الخطيئة- الحلقة الثامنة والعشرون
تأليف دودي العيساتي
حلات البنت ودخل بسرعة حاتم وشد البنت
نهى: فين رامي .. راميي رامي فينك ..
دخلات نهى لواحد البيت لقات تما خوها ..
رامي : مبغيتش نمشي للمصحة .. نتي باغا تحبسيني تما ..
نهى: رامي خويا 😭 متخافش انا غانكون معاك .. متخافش ..
رامي : عفاك اختي خليني هنا ..
دخلو ممرضي المصحة وشدو رامي وهو كيغوت.. بسرعة دكوليه ابرة طاح نعس .. ونهى كتبكي عليه.. خرجو وتبعوه بسرعة .. ولكن تفاجأو بالبنت هربات وماولاوش شافوها .. ركبات نهى مع حاتم وهي كتبكي ..
نهى: حاتم انا خاصني نطمئن على رامي .. خاص المصحة يهتمو بيه بزاف انا غانوصيهم يهتمو بيهم ..
حاتم : متخافيش انا معاك ..
نهى : شفتي بنت الحرام هربات .. عارفة راسها اش دارت .. انا غانوريها ..
حاتم : خليك منها وراكزي مع خوك هو المهم .. انا غانتكلف بالبنت ..
وصلو للمصحة نزلو دغيا ودخلو رامي ..
الطبيب : متخافيش الالة.. غايكون هنا بخير
نهى: انا غانبقى معاه هنا ..
الطبيب : لا مكاين لاش .. مرحلة العلاج الاولية كتستدعي انه ميشوف حتى واحد ويبقى بوحده.. هادي اصعب مرحلة فالعلاج ..
نهى: فوقاش نقدر نشوفو ..
الطبيب : غادي نتاصل بيك .. منكدبش عليك .. تعطلتو بزاف عليه .. هو وصل لمرحلة متقدمة فالعلاج..
نهى: 😭 عفاك ادكتور ديرو مجهودكم .. وعتقوه
حاتم: نهى.. صافي.. طمائنتي عليه خلينا نمشيو
نهى: انا خايفة بزاف احاتم .. رامي هو اللي بقالي فالدنيا ووصاوني عليه والديا ..
حاتم: متخافيش غايكون لاباس ..
خرجو نهى وحاتم وركبو فالطوموبيل ..
حاتم: صافي احبيبة باراكة من البكا .. غانوصلك للدار؟.. بلا خدمة ليوما .. رتاحي ..
نهى: واخا
وصل حاتم نهى للفيلا غا وصلو وهما يشوفو طوموبيلات البوليس
نهى: اش واقع هنا ..
حاتم: تهدني .. دابا نشوفو اش كاين
نزلو عندهم .. وسولوهم ..
البوليسي : لالة نهى القايدي؟
نهى: هي انا ؟ كاين شي مشكل ؟
حاتم : شنو كاين اسيدي؟
البوليسي : ممكن نهضرو معاك شوية؟ .. مبغيتش نخوفك ولكن عمر الخالدي هرب من الحبس .. وحنا شاكيين باللي غادي يحاول يجي هنا .. لذلك حنا مضطرين نخليو ليك حراسة هنا فالفيلا .. وحتى فالاوطيل
نهى: مكاين لاش اسيدي .. انا عندي الحراس الشخصيين ديالي ..وممحتاجاش كتر ..
البوليسي : متخافيش الالة حنا غانلقاوه فأقرب وقت .. وغادي نشدوه .. مجرم خطير بحال هادا مستحيل نخليوه طليق..
نهى: هادشي مكيهمنيش .. انا علاقتي بعمر تسالات شحال هادي .. ومكنظنش انه غايجي عندي مرة اخرى بعد داكشي اللي دار .. على العموم كنشكركم بزاف .. انا عندي حراسي ويلا شفتو او جا الهنا غادي نعلمكم ..
البوليسي : حنا بدورنا كنشكروك على تعاونك .. بالسلامة الالة ..
نهى: بالسلامة. 😒
مشاو البوليس وبقا حاتم مع نهى..
حاتم: مفهمتش علاش اعصابك باردة .. هادا مجرم خطير وممكن يآذيك..
نهى: نتا مكتعرفش عمر.. عمر مغايقدر يآذي نملة
حاتم: داكشي علاش دمرت عائلتك؟
نهى: مغانسدوش هاد الموضوع؟ راسي كيحرقلي ومحتاجة ننعس ..
