي مدمن بحالها.. هي اللي كتصرف فالمخدرات وكتجيبها لصحابها.. وماشي معروف منين كتجيبه..
نهى: بنت الحرام.. انا غانقولك اش غادير.،
النادل: كنسمعك الالة..
نهى: تشوفلي شي رجال يكون فيهم الثقة.. يشدوها ويكتفوها.. خليوها حتى نجي لعندكم.. وعندك تهرب منكم.. حيت ديك الزمر دايرة بحال الزواق.. صعيب تشدها.. اهم شيء خاص تا واحد ميشوفكم.. واخا..
النادل : هي اللي متعاودش الالة ...

الخطيئة- الحلقة الثالثة والاربعون
تأليف دودي العيساتي
فقبو كله ظلام .. نزلات نهى ومعاها رجالها .. شافت سالي وهي مشدودة بحبل .. شافت فيها وبدات كترجف وكتحاول تبكي..
نهى: بنت الحرام.. انا غانوريك.. غانخليك تتمني الموت الف مرة.. ومغاتلقايهش..
سالي : 😰 عفاك.. بغيت الكوكايين.. عفاك.. مقادراش نتحمل ..
بدات كتحك جسمها وكتشهق..
نهى: ممم واخا غانعطيك.. ولكن بشرط.. تعاوديل كلشي.. شكون اللي لاحك على رامي..
سالي: ا.. عفاك منقدرش.. غايقتلوني .. انا .. معارفا والو.. غايقتلوني.. 😰
نهى: نتي فكل الاحوال ميتة .. قولي حسن منعدبك.. شوفي هاد الرجال قداش.. الى كل واحد منهم عطاك غا ضربة.. شوفي اش غايوقع ليك..
سالي: لا لا.. انا مكنعرف والو.. معارفة والو..
ناضت نهى.. وهضرات مع الرجال
نهى: فتشوها مزيان.. وتأكدو باللي معندها لا تلفون لا شي وسيلة اتصال.. وخليوها هنا بحال الكلبة.. اللي بحال هادي الى بقات يوماين بلا كوكايين غاتحماق.. وغاتهضر ..
غالي: امرك الالة..
نهى: الى وقعات ليها شي حاجة .. نتوما المسؤولين قدامي.. حتى نشوفو شكون هادو اللي كاتخاف يقتلوها...ويلا قالت اي كلمة.. قولوهالي
غالي: مفهوم.. كوني هانية امادام..
خرجت نهى من تما ومشات للفيلا عادي .. دوزات نهارها وهي كتخمم .. حتى دخل عليها حاتم
حاتم: حياتي .. فاش كتفكر
نهى؛ فيك ..
حاتم: العمر ديالي .. يخليلي هاد الوجه.. قوليلي اش درتي ليوما
نهى: امم مشيت للريسطورون ديال ماما .. صافي 😊
حاتم: اوكي .. الى معدبة خليني انا ندير كلشي
نهى: لا انا كنعمر وقتي بهادشي .. بدل منجلس غا فالدار
حاتم: واخا احبية كما حبيتي ..
نهى: تعشيتي؟
حاتم: مستحيل ناكل وانا بعيد على حياتي.. خاصني وناكل ونمتع عينيا بوجهك
نهى: ههه واخا غانقول للبنات يحطو الماكلة ..
تعشاو نهى وحاتم.. ونعسو بعدها .. ولكن نهى بقات كتفكر فسالي وشكون هاد الناس البي صيفطوها لرامي وشنو بغاو منها .. واش زعما يكونو شي اعداء باها وعلاش رامي بالضبط.. اكيد لؤي .. والدليل انه جا مباشرة بعد ما مات رامي.. زعما يكون دار هادشي على قبل الورث.. اووف غانحماق..
فاقت نهى الصباح .. بعدما مشا حاتم للخدمة.. لبسات حوايجها ومشات للبلاصة فين حبسو سالي..
