الخطيئة 33-34-35-36-37

الخطيئة- الحلقة الثالثة والثلاثون
تأليف دودي العيساتي
دخلات نهى للفيلا واستقبلها الكلب ديالها روكي .
نهى: عارفة راسي هملتك .. ولكن راك شايف شنو واقعلي ..
بدات كتداعبو .. وطلعات للفيلا بعد ذلك .. مشات دخلات البيت ..
نهى: اووف وليت كارهة هاد الفيلا
بدلات حوايجها .. وصاوبات راسها .. ونزلات من الدار ركبات طوموبيلتها باتجاه البرطمة اللي فيها عمر .. طلعات ليه وفتحات الباب .. دخلات وبقات كتقلب عليه .. ملقاتوش .. دخلات لبيت الناس وبقات كتشوف .. رجع بيها الزمان لنهار اللي كانو هي وامير كيختارو بيت النعاس ..
نهى: امير😢..
عمر: الالة واش كوري هادا .. داخلة غا هكاكا .. تخيلي كوكنت مسرح كندير شي حاجة .. تخيل كوكنت كنتفرج شي حاجة قليلة الادب .. دااخلة طوبيس ..
نهى: ههه فين كنتي ،.
عمر: فالطواليط ..
نهى: اش كنتي كدير .،
عمر : كنت كندير ماكايديرو الناس
نهى؛ ونتا اللي دارو الناس تقلدهم .. ااه 1-0
عمر: هااا حامضة .. 😒
نهى: اجي خلينا من هادشي .. انا وليت كنخاف نبات فالدار ،. كنحسو عامر بالاشباح.. مكين حد فيه
عمر: حبيبة علاه انا فين مشيت .، انا راني معاك
نهى: اجي نوجدو شي حاجة ناكلوها .. على الاقل نعمر وقتي بشي حاجة ..
بقات نهى مع عمر كيضحكو فالكوزينة وكيوجدو الماكلة .. وجدو الغدا وبداو كياكلو..
نهى: شكرا بزاف .. حيت واقف معايا فالمحنة ديالي .. الصراحة كو ما كنتي نتا حدايا .. معرفتش شنو كان غايطرالي..
عمر: انا ديما معاك .. ومامحتاجش شكر منك .. عرفتي علاش انهى.. حيت نتي دوايا .. نتي الهوا اللي كنتنفس بيه ..
نهى: عمر.. معرفتش شنو غايوقع من بعد .. واش غانبقاو هاكا هربانين ديما .. ولا ..
عمر: هادشي كنفكر فيه ديما .. ولكن .. وجودك معايا كيهون عليا هادشي .. عارف اني خاص نثبت براءتي .. وباللي صعيب هادشي .. خصوصا ان كل الدلائل ضدي .. وكنعيا نفكر .. مكنلقاش طريق .. نهى انا مدين لكم بهاد الثقة ديالك.. حيت واحد اخور فبلاصتك مستحيل يتيق بيا .. ولكن غانتجاوزو هادشي .. كنواعدك ..
نهى: كنتمنى هادشي .. كنتمنى نرجعو كما كنا .. انا وياك .. علاقتنا البي مكنتش كنحسب حساب لاي حاجة فيها ..
بقاو كياكلو حتى صونا التلفون لنهى ..
حاتم : الو حياتي
نهى: حاتم لاباس عليك
حاتم: وليت لاباس مللي سمعت صوتك .. اش كديري ..
نهى: انا فالدار .. كنتغدا
حاتم: مزيان .. هاكاك نبغيك .. كولي .. شنو رأيك نخرجو شوية ليوما .. فالعشية ..
نهى: انا .. مشغولة شوية ..
حاتم : ممم باش
نهى: عندي الخدمة ..
حاتم: ماشي مشكل .. نشوفوها مرا ..
نهى: اوك واخا ..
