الخطيئة- الحلقة السادسة عشر
تأليف دودي العيساتي
مشاو نهى وحاتم ولبسو حوايج الخيل .. ركبو كل واحد على فرس .. وبداو الرحلة ديالهم .. تمشاو فالمزرعة كلها وتسابقو .. نهى بغات العود ديالها بزاف ..
حاتم : راكي فرحانة .؟
نهى : اه بزاف .. زوين بزاف هاد الحصان .. شنو سميتو ..
حاتم : هاديك فرسة .. سميتها نوران..
نهى : سمية زوينة وجات معاها بزاف ..
حاتم : ولات ديالك من اليوم ..
نهى : بالصح ؟؟ 😍 كنشكرك بززاف ..
حاتم : هاد الجوج مدربين بزاف وهما اللي عندي متفاهمين ...
نهى : وشنو سميت الحصان ديالك
حاتم : عهد ..
نهى: سمية زوينة بزاف .. عهد ونوران .. ههه
حاتم : شنو رأيك نتسابقو عاود
نهى: زيد بغيت نربحك مرة اخرى ..
حاتم : عهه وغا كنحاول عليك ..
نهى: ممم مابغيتيش تعترف بالخسارة ..
حاتم : هههه دابا نشوفو ..
بقاو كيتسابقو حتى سبق حاتم وبقاو كيضحكو .. حتى عيا رجعو للمزرعة .. حاتم طلب من الخداما يوجدو الغدا .. ومشاو يدوشو هو ونهى .. كل واحد فبيتو .. دخلات نهى للبيت ودوشات وبدلات حوايجها .. واتاصلات بهاجر .
هاجر : يا اهلين بالغالية .. اش درتي ..
نهى : هانا اصاحبتي دوزت النهار واعر ركبنا الخيل .. حاتم ضريف بزاااف
هاجر: ندوب انا ندوب .. متقوليش ليا الحوت كلا الطعم وشداته الصنارة
نهى : هههه
هاجر: انا خايفة غاترجعي من تما مزوجة بيه
نهى : اش هاد الهضرة اصاحبتي .. هادشي مازال الحال عليه
هاجر: وشنو غاتسناي اصاحبتي حتى تطير ليك عليه ديك الصفريطة ...
نهى : متخافيش
هاجر: فخبارك ليوما صوناتلي سولاتني عليك ..
نهى : متقوليهاش .. وشنو بغات ..
هاجر: صحيبتك هادي واجرك على الله .. قولتليها راها مع حاتم فمزرعته 😂
نهى: علاش فرشتيني اصاحبتي..
هاجر: كون شفتيها اش دارت كون عجبك الحال
نهى : اش دارت
هاجر : كانت غاتسخف ههههه بقات غا كتمأ مأ
نهى : خليها تتكوا .. علاش تابعاني فحوايجي .. ماكفاهاش امير
هاجر: قلتلك الف مرة نساي عليك امير .. هانتي الله جابليك واحد زوين الف مرة واغني من امير
نهى : المصيبة انه شي مرتبط بشي ..
هاجر: سمعيني الى بقيتي كتفكري بهاد الطريقة راه غاتخسري كلشي.. عندك غرض تربحي .. نتي قدها .. نساي عليك المشاعر
نهى : انا معاك اصاحبتي .. غادي ندير داكشي اللي اتافقنا عليه ..
هاجر: هاكاك نبغيك .. يالله سيري غايكون كيستناك ..
نهى: تهلاي فراسك احبيبة ..
هاجر: بالسلامة ..
ناضت نهى تقابلات مع المرايا وبدات كتصايب شعرها وكتدير الميك اب ديالها .. حتى دقت عليها واحد الخدامة ..
الخدامة: لالة .. السي حاتم كيستناك .. الغدا واجد..
نهى: انا جاية ..
دارت نهى بارفان ديالها المفضل ونزلات .. لقات حاتم جالس وكيستنى فيها
حاتم : مرحبا .. تفضلي ..
نهى : ربي يخليك .. اش هاد الماكلة كلها وحنا غا جوج بينا ..