نهى: اشنو الاخبار..
سالي: مبغات تقول والو.. غير كتغوت..
نهى: عاوديلي اسالي.. انا ليوما معندي شغل ..
سالي: اش غغانعاود..
نهى: كلشي.. رامي كيفاش حتى تلاحيتي عليه ..
غالي اللي كان حدا سالي عطاها طرشة باش تهضر
سالي: ااا انا غانعاود.. انا كنت فواحد الحفلة ..وتعرفت تما على راامي.. وو بقينا كنتلاقاو ..مللي عرف اني كنتعاطا .. قالي عطيني نجرب.. وو وعطيتو.. ومن تما بقا كيتعاطا وعجبو .. صافي
نهى: هههه واش كنبانلك كنرضع صبعي.. غاتدوي ولا لا.. كنواعدك غاندمك الى مهضرتيش.. قولي شكون مصيفطك لخويا.. واش عمر.. دوي.. هوا مغايقدر يديرلك حتى حاجة.. هو راه فالحبس دابا.. ومحكوم بالمؤبد يعني عمرو مغايقدر يآذيك.. دوي..
سالي.. منقدرش منقدرش.. غايقتلوني اهئ اهئ
نهى: واش غاتحمقيني 😡 شكون هادو اللي غايقتلوك.. شوفي فيا .. انا غانعطيك الكوكايين ديالك.. ها هو بين يديا ... هضري وانا غانحميك
سالي: عطيهلي .. ا م محتاجة دابا جرعة ..
ناضت نهى وزلعات ديك الغبرة دالكوكايين فالارض
سالي: 😱لاااااا لا بغيتو كنموت .. غانموت.. لااا
نهى: غاتموتي بيدي الى مدويتيش .. قولي شكون اللي وصاك تديري هادشي..
سالي: هوما هوما .. اللي قالولي نتعرف على رامي ونديرليه المخدرات فالعصير.، حتى ولى مدمن.. وهما اللي قالولي نهربو.. وهما اللي قالولي نمشي نعطيه المخدرات فالمصحة .. وهما اللي قتلوه تما .. ماعندي ذنب انا 😭
نهى: بنت الحرام.، نتي ماشي السباب غا فموتو .. نتي قتلتيه ابنت الحرام..
بدات نهى كتضرب فسالي .. والرجال شادينها ..
غالي: تهدني الالة نهى.. متخافيش غاتهضر ..
نهى: دوي ابنت الحرام .. علاش 😭 علاش درتو هكا .. اشدار ليكم ..
سالي:😰 منعرف .. هما قالو باللي عندهم شي حساب معاك نتي وبغاو يصفيوه معاك..
نهى: معايا انا .. 😨 كنت متأكدة .. رامي مات بسبابي 😭 دوي .. شكون الناس اللي كانو كيتافقو معاك.. وشكون اللي خدام معاك اخور.، انا غاندمركم كلكم..
تأليف دودي العيساتي

الخطيئة- الحلقة الرابعة والاربعون
تأليف دودي العيساتي
نهى: هضري ولا قسما بالله حتى ندفنك هنا ..
سالي: واعديني باللي غاتحميني منهم
نهى: كيستناهم مني كادو كبير .. دوي دغيا
سالي: انا مكنعرفهمش.. كل ما كنعرف انهم مفقلبهم شفقة ولا رحمة وعندهم رجال فكل مكان .. وكيخوفو.. ديك المرا اللي مشيتي ليها ديك المرا وحدة منهم.. هي تاجرة مخدرات.. وحتى وحدة كتعرفيها نتي 😭 هي اللي هرباتلي رامي نهار هرب عندي ..
نهى: شكون 😨
سالي: سميتها هاجر .. 😖 هاديك المرا قوية بزاف وقلبها ميت .. وهي اللي كانت كتعطيني الفلوس
نهى: 😱هاجر !!