حاتم: واخا .. انا كنهضر من خوفي عليك لا اكثر
نهى: انا مقدرة خوفك عليا ..
حاتم: يالله سيري ترتاحي شوية .. ونتلاقاو فالغدا
نهى: واخا .. غانستناك ..
حاتم: اوكي ..
مشا حاتم ودخلات نهى.. مشات وصات الخدامات يوجدو الغدا للضيف .. وطلعات لبيتها .. دخلات تدوش وخرجات بالبينوار وشعرها فازك .. مشات هزات تلفونها وجلسات .. اتاصلات بالاوطيل دباباها ..
الغيسيبتوغ: الو اوطيل القايدي مرحبا ..
نهى: انا نهى القايدي..
الغيسيبتوغ: مدام مرحبا بيك احتراماتي لالة ..
نهى: دوزلي الجناح 5 ..
الغسيبتوغ: حالا الالة ..
عمر كان كيتفرج فالتلفزة حتى سمع التلفون دالاوطيل كيصوني تردد شوية عاد جاوب
عمر: yes
نهى: عمر .. انا نهى
عمر: حياتي .. لاباس عليك
نهى: لاباس .. ونتا .. اش كادير
عمر: كنت جالس كنتفرج .. ايوا شريتيلي شي بيجامة ولا والو ..
نهى: هههه .. لا ياك كيعجبك تبقى عريان ..
عمر: لا جاني البرد ههه
نهى: ممم وانا نعيق ..
عمر: هه عرفتي .. انا مشتاق بزاف لهاد المحادثات ديالنا دشحال هادي .. بنفس الاسلوب
نهى: حتى انا ..
عمر: يعني منسيتيهاش
نهى: اش بانلك
عمر : منعرف .. بعض المرات كنشوفك مناسياش .. ولكن بزاف دالمرات كنخاف .. كنخاف نتصدم من تاني وتتفارقي معايا بسهولة ..
نهى: ممكن ننساو هادشي .. فخبارك باللي البوليس ليوما جاو كيقلبو عليه هنا ..
عمر: 😳 مصيبة هادي .. عندك يكونو كيراقبوك؟ وحتى المكالمات انهى ماشي بعيد يكونو كيراقبوها .. انا راه بالنسبة ليهل مجرم خطير
نهى: شنو خاصني ندير
عمر: حتى تجي ونقولك اش غاديري .. واخا؟
نهى: اوك.. بالليل غانجي عندك
عمر: اوك تهلايلي فراسك
سالات المكالمة نهى مع عمر وناضت بدلات حوايجها وصاوبات شعرها .. ونزلات عند جداتها لقاتها ناعسة وحالتها خايبة ..
نهى: جوديا جوديا
جوديا : نعام الالة ..
نهى: مال جدة ..
جوديا : عيانة شوية ولكن غاتكون لاباس
نهى: مجبتكش هنايا باش تقوليلي غاتولي لاباس .. عيانة عيطي للطبيب ..
جوديا : حالتها مامستاهلاش الطبيب .. غاتولي لاباس ..
نهى: انا غانصوني للطبيب ..
بدات كتصوني للطبيب
نهى: دكتور انا محتاجاك تجي دابا تشوف جدة
الطبيب : واخا انا غانوصل بعد ربع ساعة..
نهى: متعطلش عفاك
تأليف دودي العيساتي
الخطيئة- الحلقة الثلاثون
تأليف دودي العيساتي
دوزات نهى نهارها مع جداتها حتى وصل الليل .. جا عندها حاتم لقاها حاطة راسها عند يدين جداتها .. مشا حط يدو عليها وفيقها ..
حاتم: لاباس
نهى: شوية 😪
حاتم: نوضي خلينا نمشيو..
نهى: بغيت نبقا معاها
حاتم: حرام عليك نفسك.. نوضي نمشيو تاكلي شي حاجة .. ورتاحي ..وغدا غانجيو عندها
ناضت نهى مع حاتم ومشاو حتى وصلو للاوطيل ديال باباها ..
نهى: علاش جينا هنا 😧
حاتم: نتعشاو.. ومنه نعرضو حتى على الضيف ديالك ..
نهى: 😳 اوكي
نزلو ودخلو للمطعم ديال الاوطيل وجلسو
حاتم: عفاك يمكنليك تطلع من السيد اللي جا من التايلاند يجي يتعشا معانا ..