حاتم: مزيان .. اذا لعشية ندوز موراك
نهى: لا خلي انا اللي ندوز موراك بالطوموبيل فالشركة .. ومنها نجيبلك ديك الورقة ..
حاتم: مزيان غانستناك اذا .. تهلاي فراسك احبيبة ..
نهى: حتى نتا تهلا فراسك،.
عمر بقا كيستمع للمحادثة وناض ... سالات نهى المكالمة تبعاتو لقاتو فالبيت ..
نهى: عمر .. مالك ..
عمر: انا اللي مالي ؟؟ مابقيتش فاهمك انهى.. كتقوليلي انك مرتاحة معايا .. وفنفس الوقت كتهضري مع داك خينة .. وكأنك شاداه احتياط .. ولا نقول انا اللي احتياط .. هو راه لاباس عليه ..
نهى: عمر اش هادشي كتقولو .. رد بالك لهضرتك
عمر: نتي اللي ردي بالك لتصرفاتك .. راكي كتجرحيني بيها .. وباراكة عليا غا الجروح دالماضي .. متزيديش كتر ..
نهى: عمر انا مكنلعبش بيك ..
عمر : ثبتيلي انك باغياني انا ..
نهى: انا معاك .. اشمن اثبات بغيتي كتر من هادا .. وانا مخبياك من البوليس
عمر : بغيتك تكوني ديالي .. 😠
جرها عندو وطيييييييييط .. تم حذف هذا المشهد مراعاة لمشاعر القراء

فالناموسية كان عمر معنق نهى ..
نهى: مكانش خاص نديرو هاكا 😢..
عمر:نهى انا خايف .. مرعوب من فكرة انك ممكن تضيعي مني مرة اخرى..كنخاف ياخدك مني حتى هادا اللي سميتو حاتم ..
بعدات منو وتكعدات جلسات على الناموسية .. وبدات تمسح فدموعها.. ناض عمر وباسها من ظهرها
عمر: عفاك متبكيش .. دموعك كيقتلوني ..
نهى: انا غانوض نمشي دابا ..
عمر: غاترجعي بالليل ..
نهى: غادي نشوف ..
عمر: كنبغيك
نهى: 😔
ناضت نهى لبسات حوايجها دغيا ومشات بلا متنطق حتى كلمة .. ركبات فطوموبيلتها ودموعها نازلين .. اتجهات للفيلا..
نهى: علاش خليتو .. علاش ممنعتوش..انا كنت ديما نمنع امير يقرب مني قبل الزواج.. علاش دابا استسلمت .. ولى حيت عمر هادا .. اللي ولفتو.. واللي الوحيد كنحس بروحه.. علاش انهى علاش .. علاش عطيتيه راسك ونتي مازال مامتأكداش من اخلاصه ليك.. ممكن يكون هو اللي قتل والديك.. ممكن يكون هو .. علاش لا.. ياك نتي اللي بدلتيه بأمير.. وخليتيه يكون مهووس بيك.. علاش ميكونش هو اللي دارها ..
وصلات للفيلا .. ونزلات طلعت لبيتها .. حيدات حوايجها ودخلات للحمام طلقت عليها الما وهي كتبكي وطالقة دموعها ..
خرجات نهى من الحمام وبقات كتشوف فالمرايا .. ديك الساعة ناضت بدلات حوايجها .. وخدات وراقيها.. مشات للمحامي صاوب ليها الوكالة .. واتجهات لعند حاتم فالشركة .. لقاتو كيستناها
حاتم: حبيبة توحشتك..
نهى: حتى انا
حاتم: بصح ؟ توحشتيني 😍
نهى: اه بالصح
حاتم: 😧 نهى مالكي.. واش واقعة شي حاجة؟
نهى: والو .. هانا جبتليك الوكالة ..
حاتم: واخا ولكن قوليلي مالك ..