وقفات نهى بالصدمة .. حسات بحريق فكرشها .. بسرعة جلسها غالي ..
غالي: جيبو ليها كاس دالما دغيا ...
جابوليه الرجال كاس دالما وشربات شوية .. تنفسات بعمق وقالت لسالي
نهى: شنو كاتعرفي اخور
سالي: اا انا كنت كندي لرامي المخدرات للمصحة.. وكلشي كان كيدخلني عادي.. باينة كانت متافقة معاهم.. وحتى الطبيب كانت متافقة معاه.. وو حتى ان الطبي مكانش كيعالج رامي كاع.. بالعكس .. كان كيعطيه دوا يكمل عليه .. ونهار مات .. كانت متافقة معاه تعطيه جرعة كبيرة .. باش يموت 😖
نهى: 😭😭😭😭 يا ولاد الحرام .. انا غاندمركم ..
غالي: لالة عفاك .. نوضي دابا نوصلك.. وغانتصرفو مع هاد خيتي .. نوضي ..
ناضت نهى وشد فيها غالي .. وصلها للفيلا .. اما هي بقات كتفكر .. ودموعها على خدها
علاش دارت فيا هادشي علاش تخوني.. ياك هي صاحبتي ..
رجعات بيها الذكريات للنهار اللي تلاقات فيه هاجر لاول مرة .. وهي كتبكي فجنب الطريق .. مشات نهى عندها وبدات تواسيها.. وركباتها معاها وعرفاتها على راسها.. البنت اللي ولات صاحبتها وتبدلات تماما بعدما طلبات من امير يخدمها فالشركة.. ولات وحدة اخرى.. ولات كتعرف عليها كلشي.. وحتى حاجة مكديرها نهى الا باستشارتها.. علاش تخونها.. وعلاش بالضبط رامي.. لحظة.. البنت قالت ان ناس كبار هما اللي مخدمينها،. واش هي دارت هادشي على قبل ناس اخرين.. ولا هي مولات كولشي.. ويا ترى شنو دارت تاني.. خاصني نعرف كلشي.. وديك الساعة.. غانعطيك اللي كتستاحقيه انهى..
نهى: الو.. غالي.. بغيتك تكلف شي واحد يراقب هاجر.. ويجبلي حتى ماضيها.. كله فهمتي
غالي:مفهوم..
بقات نهى فالفيلا كتفكر.. حتى جا حاتم..
حاتم؛ حياتي وام ابني
نهى: توحشتك
حاتم: حتى انا احبيبة.. قوليلي .، مازال منمشيو نشوفو جنس الولد
نهى: مازال.. مغايبان والو دابا ..
حاتم: متشوق نعرف..
نهى: ربي يخليك ليا احاتم..واعدني انك متخلاش عليا .، عفاك..
حاتم: انا عمري مغانتخلا عليك.. اش هاد الهضرة انهى.. انا كنبغيك بزاف .. واني لقيتك هادا كان حلم عمري.. ومامستاعدش نخسر عمري..
نهى: 😢 كنبغيك بزاف..
عنق حاتم نهى.، دازت ديك الليلة ونهى منعساتش.. حتى الصباح فاق حاتم وناض يبدل حوايجو ونهى دايرة راسها ناعسة.. مللي كمل جا لنهى باسها من جبهتها وخرج..
ناضت هي وجلسات على ناموسيتها وبدات كتفكر.. بعدها ناضت وبدلات حوايجها وفطرات.. وهي مازال كتفكر.. خدات تلفونها وبعد تردد صونات لهاجر.
هاجر: حبيبة فينك اش هاد الغبور..
نهى: هاجر لاباس عليك..
هاجر: مال صوتك..
نهى: والو غا ميزاجي خايب ليوما.. وحسيت انك الاقرب ليا والوحيدة اللي نقدر نفضفض ليها..