النادل: حاضر سيدي..
نهى: واش ملاحظتيش باللي ماشي وقتو
حاتم: بالعكس هادا وقتو .. على الاقل باش تفوجي شوية ..
بقاو شوية حتى جا النادل ..
النادل: سيدي كنعتاذر ولكن السيد ناعس ..
تنفسات نهى مللي سمعات النادل ..
حاتم: دوماج .. كنت كنتمنى نتعرف عليه..
نهى: طلب العشا ..
بعدما طلبو العشا هضر حاتم مع النادل
حاتم: جيب لينا واحد القرعة دالويسكي
نهى: ويسكي؟
حاتم: شنو مكتشربيش؟
نهى: لا 😒
حاتم: غير كاس معايا .. انا متأكد غادي يخرجك من الحالة اللي نتي فيهاً
شوية جاب النادل العشا ومعاه الويسكي .. كب كاس لحاتم وكاس لنهى ..
حاتم: بصحتك .. 🍷
نهى: معرفتش .. انا مترددة
حاتم: غير كاس واحد .. على قبلي .. تيقي بيا مغاتندميش ..
بقات نهى كتتأمل فالكاس بزاف حتى تفكرات الحالة اللي راها فيها والشهية اللي تسدات ليها .. وهي تشرب الكاس فخطرة ..
نهى: 😩 اه .. اووف
حاتم: بشوية عليك ..
نهى: كب ليا كاس اخور ..
حاتم : متكتريش هه .. راكي غاتسكري ..
نهى: كب ليا مغانسكرش ..
حاتم: على راحتك .. المهم هو تكوني مرتاحة ..
كملو العشا ونهى كتشرب ..
حاتم: نوضي باركة عليك.. يالله نوصلك
نهى:😣 لا .. لا خليني .. انا غانبقى هنا .. غادي نراجع الحسابات مع عادل
حاتم: كيفاش غاتراجعي الحسابات .. مشايفاش راسك كيفاش سكرانة ..
نهى: ااوووه حاتم عفاك .. صافي .. خليني على راحتي.. انا غانبقى هنا .. ووواصلا مافيا مايمشي للدار .. لا جدة ولا رامي كاينين تما ..
حاتم: يالله تمشي معايا انا لداري ..
نهى: نو .. انا مكنمشيش لديور العزارة .. سير بوحدك.. انا غانبقى هنا .. 😪
حاتم: ملي غاتكملي الحسابات شكون غايوصلك
نهى: غانبات هنا ..
عادل : سي حاتم صافي خليها .. انا غانحجز ليها غرفة هنا .. حالتها خايبة غانطلب من البنات يطلعوها لبيت ينعسوها ..
حاتم: اي حاجة صرات صونيلي .. هادا الكارت ديالي
عادل : واخا اسيدي ..
مشا حاتم باس جبهة نهى ..
حاتم: تهلاي فراسك العنيدة ديالي.. متجلسيش هنا طلعي ترتاحي واخا؟
نهى: متخافش عليا .. غانكون لاباس ..
مشا حاتم وناضت نهى من موراه .. وطلعات للغرف ..
عادل: لالة نهى واش محتاجة شي مساعدة
نهى: شووووت... انا بخيير.. سير لخدمتك...
عادل : واخا انا غانكون قريب ليك الى حتاجيتيني عيطيلي
نهى: سير صافي ..
مشات وصلات لغرفة عمر وتكات على الباب وبدات تدق.. حل ليها عمر الباب وتلاحت عليه شدها مخلوع ..
عمر: نهى.😧 مالكي ..
نهى: وااالو .. انا سافا ..
عمر: (بدا يشم) واش نتي سكرانة ؟
نهى: ششششوية..
عمر: دخلي .. اجي تكاي ..
سد الباب عمر وجا جلس القرفصاء حداها فالناموسية
عمر؛ عمرك فحياتك مشربتي .. علاش شربتي ليوما .. علمك تشربي .. غدا يعلمك تشطحي فالكاباريهات ..
نهى: انا عيااانة .. جدة راها كومة،. وخويا فمصحة الادماان.. اانا بقيت بوحدي اعمر ..
عمر: انا راني بجنبك .. ومغانخليكش مهما كان ..
طلعات نهى فوق الناموسية وحيدات صباطها وبدات تحيد فحوايجها وتلوح فالارض..