حاتم : اكرام الضيف واجب .. ونتي اكثر من ضيفة ..
نهى : انا راه الماكلة ديالي قليلة وبسيطة .. الماكلة اللي قيها لي كالوري قلال ...
حاتم: لا لا خاصك تاكلي وتشبعي ماكلة حيت كتقوي .. خودي هاد الفخدة ديال الدجاج غاتعجبك .. وزيدي حتى هاد اللحم المشوي
نهى: ههه اويلي واش بغيتيني نولي غليضة .. ويخسرلي الريجيم .. موغصو صغير من اللحم كافي .. وبزاف عليا عاد .. نشرب موراه كاس عصير ..
حاتم : لا هادشي مكيسلكش ... عليها راكي هشيشة وكيوت هاكا ..
نهى: هههه لا هادشي معندوش علاقة . الريجيم هو الريجيم ..
حاتم: وديري خاطري خودي هادي من يدي .. يالله يالله
نهى: ههه مصر .. واخا (وكلها ففمها)
بقاو كياكلو وكيهضرو :.
حاتم: مقلتيليش .. كيف جاتك المزرعة ..
نهى : طوب.. واعرا واش ديالك ولا دعائلتك ..
حاتم : لا هادي ديالي .. انا وارث شي باراكة من الواليد بالحق 75% من الثروة ديالي انا اللي درتها بخدمتي ..
نهى : واو .. نتا عصامي اذا
حاتم : صحيح ..
نهى : وفين هما عائلتك دابا ..
حاتم : ماتو .. والديا ماتو .، ومعنديش اخوة .. انا وحيد من صغري .. عليها وليت عصامي هاكا ودرت كاع هاد الثروة .. حيت عمري متكلت على شي حد..
نهى: ومتزوجيتش ؟
حاتم : لا .. عمري متزوجت .. ديما كنت كندير علاقات عابرة ..ومنكدبش عليك .. مكرهتش نستقر وندير ولاد ودار ومرا.. على الاقل تحس انه عندك حاجة علاش تعيش
نهى : غاديرهم الا عولتي عليهم
حاتم: مكرهتش (شاف جيهتها وطول فيها النظر)
نهى: احم احم .. انا كملت الغدا
تأليف دودي العيساتي
الخطيئة- الحلقة السابعة عشر
تأليف دودي العيساتي
ناضو نهى وحاتم .. كما اتافقو يعومو فلابيسين .. نزلو يعومو بداو ينضحو ويرشو بعضياتهم بالما ..
حاتم: نهى.. كتعرفي تغوصي ..
نهى : اه .. ههه
مازال مكملات هضرتها حتى نزلات لتحت وختى هو نزل معاها وبداو كيعومو فالقاع .. طلعو لفوق
نهى : اوبس .. ههه كيجيتك ..
حاتم : شاغمونت .. واش قديمة فالغوص
نهى : بابا كان يعلمني فصغري ..
قرب حاتم عند نهى وهي كتعوم شدها من الخصر ديالها .. بدا كيشوف فيها بواحد النظرة غريبة ..
حاتم : نهى .. انا ..
نهى : احم خلينا نطلعو انا جاني البرد ..
تنسلات منو وطلعات ..
دخلت للييت ديالها دارت دوش وبقات جالسة على الناموسية .. كتفكر وعقلها كيدي ويجيب علاش تجرأ عليا هاكا .. اش بيني وبينو اصلا .. واش صافي تمادى حيت وافقت نجي ندوز الريكاند معاه .. انا خاصني نمشي .. باش ميزيدش ..
بدات تجمع حوايجها .. نزلات بالصاك ديالها .. لقات حاتم لتحت ..
حاتم: اش هادشي فين غادية ..
نهى : عفاك وصلني ..
حاتم : نهى .. عفاك سمحيلي .. مقصدتش .. عفاك بقاي ..
نهى : انا خاصني نمشي حيت جدة راها بوحدها.. وزايدون اتاصلو بيا من الاوطيل .. كاين شي مشكل خاص نحلو ..
حاتم :? c la verite
نهى: اه .. عفاك وصلني ..