هاجر: اكيد احبيبة هضري.. ولا بغيتي نجي عندك..
نهى: لا خليك فخدمتك.. باش ميجريش عليك حاتم اللي هو الباطرون ديالك.. انا مغانلقاش حد اخور نضبرليك خدمة من عندو ..
هاجر: ا هه هه.. عاوديلي..
نهى: قوليلي ديك كريستينا مازال تما..
هاجر: مكتجيش بزاف ومكلفة المحامي يتابع الخدمة وحصتها..
نهى: دارت مزية .. اللي فحالها ما فيه تقة.. تمشي تضور لي بحاتم كما دارت لي بامير
هاجر: متخافيش صاحبتك معاك.. واي حاجة نعلمهابك
نهى: نتي راكي ختي 😒 ماشي غير صاحبتي..

الخطيئة- الحلقة الخامسة والاربعون
تأليف دودي العيساتي
بقات نهى فالفيلا كتفكر وتفكر.. حتى جاها اتصال من غالي
غالي: مدام نهى ..كاينة مصيبة..
نهى: اش كاين ..
غالي كنفضل انك تجي حسن ..
مشات نهى بسرعة لعند الشباب وتلقا ليها غالي
غالي: كان معاها واحد من الشباب ... وبدات كتسولو وتقولي اش غاديرو فيا ياك قلت ليكم كلشي.. قالي غانديوك لعند البوليس ... بقات ساكتة بزاف .. وطلبات منه يطلق يديها باش تشرب.. غفلاتو وهرسات الكاس ودبحات بيه عنقها.. حاولنا نعتقوها ولكن حيت دمها كله مخدرات .. بدا كيجري بزاف .. وماتت..
نهى: اكيد كانت عارفة انهم غايقتلوها الى عرفو انها مشات للبوليس.. وقتلات راسها قبل.. كنت باغا نعرف منها تفاصيل كتر.. ولكن مللي ماتت لراسها هناتني.. بدل مكنت نقتلها بيدي.. دفنوها فأي بلاصة بعيدة.. ومبغيتهاش تبان.. ولا يعرف ليها شي حد طريق بحال الكلبة .. هادا ابسط عقاب ليها على داكشي اللي دارت ..
غالي: امرك الالة نهى..
رجعات نهى لدارها وبقات كتخمم وتفكر فداكشي اللي وقع .. وتفكيرها كله منصب فهادشي..
نهى: هاجر وعمر مكانوش متفاهمين ابدا.. زعما يقدر يكونو غا كيمثلو عليا.. ويكونو متافقين عليا
تفكير غادي ويجيب .. كيفاش غادي نعطيها ضربة.. ضربة العمر.. ولكن قبل هادشي غادي ناخد حقي من داك الطبيب .. اللي تفلا عليا..
وغادي نعطيه حقو .. ونسد ليه المصحة .. غادي نخليه يسعى ..
قاطع التلفون صوت افكار نهى وجاوبات لقات المصتل غالي..
غالي: مدام نهى
نهى: اشنو درتي
غالي: دفناها فالخلا..
نهى: مزيان .. العقبة لصحابها..
غالي: بالنسبة لهاجر السيد اللي كلفناه يراقبها.. لقينا انها دايما سهرانة فواحد النايت كلوب.. وعندها تما رجالها.. كنقصد واحد بارون مخدرات معروف..
نهى: صدقت مفيوزية .. 😒 وشنو تاني ..
غالي: قالولي باللي كتستعمل اوطيلات ديال باباك باش تتلاقا ودوز ليالي حمرا مع رجال كيتافق معاها البارون انها تطيحهم وتاخد منهم معلومات .. ويعطيها نصيبها.. والغريب اللي عرفتو ان واحد من هاد الرجال كان السي امير ..
نهى: شنوو 😳 امير ..