نهى: اجي .. انا بغيت ندوز معاك الليلة اجي عندي ..
عمر : 😠
تأليف دودي العيساتي
الخطيئة- الحلقة الثانية والثلاثون
تأليف دودي العيساتي ..
عمر: قولي ليا فين
نهى: شووت لبس حوايجك ويالله معايا محد الدنيا امان ..
عمر: واخا
لبس عمر حوايجو وخرج مع نهى .. وهو يبانليه برا حاتم نازل من طوموبيلتو ..
عمر: ماشي صاحبنا هداك ؟
نهى: 😳 يااااي اجي دغي دغيا .. جري
هربو ومشاو خرجو من بلاصة اخرى ..
نهى: زيد دغيا مخاصش يشوفنا ..
عمر: فين طوموبيلتك ..
نهى: مجبتهاش .. غانمشيو فالطوموبيل ديال اوطيل .. ركبو نهى وعمر وصاك بيهم واحد الدري اللي طلبات منو نهى يوصلها لوسط المدينة .. مللي وصلو .. نزلو دغيا
عمر: علاش جينا هنا ..
نهى: دابا تعرف .. اجي معايا دغيا
دخلو فواحد العمارة .. وطلعو فلاسانسوغ..
عمر: واش كتعرفي شي حد هنا
نهى: شووووت
عمر: هاني ساكت..
هزات نهى سوارت من صاكها وفتحات الباب ديال واحد البرطمة ..
نهى: دخول ..
عمر: ديالمن هاد البرطمة ..
نهى: هادي هي البرطمة اللي كنا فرشناها انا وامير على ذوقنا .. كنا غانسكنو فيها على ما توجد الفيلا .. لا الفيلا وجدات ولا سكنت فالبرطمة
عمر: شايفك كتحني بزاف ليه ..
نهى: عمر بعض المرات مكنعرفكش .. مكنبقاش نحسك داك الانسان البريء اللي كنت نعرف .. كتولي واحد اخور
عمر: واش ماشي من حقي نغير عليك ..
نهى: ياخوفي من الغيرة مللي كتتحول لسم .. ودمار وكره.. وعمى ..
عمر: غانسكت حسن .. باش منجرحوش بعضنا😔
نهى: اجي اعمر.. نسا عليك الغيرة دابا ..وركز على الامان.. وهذا اأمن مكان ... تتخبى فيه
عمر: واخا ..
نهى: حتى واحد ميجي فبالو انك ممكن تكون مخبي هنا..
عمر: واخا ..
نهى: انا غانتسخر ونجيبليك كلما تحتاج .. باش تاكل وتشرب والتلفزة موجودة وحتى الويفي ..
عمر: واخا ..
نهى: باقي غضبان ؟ 😔
عمر: لا. 😒
نهى: عنقني 🙈
مشا عمر عنق نهى.. وهي كذلك ..
نهى: يالله خليني نمشي .. باش ميعيق حتى واحد بغيابي .. وحتى جدة تعطلت عليها خاصني نمشي نطل عليها
عمر: الله يشافيها ..
مشات نهى.. ووصلت الكونسياج يتسخر لعمر .. ومشات شدات طاكسي حتى وصلات للسبيطار .. اتاجهات لقسم الانعاش وبقات كتطل على جداتها .. ودموعها فعينيها
الطبيب : نهى
نهى: دكتور اشنو الاخبار
الطبيب: حالتها مستقرة ولكن مازال مافاقت من الغيبوبة .. القلب ضعيف وكيأثر على المخ ..
نهى: واش كاين شي امل
الطبيب : املنا فالله .. الايام الجاية غادي تبينلينا قدرة تحملها.. منها غانحددو حالتها واش غاتحسن ولا لا ..
نهى: 😭
الطبيب : الله معاك .. متفقديش الامل ..
نهى: شكرا ليك ..
بقات كتشوف فجداتها .. من مور الزاج .. حتى صونا ليها التلفون ..
نهى: الو 😢
حاتم: فينك انهى ..
نهى: فالسبيطار..
حاتم : دزت تما الصباح ملقيتكش وحتا الاوطيل قالولي مشيتي
نهى: اه مشيت بكري .. وكنت محتاجة نبقى بوحدي .. داكشي علاش ،
حاتم .. انا غانجي عندك دابا ..
نهى: واخا ..