نهى: انا خايفة بزاف احاتم .. خايفة على عائلتي
حاتم: متخافيش .. انا معاك .. اجي نمشيو نتمشاو شوية حدا البحر باش تفوجي على راسك.. غاتكوني لباس ..
خرجو من الشركة ومشاو ركبو فالطوموبيل ديال حاتم..حتى وصلو حدا البحر ..
حاتم: شوية دابا ..
نهى: اه احسن .. حاتم شكرا بزاف .. ديما كنتي معايا .. فجميع الفترات ..
حاتم: منسمعكش قلتي هاد الهضرة مرة اخرى..ها كنتي قلتي ليا انه عندك الخدمة .. منين بغيتي نبداو
نهى: ما فيا ما يخدم.. خلينا هنا حسن ..
حاتم: واخا .. حتى انا بغيت نبقاو هنا ..
بقاو نهى وحاتم وشافو الغروب .. حتى جاهم البرد وناضو .. ركبو فالطوموبيل واتاجهو للمستشفى.. شافت نهى جداتها ورجعات.. وصلها للفيلاً ومشا .. دخلات للفيلا وحسات برعب مرة اخرى.. طلعات لبيت والديها خدات سوارت طوموبيل باباها وصاكتها ومشات وصلات للبرطمة ديال امير وطلعات وهي مترددة تدخل .. بعد لحظات حلات باب البرطمة ودخلات لقات عمر جالس فالفوتوي غا شافها تبدلو ملامحه لسعادة ودهشة فنفس الوقت ناض بسرعة عندها وعنقها
عمر: نهى 😍 كنت خايف من انك متجيش مرة اخرى..
نهى: 😔
سدات الباب ودخلو مشات جلسات .. وهو معاها ومترقب ردة الفعل. ديالها ..
نهى: انا خفت نبقى بوحدي فالفيلا .. ومعرفتش علاش حسيت انك الوحيد اللي نحس بالامان معاه..
فرح عمر وعنقها بالجهد ..
عمر: انا فرحان حيت كنسمع منك هاد الهضرة .. نهى انا كنبغيك بزاف .. بزااااف كتر مكتخيلي 😢.. عفاك متخلايش عليا عفاك ..
نهى: 😢..
بقات نهى مع عمر .. ونعسات على صدرو .. اما هو بقا فايق .. ومامتيقش انها معاها .. صبح الصبح ونهى فاقت لقات راسها فحضن عمر
نهى: عمر واش فايق
عمر: انا منعستش اصلا ..
نهى: اسفة عدبتك ..
عمر: عدابك راحة بالنسبة ليا .. انا الفرحة مسايعانيش .. انا كان كيصحابلي باللي عمرنا مغنرجعو مرة اخرى.. هادشي كان بالنسبة ليا غا حلم وبعيد .. بل ومستحيل .. ولكن نتي رجعتيه ليا حقيقة .. كنبغيك انهى حتى الموت..
نهى: حتى انا باغا نبقى معاك.،
عمر: 😢 واش متأكدة من هادشي اللي كتقوليه انهى.. واش كنحلم
نهى: اه متأكدة.. مكرهتش نغمض عيني ونفتحهم نلقا راسي كنحلم ومرتابطش بامير وموقعش هادشي كله،. وماماتوش والديا ..
عمر: حياتي انا غانبقى معاك.. وغانسيك فكلشي .. متخافيش ..
نهى:انا غانمشي نشوف جدة..
عمر: واخا احبيبة .. تهلايلي فراسك
نهى: بالسلامة..

مشات نهى لجداتها وبقات كتشوف فيها .. وكتبكي وحالتها هي هي ..مقدرتش تبقى تما كتر مسحات دموعها ومشات .. وصلات للاوطيل ديال باباها وجلسات مع عادل فطرات ..حتى لقات هاجر كتصونيلها
هاجر: افين اصاحبتي
نهى: راني فالاوطيل.. اجي نفطرو مرا..
هاجر: واخا .، حيت توحشتك وشحال هادي مجلسنا.. مغانتعطلش عليك ..