حاتم : واخا .. نتمنى ميكونش للتصرف ديالي علاقة بهاد القرار ديالك .. ونتمنى نعوضو هاد الويكاند مرة اخرى
نهى : ان شاء لله
هز الصاك حاتم وخرجو هو ونهى لعند الطوموبيل ... ركبو بجوج وشدو الطريق .. طول الوقت ونهى ساكتة
حاتم : نهى .. مالك ساكتة ،. واش حتى لهاد الدرجة انا قلقتك ..
نهى : لا نتا ماقلقتينيش .. غير عقلي مشطون ..
حاتم : نتمنى بالصح منكونش قلقتك ..
بقاو شادين السكات بجوج بيهم طول الطريق ومرة مرة كيشوف حاتم فنهى ... وهي ساكتة حتى وصلو للفيلا.. نزلات نهى وودعات حاتم ببرود وطلعات ..
دخلات للفيلا .. واتاجهات لجداتها ..
جدة: بنتي جيتي .. علاش مكملتيش الويكاند ديالك ..
نهى : والو .. غا بغيت نجي نطمئن على الخدمة ..
الجدة: بنتي شوفي فيا .. ياك موقع والو ..
نهى : لا اجدة موقع والو .. كيدايرا نتي لاباس .. صحيحتك ..
الجدة : انا بخير .. هاد الممرضة اللي جبتي مزيانة وكتفهملي ..
نهى : ايوا مزيان .. فين رامي
الجدة: خرج مع صحابو .. معرفتش فين مشا
نهى : صافي انا غانتاصل بيه .. انا غانطلع نرتاح شوية .. ونتزل نتعشاو جميع مع بعض
الجدة : الله يرضي عليك ابنتي
طلعات نهى لبيتها وبقات كتخمم وكتفكر فداكشي اللي وقع ليوما .. علاش تعصبت .. ما فيها والو ..هو مادار حتى ردة فعل تخليني نتصرف هاكا .. مالي دابا انا علاش هادشي كله... ولا يمكن حيت نتي مازال مخرجتي من عقدة امير.. حتى امير عمري خليتو يقيصني .. لا ماشي هادا هو السبب .. نتي معقدة من الرجال .. حيت تقتي فأمير وصدق مزوج ووالد .. واش انا نبقى هاكا حياتي كاملة .. نفكر غير فأمير... امير مات صافي .. عاش حياتو ومات .. علاش نبقى انا عايشة فالماضي..
نعسات نهى وهي كتفكر .. حتى فاقت على صوت الدقان فالباب .. ناضت وفتحات لقات هاجر ..
هاجر: اش هادشي .. شنو وقع
نهى : نتي لي شنو وقع ..
هاجر: جيت نطل على جداتك قالتلي راكي هنا ..علاش مكملتوش الويكاند ديالكم .. شوقع خلاكي تجي على نهار ..
نهى : ففف .. دخلي .. انا نعاودليك كولشي ..
هاجر: اوه يعني الموضوع كبير
نهى : ما كبير ما تا حاجة .. انا اللي كبرتو ..
هاجر: هانا كنسمعك ..
نهى: كان كلشي هو هاداك .. نهارنا داز زوين .. ولكن فالعشية نزلنا للبيسين نعومو .. حاتم قرب ليا معرفتش شنو كان باغي .. شدني من خصري.. وو
هاجر: هاا وشنو ..
نهى : هربت منو وجيت...
هاجر: هاهاهاها 😂😂 ..
نهى : علاياش كتضحكي ..
هاجر .: بصراجة اللي يشوف الجسم ديالك طبيعي مايضعف .. ولكن اللي ضحكني انه السي حاتم على قده ضعف بهاد السرعة قدامك .
نهى : ومالو ماشي راجل باش ميضعفش
هاجر: راجل وراجل ونص.. ولكن اللي مكتعرفيهش انه السي حاتم مكيضعفش قدام اي وحدة .. وكان عليك تستغلي داك الضعف اللي دار قدامك ..حيت مغايتكررش..
نهى: شنو كنتي باغاني ندير ..