حاتم : دقائق ونكون معاك
بقات نهى كتستنى .. حتى وصل حاتم .. جا عنقها
حاتم: كيبقيتي من البارح ..
نهى: شوية.. بالنسبة البارح .. انا مكانش خاصني نشرب.. عفاك متبقاش تبزز عليا
حاتم: خودي راحتك .. كما بغيتي ..
نهى: عارفة راسي مقصرة فالخدمة بزاف ..
حاتم: انا نهز عليك .. ولكن خاص تديريلي وكالة باش نقدر نسيني فبلاصتك
نهى: واخا انا غانصاوبولك ليوما .. وسمحلي بزاف
حاتم: مبيناتناش السماحة... نتي راكي فقلبي .. واللي تقالت عليك خفافت عليا ..؟
نهى: الله يخليك ليا ..
حاتم: 😊 .. اتصلت بالطبيب ديال رامي.. قالي راه بدا العلاج .. وغايكون بخير
نهى: واش نقدرو نشوفوه
حاتم: لا منع الزيارة .. غايتاصل بينا مللي غاسمح بالزيارة..
نهى: كنحس اني مغانقدرش نتحمل .. 😢
حاتم: اش قلنا..
باس يدها وحطات هي راسها على صدرو وكتشوف فجداتها وهو محاوطها بيديه بجوج .. بقاو تما حتى مشاو .. ركبت نهى مع حاتم..
حاتم: غانوصلك للدار ..
نهى: اه .. غانمشي نبدل حوايجي
حاتم : غانرجع موراك
نهى: لا.. غادي نرتاح حتى نسالي .. ونمشي للسبيطار نشوف جدة
حاتم: متنسايش تاكلي .. راك باينة فيك ما واكلة والو..
نهى: مقادراش والله ..
حاتم:هادي ماشي هضرة .. خاصك تاكلي .. نهى: غانحاول
حاتم: نتعشاو مرا ؟
نهى: لا .. بلاش من ليوما .. خليها نهار اخور
حاتم: كما بغيتي .. متبقايش فالدار بوحدك صوني لهاجر تجي عندك
نهى: واخا .. غانصونيلها ..
حاتم: تهلايلي فراسك
تحنى عندها وباسها فخدها ..
نهى: بالسلامة 😊
تأليف دودي العيساتي
تأليف دودي العيساتي ..
عمر: قولي ليا فين
نهى: شووت لبس حوايجك ويالله معايا محد الدنيا امان ..
عمر: واخا
لبس عمر حوايجو وخرج مع نهى .. وهو يبانليه برا حاتم نازل من طوموبيلتو ..
عمر: ماشي صاحبنا هداك ؟
نهى: 😳 يااااي اجي دغي دغيا .. جري
هربو ومشاو خرجو من بلاصة اخرى ..
نهى: زيد دغيا مخاصش يشوفنا ..
عمر: فين طوموبيلتك ..
نهى: مجبتهاش .. غانمشيو فالطوموبيل ديال اوطيل .. ركبو نهى وعمر وصاك بيهم واحد الدري اللي طلبات منو نهى يوصلها لوسط المدينة .. مللي وصلو .. نزلو دغيا
عمر: علاش جينا هنا ..
نهى: دابا تعرف .. اجي معايا دغيا
دخلو فواحد العمارة .. وطلعو فلاسانسوغ..
عمر: واش كتعرفي شي حد هنا
نهى: شووووت
عمر: هاني ساكت..
هزات نهى سوارت من صاكها وفتحات الباب ديال واحد البرطمة ..
نهى: دخول ..
عمر: ديالمن هاد البرطمة ..
نهى: هادي هي البرطمة اللي كنا فرشناها انا وامير على ذوقنا .. كنا غانسكنو فيها على ما توجد الفيلا .. لا الفيلا وجدات ولا سكنت فالبرطمة
عمر: شايفك كتحني بزاف ليه ..
نهى: عمر بعض المرات مكنعرفكش .. مكنبقاش نحسك داك الانسان البريء اللي كنت نعرف .. كتولي واحد اخور
عمر: واش ماشي من حقي نغير عليك ..
نهى: ياخوفي من الغيرة مللي كتتحول لسم .. ودمار وكره.. وعمى ..
عمر: غانسكت حسن .. باش منجرحوش بعضنا😔
نهى: اجي اعمر.. نسا عليك الغيرة دابا ..وركز على الامان.. وهذا اأمن مكان ... تتخبى فيه
عمر: واخا ..