نهى: كنستناك
متعطلاتش هاجر وجات لعند نهى .. لقاتها جالسة فطبلة بوحدها ..
نهى: فين غبرتي
هاجر: الخدمة احبيبة .. سمحيلي مكنتش معاك فمرض جداتك.. ولكن مشيت شفتها .. الله يشافيها
نهى: امين..
هاجر: فين صاحبك..
نهى: اينا واحد
هاجر: اللي جا من تايلاند
نهى: ونتي باش عرفتيه ..
هاجر: ااا غي .. قالهالي معاد..
نهى: ومعاد اللي قالك سيري فتشي فالبيت ديالو
هاجر: لا .. مفتشتش.. غا .. كان تما واحد الضيف كنعرفو واتصل بيا حيت نسا واحد cle usb... مشيت نشوف
نهى: حيت معجبوش الحال وتشكى من هاد التصرف
هاجر: انا كنعتذر.. ومستعدة نعتذر ليه حتى هو.،
نهى: اعتذرت ليه فبلاصتك .. حطيتيني فموقف خايب بزاف قدامه..
هاجر: كنعتذر ليك مرة اخرى.. رامي شنو اخباره
نهى: موصلهاش ليك معاد حتى هادي؟
هاجر: لا اصاحبتي عفاك متظنيش فيا ظن سيء .. مازالة مسمحتيلي على صديقك
نهى: مقلت والو..
هاجر: ايوا عفاك سمحيلي
نهى: سمحتليك.. غا متعاوديش
هاجر: ربي يحفظك احبيبة 😍
سالاو الفطور ومشاو يطالعو على حسابات الاوطيل بقات نهى كتراجع ومعاها هاجر.. حتى سالاو ..
هاجر: الحمد لله كملنا .. انا غاندوز للشركة دابا وغانرجع عندك نمشيو نطلو على جداتك ..
نهى: واخا تهلاي ..
مشات هاجر اما نهى فركبات فطوموبيلتها ومشات لعند عمر.. وصلات دغيا وطعات حلات الباب ودخلات ملقاتوش.. بقات بالحس كتقلب حتى لقاتو كيهضر فالتفون ديال الدار
عمر: مبغيتها تحس بحتى حاجة.. صافي واخا
سمعاتو نهى وتفاجئات انساحبات به وحطات يدها على فمها .. وخرجات سدات الباب بهدوء .. عمر سمع شي حس وخرج
عمر: نهى؟؟ واش نتي اللي جيتي احبيبة .. مكاين حد .. اكيد غا تهيئلي الصوت..
نهى خرجات بسرعة وركبات طوموبيلتها..
نهى: اش ناوي تاني اعمر.. علاياش ناوي .. انا كنت غالطة مللي تقت فيك مرة اخرى ...
مشات نهى باتجاه الفيلا ودخلات دغيا ..
نهى: اش غاندير .. كيفاش غنعرف اش كيدير عمر.. اصلا علاش مخلياه معايا علاش .. خديتي مني كلشي اعمر.. واش ممكن تكون كدير هادشي كله حيت بدلتك بأمير وبقات فيك.. مرتاحيتي حتى خديتي مني كلشي حتى شرفي 😭..علاش تقت فيه علاش
بقات نهى كتنوح وكتندب حتى جاها اتصال .. من المصحة ديال الادمان..
الطبيب : لالة نهى .. كنتأسف ولكن رامي فحالة خايبة بزاف وضروري تجي باش تشوفيه ..
نهى: خويا 😰 انا جاية دابا فورا ..
خرجات نهى بسرعة وركبات فالطوموبيل ... ورجليها كيرجفو بالخلعة.. بقا كيصوني ليها التلفون ..
نهى: ااوووف هاجر ماشي وقتك ..