هاجر : والو .. غا نهار الاثنين سيري عندو واعتذرسلو حيت خسرتيلو الويكاند حيت وقتو ثمييين بزاف باش يضيعو غا هاكا ..
نهى : مالو هو شيكيفارا..
هاجر: كتر .. هادا راه حاتم .. اللي غايحميك طول حياتو .. وعمرك متحتاجي بعدو لشي حد .. اتصال واحد منو يكفيك .. نهى الفرصة كتجينا مرة وحدة فالعمر .. وخاص نستاغلوها .. نساي عليك الماضي وبداي حياة جديدة .. نتي مازال صغيرة .. وماشي غاتبقاي حياتك كتسناي وكتفكري فالماضي ..
نهى : مقدرتش ننسى .. بزز عليا ..
هاجر: انا مقدرة هادشي اللي كدوزي منه .. لذلك كنصحك تزوري طبيب نفساني .. انا غانعطيك كارط ديال الطبيب ديالي ونديرلك معاه موعد .. انا متأكدة غادي يعاونك بزاف ..
نهى : ومن امتا كتمشي لطبيب نفساني ..
هاجر: وشنو فيها عيب ؟ لمعلوماتك فالمجتمعات الاوروبية المشية عند الطبيب النفساني ضرورية جدا وعادية ..
نهى : هههه واخا الالة ..
هاجر: عرفتي اخر الاخبار ..
نهى : شنو ..
هاجر : نهار الاثنين محكمة عمر ..
نهى : 😳
هاجر: شنو .. بقا فيك ؟ المفروض هادا اللي قتل والديك ..
نهى : 😢 ..
هاجر: غاتحضري ..
نهى : منظنش .. مغانتحملش ..
هاجر: يالله خلينا نزلو عند الجدة نتعشاو .. شوفي صاوبي داكشي اللي خسرتيه وعرضي على حاتم غدا الغدا ..
نهى : واخا ..
الخطيئة - الحلقة الثامنة عشر ..
تأليف دودي العيساتي
تعشاو هاجر ونهى والجدة ورامي .. وكملو عشاهم .. مشات بعد ذلك هاجر بحالها وبقات نهى كتفكر فداكشي اللي قالت ليها نهى خدات التلفون واتاصلات بحاتم ..
نهى : الو ..
حاتم : نهى لاباس ؟
نهى : الحمد لله ونتا ..
حاتم : لاباس..
نهى : كنعتذرليك على داكشي اللي وقع ليوما .. وحيت خسرتليك الويكاند ..
حاتم : المهم تكوني نتي مرتاحة .. ومنكونش انا السبب ..
نهى : لا .. بغيتك تجي غدا تتغدا معانا الى معندك ميدار..
حاتم : نتي واش باغاني نجي ؟
نهى : اكيد .. هاد الانفيتاسيون مني انا
حاتم : اذا غادي نجي ..
نهى : شكرا ليك .. اذا نتلاقاو غدا
حاتم : شكرا ..
سدات المكالمة مع حاتم وناضت علمات جداتها والخدم .. وطلعات لبيتها تنعس ..
صباح يوم الاحد .. فاقت بكري ونزلات فطرات .. وعلمات الخدامات اش غايصاوبو للغدا... ومشات لعند جداتها صاوبات ليها حوايجها ..
الجدة : شفتك ليوما ناشطة ومتحمسة ..
نهى : اكيد اجدة حيت السي حاتم غايجي يتغدا معانا ..
الجدة: الله يجعلو من نصيبك ابنتي ..
نهى : هه هاد الهضرة مازال الحال عليها اجدة ..
الجدة: (شدات فيديها) بنتي .. نتي مازال صغيرة .. مبغيتكش تدفني شبابك .. عيشي حياتك .. وبغي من جديد .. نتي ماشي اول ولا اخر وحدة كيوقع ليها هادشي .. ولكن الحياة عطاتك فرصة اخرى .. استغليها .. عيشي حياتك ابنتي .. عفاك..
نهى: واخا اجدة .. يكون خير ..