نهى: حتى واحد ميجي فبالو انك ممكن تكون مخبي هنا..
عمر: واخا ..
نهى: انا غانتسخر ونجيبليك كلما تحتاج .. باش تاكل وتشرب والتلفزة موجودة وحتى الويفي ..
عمر: واخا ..
نهى: باقي غضبان ؟ 😔
عمر: لا. 😒
نهى: عنقني 🙈
مشا عمر عنق نهى.. وهي كذلك ..
نهى: يالله خليني نمشي .. باش ميعيق حتى واحد بغيابي .. وحتى جدة تعطلت عليها خاصني نمشي نطل عليها
عمر: الله يشافيها ..
مشات نهى.. ووصلت الكونسياج يتسخر لعمر .. ومشات شدات طاكسي حتى وصلات للسبيطار .. اتاجهات لقسم الانعاش وبقات كتطل على جداتها .. ودموعها فعينيها
الطبيب : نهى
نهى: دكتور اشنو الاخبار
الطبيب: حالتها مستقرة ولكن مازال مافاقت من الغيبوبة .. القلب ضعيف وكيأثر على المخ ..
نهى: واش كاين شي امل
الطبيب : املنا فالله .. الايام الجاية غادي تبينلينا قدرة تحملها.. منها غانحددو حالتها واش غاتحسن ولا لا ..
نهى: 😭
الطبيب : الله معاك .. متفقديش الامل ..
نهى: شكرا ليك ..
بقات كتشوف فجداتها .. من مور الزاج .. حتى صونا ليها التلفون ..
نهى: الو 😢
حاتم: فينك انهى ..
نهى: فالسبيطار..
حاتم : دزت تما الصباح ملقيتكش وحتا الاوطيل قالولي مشيتي
نهى: اه مشيت بكري .. وكنت محتاجة نبقى بوحدي .. داكشي علاش ،
حاتم .. انا غانجي عندك دابا ..
نهى: واخا ..
حاتم : دقائق ونكون معاك
بقات نهى كتستنى .. حتى وصل حاتم .. جا عنقها
حاتم: كيبقيتي من البارح ..
نهى: شوية.. بالنسبة البارح .. انا مكانش خاصني نشرب.. عفاك متبقاش تبزز عليا
حاتم: خودي راحتك .. كما بغيتي ..
نهى: عارفة راسي مقصرة فالخدمة بزاف ..
حاتم: انا نهز عليك .. ولكن خاص تديريلي وكالة باش نقدر نسيني فبلاصتك
نهى: واخا انا غانصاوبولك ليوما .. وسمحلي بزاف
حاتم: مبيناتناش السماحة... نتي راكي فقلبي .. واللي تقالت عليك خفافت عليا ..؟
نهى: الله يخليك ليا ..
حاتم: 😊 .. اتصلت بالطبيب ديال رامي.. قالي راه بدا العلاج .. وغايكون بخير
نهى: واش نقدرو نشوفوه
حاتم: لا منع الزيارة .. غايتاصل بينا مللي غاسمح بالزيارة..
نهى: كنحس اني مغانقدرش نتحمل .. 😢
حاتم: اش قلنا..
باس يدها وحطات هي راسها على صدرو وكتشوف فجداتها وهو محاوطها بيديه بجوج .. بقاو تما حتى مشاو .. ركبت نهى مع حاتم..
حاتم: غانوصلك للدار ..
نهى: اه .. غانمشي نبدل حوايجي
حاتم : غانرجع موراك
نهى: لا.. غادي نرتاح حتى نسالي .. ونمشي للسبيطار نشوف جدة
حاتم: متنسايش تاكلي .. راك باينة فيك ما واكلة والو..
نهى: مقادراش والله ..
حاتم:هادي ماشي هضرة .. خاصك تاكلي .. نهى: غانحاول
حاتم: نتعشاو مرا ؟
نهى: لا .. بلاش من ليوما .. خليها نهار اخور
حاتم: كما بغيتي .. متبقايش فالدار بوحدك صوني لهاجر تجي عندك
نهى: واخا .. غانصونيلها ..
حاتم: تهلايلي فراسك
تحنى عندها وباسها فخدها ..
نهى: بالسلامة 😊
تأليف دودي العيساتي
0 Commentaires