وصلات ونزلات دغيا من الطوموبيل .. مشات كتجري للمصحة ودخلات
نهى: خويا .. فين خويا
منعوها الممرضات تدخل بقات خايفة صونا ليها التلفون لقات حاتم ..
حاتم: الو نهى فينك
نهى: حاتم انا فالمصحة رامي م..
حاتم : نهى انا وهاجر رانا فالسبيطار.. البركة فراسك من جهة جداتك.. 😔
تصدمات نهى ومقدرات تقول حتى كلمة خرج عندها الطبيب ديك الساعة فنفس الوقت
الطبيب: لالة نهى كنتأسف .. مقدرناش نعتقوه .. البركة فراسك..
نهى: 😳😳
ديك الساعة نهى منطقات حتى حرف وطاح التلفون من يدها بقات كتشوف وهي فحالة صدمة .. حتى طاحت

فاقت نهى وهي فغرفة فالمصحة وبيديها سيرو... لقات عند راسها حاتم وهاجر..
هاجر: صبري احبيبة..
حاتم: حياتي انا بجنبك ..
نهى: 😓😪 انا ..
حاتم: هضري احياتي .. شنو بغيتي قولي ..
نهى: بغيت نشوف خويا .. 😭
حاتم: غاتشوفيه.. متخافيش .. وغاتشوفي حتى جداتك.. ولكن اهم شيء انك تصبري
ناضت نهى من بلاصتها وشد فيها حاتم.. داوها عند رامي فمستودع الاموات.. دخلات وشافتو وهي تنهار بالبكا .. علاش اخويا علاش.. 😭😭 سمحلي انا السبب .. انا اللي وصلتك لهادشي .. انا .. حرام عليك انا اللي منفذتش وصية ماما وبابا.. خليتوني علاش .، علاش..
حاتم: صافي يالله نخرجو حرام عليك هادشي اللي كديري فراسك .. صبري ..
فجأة فقدات الوعي وهزها حاتم ردها لبلاصتها فالغرفة..داروليها الاسعافات اللازمة.. بقات معاها هاجر .. وحتى حاتم.. ساعات وهي ناعسة.. حتى فاقت بالليل ..
نهى: فين انا ..
هاجر: حبيبة راكي فالمصحة.. كيبقيتي دابا؟
نهى: بغيت نمشي للدار..
هاجر: واخا احبيبة انا غانكون معاك..
نهى: لا بغيت نكون بوحدي .. الى باغا تعاونيني طلبي من المحامي يتكلف باجراءات الدفن ديالي جدة ورامي ..
حاتم: انا غانوصلك.. ومتخمي فوالو.. من الافضل تكون معاك هاجر..
نهى: قلت لا.. انا غانكون لاباس .. طوموبيلتي كاينة هنا .. انا غانمشي فيها .. مكاين لاش توصلني ..،
حاتم: متأكدة؟
نهى: اه متأكدة.. غدا غاندفنو جدة ورامي ..بغيتك تكون معايا..
حاتم: اكيد بلا متقوليها .. غادي نكون معاك..
خرجات نهى وركبات فطوموبيلتها .. ومشات
للفيلا،. دخلات بهدوء وبدات تبكي دخلات بيت جداتها وبقات كتبكي على فراشها ..
نهى: جدة .. علاش خليتوني بوحدي علااش .. علاش مامتش حتى انا .. علاش مديتونيش معاكم.. اااااااه ..😭😭😭
بقات نهى كتبكي وكتغوت حتى عيات.. ناضت شافت واحد الصورة جماعية ديال عائلتها
نهى: كنقسم ليكم.. اني مغانعس حتى ننتقم من اللي شتتنا .، كنقسم ليكم ..،
خرجات نهى بسرعة من الفيلا باتجاه البرطمة.. حتى وصلات وبقات شادة فالفولون ومترددة تطلع.. وكتتناسل قطرات من الدموع من عينيها.. مسحاتهم وخرجات.. طلعات للبرطمة وحلات الباب.. لقات عمر متكب على الفوتوي وكيتفرج فالتلفزة،. شافها قفز من بلاصتو..