طلعات نهى لبيتها توجد راسها .. بعدما اشرفات على العدا وعلى تزيين السفرة .. دازت على بيت رامي لقاتو مازال ناعس .. حلات عليه الستارة ..
نهى: فيق .. واش غاتبقى ناعس .. فيق راه عندنا الضياف ..
رامي : اااوف خليني ننعس
نهى : نوض ياهاد المخمول .. نوض ..
رامي : اشكاين ..
نهى : نتا راجل الدار دابا .. وخاصك تكون معانا مللي بجي شي ضيف
رامي : واخا .. هانا نايض ..
نهى : يخلي ليا هاد الزين ..
مشات نهى لبيتها وتزينات .. ولبسات احسن ما عندها .. صاوبت شعرها .. حتى سمعات صوت الطوموبيل ومشات طلات .. لقات حاتم وصل .. فرحات ونزلات تستقبلو ..
دخل حاتم وحل فمو فجمال البنت اللي كتستناه .. دخل وهو هاز بوكي دالورد ..
نهى : مرحبا بيك ☺️
حاتم : شكرا .. تفضلي هادا ليك .. عربون اعتذار على داكشي اللي صدر مني البارح ..
نهى : شكرا بزاف .. تفضل ..
دخل حاتم ولقا الجدة على كرسي متحرك وهي في استقباله .. باس يدها بكل لباقة ..
حاتم : كيدايرا الالة .. نتمنى تكون صحتك بخير
الجدة : الحمد لله اولدي .. انا بخير .. تفضل ...
نهى : سهام عفاك عيطي على رامي
سهام : واخا الالة
جلسو وبداو يهضرو .. طول الوقت حاتم مهزش عينيه على نهى .. ناضو يتغداو وبقاو يهضرو ..كملو العراضة واستأذن حاتم يمشي خرجات معاه نهى ..
حاتم : انا فرحان بزاف حيت عرفتيني بعائلتك ..
نهى : حتى انا .. شكرا بزاف حيت قبلتي تجي .. وبغيت نعتذرليك على الموقف اللي درت البارح .. الصراحة معرفتش شنو طرا ليا .. نتا مدرتي حتى حاجة خايبة تخليني نتصرف هاكاك .. بالعكس ..
حاتم : نهى.. كما قلتليك انا عمري ما عطيت فرصة لشي مرأة تكون فحياتي .. ولكن نتي .. منكدبش عليك .. استوليتي ففترة قصيرة على تفكيري ..
نهى : حاتم ..
حاتم : عفاك خليني نكمل .. انا مقدر الضروف الصعيبة اللي دازت عليك .. ولكن عفاك عطيني فرصة نعاونك ونكون بجنبك .. ونتجاوزو هادشي بجوج بينا .. عفاك .. خليني نكون معاك .. انا عمري رغبت شي بنت ..
نهى : واخا 😔
حاتم : 😄 كنشكرك بزاف .. كنواعدك نكون ليك الامن والامان .. والحب ..
نهى : 😊
الخطيئة- الحلقة التاسعة عشر
تأليف دودي العيساتي
دخلات نهى وهي فرحانة بعدما مشا حاتم ولقات الجدة فانتظارها ..
الجدة: ها .. شنو قالك ..
نهى : والو اجدة .. غا ودعني ..
الجدة : كل هاد الوقت كيودعك ههه
نهى : ههه لا
الجدة : شوفي ابنتي .. هاد السيد باينة فيه ولد الناس وغادي يتهلى فيك .. متضيعيهش من يديك
نهى: هادا رأيك..
الجدة: اكيد ابنتي .. راجل كامل ومكمول .. اش باغا كتر ..
نهى : يكون خير
الجدة: بغيت نفرح بيكم قبل منموت .. بغيتك تفرحي ونشوف ولادك ..