غالي: للاسف كانت كتعرفو قبل منك.. وكانت كتبغيه ولكن هو بعد منها مللي ارتبط بيك نتي.. هادشي اللي دار ليها ازمة .. رجال النايت كلوب قالو باللي هي دوزات شحال كتسكر وكتبكي.. حتى مبقاتش كتجي.. بعد مدة رجعات عادي كأن شيئا لم يحدث..
نهى: دابا فهمت.. علاش دارت فيا هاكا.. انا الغلطانة.. مكانش خاص نتيق فشي وحدة.. لقيتها فالشارع.. ودخلتها لداري.. ماشي بعيد تكون هي المسؤولة على الحادث ديال الاوطيل.. بغات تكسرني حيت كانت عارفة ان ظهري هما والديا.. ولكن اقسم بالله .. منفلتها ليها.. غانضربها ضربة موت.. بقاو مراقبينها .. باش نعرفو اكثر عليها ..
غالي: اوامرك الالة..
نهى: غالي.. بغيتك تكلف شي حد اخور يجيبلي شي خبار على داك الطبيب .. حتى هو بحقو،.
غالي: واخا الالة..
بقات نهى كتفكر وتخمم.. كيفاش غاتضرب نهى ضربة صحيحة ..
دازت يوماين حتى جاب غالي الخبر الاكيد..على الطبيب.. ملفات كتدين الطبيب بعمليات غير مشروعة فالمصحة وفواتير ادوية غير مرخص بيها..
نهى: مزيان.. دابا بغيتك ديرلي جوج النسخ من هاد الملف الزوين.. واحد تصيفطو للبوليس وواحد تصيفطو لنقابة الاطباء..
غالي: معلمة .. 😁
دار غالي داكشي اللي طلباتو منو نهى.. وفعلا تم اقفال المصحة وجراو على الطبيب من النقابة وتم حبسو هو ومجموعة من الممرضين.. فكها يامن وحلتيها ( ديديكاس للمتتبعات 😉)..
نهى: دابا نوبتك الالة هاجر.. اتورينا كيفاش غادي تخرجي منها.. غالي..
غالي: امرك الالة..
نهى: فيناهيا نهى دابا ..
غالي: حسب معلوماتنا راها فالشركة..
نهى: علم الراجل اللي كيراقبها يصوني لينا غير تخرج..
غالي: مفهوم امادام..
نهى: نتا اجي معايا للنايت كلوب
غالي: عفوا؟؟
نهى: كما سمعتي..
غالي: امرك الالة ..
مشات نهى للنايت كلوب اللي كان تقريبا ساد.. دخلات وسولات على البارون اللي كانت كتكون معاه هاجر.. حتى لقاتو..
الراجل: شكون نتي..
نهى: انا صاحبة هاجر.. جاية على قبل مصلاحتك ..
الراجل: شنو باغا
نهى:مبدئيا هاجر مكتعرف حتى حاجة على زيارتي ليك اليوما... انا الصراحة بغيت صاحبتي تخرج من واحد المصيبة.. واحد من التجار ديال هادشي كيهددها.. باغيها تتجسس عليك وتعطيه اخبارك.. وهي خايفة منه وماباغاش تخونك.،
الراجل: شكون هادا..
نهى: واحد مسمينو الغول..
الراجل: عرفتو.. انا غانوريه الجحش..
شافت نهى فغالي.. ورجعات كملات كلامها..
نهى: عفاك.. حميها .. هي صاحبتي الوحيدة..
الراجل: انا غانعرف اشغاندير
نهى: نخليك دابا..
ناضت نهى ومشات هي وغالي حتى خرجو
نهى: اش درتي
الغالي: التلفون ديالو ها هو ..
نهى: ههه مخدمة رجال انا ماشي دراري.. يخليك ليلي.. دابا صيفط ميساج لهاجر منو .. قوليها بغيتك هاد الليلة مع الغول.. وطفي التلفون..
الغالي: هي اللي متعاودش..
تأليف دودي العيساتي