عمر: حياتي توحشتك 😍
جا بسرعة عنقها وهي ساكتة مهضراتش .. شاف فيها وتخلع
عمر: نهى مالكي.. علاش الدموع؟
خرجو دموعها بلا متحس بغزارة..
عمر: نهى متخلعينيش.. مالكي اش وقع..
نهى: جداتي ورامي خويا.. ماتو فوقت واحد..
عمر: نهى 😰انا اسف بزاف.. البركة فراسك.. صبري عفاك انا معاك .. عمري نخليك.. وغانبقى ديما بجنبك..
بقا معنقها .. بعد مدة داها للناموسية باش ترتاح.. ومشا جاب ليها عصير.. ولكن مبغاتش تشربو..
نهى: عمر اجي حدايا .. بغيت ننعس فحضنك ليوما.. عفاك حيت كنحس باللي بقيت بوحدي فهاد الدنيا
عمر: حياتي انا معاك.. وانا غانكون الدنيا ديالك،، متخافيش .. غانكون معاك..
دوزات نهى ديك الليلة مع عمر وهي فأحضانه.. الصباح خلات عمر ناعس وناضت هي دوشات ولبسات حوايجها .. خرجات من البيت وخدات التلفون اتصلات بالشرطة .. وعطاتهم العنوان.. رجعات عند عمر فيقاتو
نهى: عمر.. فيق .. نوض لبس حوايجك .،
عمر: صباح الخير احبيبة .. كيصبحتي
نهى: انا .. خليني ساكتة .. لبس حوايجك انا غانستناك نفطرو
عمر: واخا احبيبة هانا نايض..
خرجات من البيت ومشات لباب البرطمة حلاتو.. دخلو البوليس ونعتات ليهم نهى البيت اللي فيه عمر دخلو لقاوه لابس السروال وعريان من الفوق شدوه وهو كيقاوم وكيعيط لنهى.. وخرجوه لقا نهى مربعة يديها وكتشوف فيه والضابط كيقوليها
الضابط: شكرا بزاف اللالة نهى على تعاونك معانا..
شاف فيها عمر وهو مصدوم اما هي مدارت حتى ردة فعل وبقات كتشوف فيه .. ماشي بديك النظرة البريئة والاعتيادية .. اليوم بالتحديد شاف عمر واحد الانسانة اخرى كأنه كيشوفها لأول مرة،.
عمر: نهى 😰
نهى: سيدي انا سلمتو ليكم بعدما كان هربان.. دابا خاصكم تعرفو الحقيقة ،. وشنو الدافع اللي خلاه يقتل عائلتي كلهم ..
عمر: نهى 😨😫 نهى مستحيل تكوني كتشكي فيا .. واش نسيتي ..
داوه وهو كيشوف فنهى اما هي تسمرات بلاصتها... بعدما داوه بقات كتبكي ..

رجعات نهى للدار وهي ما حاملاش راسها .. ودموعها مفارقوش عينيها .. بقات كدور فالفيلا وكتشوف فالتصاور دعائلتها .. حتى جات عندها هاجر.. ودخلات .. لقاتها فبيت جداتها جالسة فالارض وجامعة مجموعة من التصاور وكتبكي عليهم..
هاجر: اويلي اصاحبتي .. علاش دايرة فراسك هاكا .. صبري 😭
نهى: مقادراش .. كلشي راح مني فدقيقة .. علاااش .. اش درت .. اش درت باش نستاهل هادشي ...
هاجر: صبري احبيبة عفاك .. مديريش فراسك هاكا .. حاتم دار جميع الاجراءات وغايتدفنو ليوما حدا والديك..