نهى: الله يطوليا فعمرك اجدة
الجدة: الله يفرحك ابنتي
الغد ليه ناضت نهى وبدلات حوايجها وصاوبت الميكاب ديالها نزلات تفطر مع جداتها
الجدة:صباح الخير ابنتي كيصبحتي
نهى: بخير اجدة ونتي كيبقيتي
الجدة: بخير ابنتي مادام كنشوفك نتي بخير
نهى: يخليلي هاد الزين
الخدامة: لالة نهى شي حد كيسول فيك
نهى: قوليلو يتفضل
دخل واحد الراجل
الراجل: لالة نهى
نهى: هي هادي
الراجل: هادا اشعار من المحكمة تجي كشاهدة فقضية عمر الخالدي ليوما مع 2h
نهى: 😓 اوك
مشا الراجل وبقات نهى مع الجدة
الجدة: غادي تمشي ؟
نهى : منعرف
الجدة : انا مازال مقادراش نستوعب ان عمر ممكن يدير هادشي
نهى: ولا انا استوعبت
الجدة : نوضي ابنتي سيري لخدمتك
نهى : اه تعطلت تهلاي اجدة
الجدة: الله يغطيك بالرضا ابنتي
مشات نهى لخدمتها وبقات كتفكر فعمر حتى فاجأها حاتم
حاتم : صباح الخير بالاميرة
نهى: صباح النور
حاتم : مالك 😳
نهى : والو ليوما محاكمة عمر
حاتم : وشنو اللي معصبك فهادشي
نهى : والو غا فكرني بداكشي اللي وقعلي
حاتم : متخافيش غاياخد الجزاء ديالو
بقاو كيهضرو وتقريبا نهى ممركزة مع والو حتى مشا ورجعات لخدمتها .. جا عندها مع الغدا
حاتم : وقت الغدا هادي .. مغاتمشيش الاميرة تتغدا ؟
نهى : اه غانمشي
حاتم : يالله نوضي الغدا على حسابك ليوما ههه
نهى : هههه واخا
تغداو نهى وحاتم وطول الوقت بالها مشغول وكتفكر حتى رجعو للخدمة
جلسات شوية شافت فالساعة لقاتها 2h
ناضت ومشات بتردد حتى وصلات للمحكمة ودخلات رجليها كانو كيرجفو شافت فعمر اللي كان مور القضبان شافت وتصدم وبقا كيشوف فيها ومحيدش عينيه مشات وجلسات وحنات راسها
القاضي : عمر الخالدي متهم بتدبير وتفجير فندق وقت اكثر من 300 شخص
بقات كتستمع للمحامي وكتشوف فعمر اللي طول الوقت محيدش عينيها منو
القاضي: عمر شنو اقوالك
عمر: 😔 انا بريئ ومقتلت حد
المدعى العام : سيدي القاضي .. كاميرات المراقبة فالفندق رصدات عمر وهو داخل وفيده حقيبة وهي نفس الحقيبة اللي لقاوالشرطة بقاياها واللي كانو فيها المتفجرات على حسب الخبرة اللي تدارت عليها .، دخل وحطها وخرج بدون حقيبة .. هذا دليل على ان النية الاجرامية كانت عندو لذلك اطالب بتنفيذ اقصى العقوبات على المتهم وهي الاعدام
القاضي: نادي على الشاهدة نهى القايدي
ناضت نهى وهي كترعدوقفات قدام القاضي
القاضي: اش كتعرفي على عمر
نهى : عمر صديق طفولتي
القاضي: عمرك شفتي شي حاجة ولا بانليك شي تصرف او تهديد منو .. وفنظرك شنو الدافع اللي خلاه يقتل عائلتك وفنهار عرسك
شافت فيه لقاتو كيشوف فيها بتمعن ومحيدش عينيه منها ورجعات هضرات
نهى: انا .. منظنش انه هو اللي دارها ومنتيقاش انه عمر ممكن يقتل .. عمر اللي كنعرف انا مكيقتلش
شافت فعمر لقاته كيتنفس بالجهد وكيضحك ليها رجعات لبلاصتها وكتستنى الحكم وطول الوقت عمر مشاف فحتى حاجة من غيرها كأن حكم براءته نفذ ملي سمع ديك الجملة من نهى..
القاضي : الحكم بعد المداولة
تأليف دودي العيساتي
0 Commentaires