نهى: لا 😰 خاص نديرو ليهم الفحص ونعرفو باش ماتو بالضبط .. خاصني نعرف كيفاش قتلهم عمر 😭
هاجر: وشنو اللي غايتغير .. الليستة دالناس اللي قتل غايزيدو جوج ؟ .. اقصى عقوبة هي المؤبد وخداها ..خليهم يتدفنو،. اكرام الميت دفنو..
نهى: 😭😭😭
بداو الناس كيجيو للفيلا باش يعزيو من جديد نفس المشهد كيتكرر امامها وفاة والديها وأمير..كيسلمو عليها الناس وهي محاسة بحتى واحد ومشايفة حد .. هاجر حداها .. حتى دخلات نادية .. واحد البنت شادة فيها .. داتها لعند نهى
نادية: بنتي 😭
نهى: خالتي .. انا بقيت بوحدي
نادية: متقوليش هاكا .. انا معاك ابنتي ..
نهى: انا عييت اخالتي عييت.. عييت من هادشي
نادية : استغفري ربك ابنتي هادا قدر..
نهى: اش درت لعباد الله انا .. اش درت ليهم حتى يديرو فيا هادشي ... علااااش 😭
بقات نهى ونادية كيتباكاو.. من جهة اخرى .. الضابط كان كيحقق مع عمر..
الضابط: كيفاش حتى هربتي وشكون هربك
عمر: 😒 هربت لراسي .. خططت وهربت
الضابط: فين تخبيتي ..
عمر: فالدار ديال امير ،.
الضابط : شكون عاونك
عمر: معاوني حد .. كنت عارف ان ديك الدار خاوية ومكايمشي ليها حد .. مشيت وتخبيت تم
الضابط: شنو علاقتك بموت رامي القايدي وجداته
عمر: معندي علاقة .. واش اللي مات تلصقوه فيا
سالا التحقيق وداو عمر الحبس .. بعدما شددو الحراسة عليه وزادوليه حكم الاشغال الشاقة .. بقا فالحبس مكيهضر مع حتى واحد ساكت وغادي جاي فالزنزانة ..
المسجون1: افين اساط .. منتعرفوش .. مرحبا بيك
المسجون2: هاهاها مامولفش مازال واقيلة جديد
المسجون1: اش درتي الخاوة باش محبوس ..
عمر: 😠قتلت كتر من 300 واحد .. ومستعد نقتل اكتر ..
المسجون 1: 😧.. احم .. خلينا منو اصاحبي هادا باين مخايف من والو .. لا يتبعنا بدوك 300 المسجون2: شوف على نظرات كيديرها .. عامرين بالحقد والشر..
دازت ايام الجنازة ونهى محاملاش راسها .. وحابسة نفسها فالبيت ديالها مكتاكلش ..
هاجر: احبيبة حرام عليك هادشي اللي كاديري فراسك .. هادشي مغاينفعك بوالو ومغايرجعش اللي ماتو..
نهى: وعلاش غانعيش انا ولمن .. انا ضعت صافي
هاجر: متقوليش على راسك هاكا .. نتي شابة ومازال الحياة قدامك.. حتى حاتم ديما كيسولني عليك .. وحزين حيت مكتجاوبيش حتى اتصالاته
نهى: حاتم؟؟ علاه انا بقالي شي عقل لحاتم ولا لغيرو.. انا حياتي مبقا ليها معنى.. 😭
هاجر: صبري اختي عفاك 😰 انا خاص نعيطليك على طبيب نفساني .. نتي حالتك خايبة
بقات نهى كتنوح فجأة ناضت للطواليط وبقات كتتقيا .. مصارنها كيطلعو
هاجر: شفتي ها اللي قلنا.. هانتي غاتجيبيها فصحتك.. اجي نعسي تغطاي ..
نهى: انا غانعس .. حاسة راسي عيانة بزاف 😭
هاجر: كولي بعدا .. واش باغا تخرجي على راسك.. انا غانقوليهم يوجدوليك ما تاكلي ..
نهى: بغيت ننعس 😓بغيت ننعس..