الخطيئة - الحلقة الثالثة عشر
تأليف دودي العيساتي ..
تصدمات وهي كتشوف صورتها منقوشة فحائط الغرفة وخصوصا جهة رأس الناموسية ... اي ان عمر كان كيحل فيها عينيه كل صباح .. وكان كيغمض عينيه عليها بالليل .. يالله اش هادا .. عمر حتى لهاد الدرجة كان مهووس بيا .. عليها ماخداتوش بأمير رحمة وقتله .. 😭
- لالة نهى اش كاديري هنا ..
تفزعات نهى .. وتقلبات لقات موراها الخدامة .. مسحلت دموعها بسرعة وقالت ..
- والو .. سدي الباب موراك ..
خرجات بسرعة ومشات .. بقات كتفكر فالصورة .. علاش اعمر علاش ..
الصباح فاقت بكري وصاوبات راسها كالعادة لبسات لباس كلاس كسوة حد الركبة بالصماطي بيضاء.. وجمعات شعرها كوب شوفال .. ودارت القصة .. دارت مكياج خفيف وعكر ماط حمر .. وكعب عالي .. دارت بارفان ديالها المفضل دوتش ان كابانا ..خدات سوارت طوموبيلتها وخرجات .. المعركة قوية وخاصها تربح فيها .. نزلات لقات الفطور جاهز ولكن حتى واحد لا الجدة ولا رامي معاها تما .. شربات الحليب وخرجات .. ركبات فطوموبيلتها وبقا كتفكر .. عقلها غادي ينفجر بقوة التفكير .. حمل كبير وتحلاح عليها بين ليلة وضحاها .. وصلات للشركة .. للي كانت كتمشي ليها على اساس ديال امير بوحده ولكن تشتتات وانقسامت دابا .. دخلات ورجليها كيترعدو تلاقات المحامي رشاد ..
رشاد : اهلا لالة نهى لاباس عليك ..
نهى : الحمد لله استاذ.. بغيتك حقا فواحد الحاجة الى سمحتي ..
رشاد : اكيد تفضلي اجي نجلسو فالبيرو ديالي
نهى : بغيت تترافع على واحد السيد محبوس .. وانا غادي نتكفل بالمصاريف ديالك
رشاد: بكل فرح .. شكون هو هاد السيد ..
نهى: عمر الخالدي ..
رشاد : شنو 😳 ولكن ..
نهى : متخافش انا اللي غانخلصك ..
رشاد : ولكن اللي مفهمتوش هو ان هاد الراجل هو السبب فموت امير .. كيفاش غاتوكليلو محامي وهو اللي قتل والديك ..
نهى : لاسباب شخصية .. وزايدين هما معندهمش باش يديرو محامي .. انا غانتكفل بيه
رشاد: واخا واش نتي عارفة انهم خاصهم يديرولي وكالة ..
نهى : بغيتك تدافع عليك باش يخفو عليه الحكم ما امكن .. وبغيتك تجيبلي كل تفاصيل القضية .. يعني كيفاش دار عاكاك وشكون عاونو ..
رشاد : ولكن واش نتي عارفة ان القضية صعيبة بزاف وثابتة الجريمة فحقه .. يعني على الاقل غادي يتحاكم بالمؤبد
نهى : انا تايقة فيك .. وعارفاك عند حسن الظن..
رشاد: كنتمنى منخيبكش .. غانحاول ..
نهى : كنشكرك بزاف ..
ناضت نهى وخرجات من البيرو ديال المحامي في اتجاه البيرو ديال هاجر ..
هاجر : صباح الجمال اش هاد الزين ..
نهى : فين حاتم ..
هاجر : راه لداخل ومعاه اللي متتسمى ..
نهى : شكون
هاجر : christina alvano
نهى : فهمت ..
تنفسات بعمق وقالت ..
نهى : فين البيرو ديالي ..
هاجر: نهى كما اتافقنا متخليهاش تكسرك ..
نهى : واخا .. 😪
هاجر: اجي نوريك البيرو ديالك وعندي ليك اخبار زوينة ..
نهى : شنو هي فرحيني حيت مليت الاخبار الخايبة ..
هاجر: الالة البارح مللي مشيت جا عندي حاتم بقا كيسولني عليك
نهى : عليا انا ،؟
هاجر: فرحي الالة هادشي كيعني انه معجب بيك .. هاكا نبغيك خاص متخليهاش تغلبك ..
نهى: انا هاد الحرب عياتني من دابا ..
هاجر : لا لا لا وايااك .. متخليهاش تغلبك ..
نهى : غانحاول ..
دخلو للبيرو ولقاوه زوين ..
هاجر: ميسيو حاتم ختارليك احسن بيرو فالشركة .. هادا دليل على انك اثرتي عليه ..
نهى : ففف مخنوقة ..
هاجر: نهى شنو اتافقنا ..
نهى : واخا صافي ..
هاجر: هاكا نبغيك .. غانخليك دابا نمشي نشوف خدمتي ..هانتي هاد الملفات وجدتهم ليك باش تعرفي نصيبك شحال وتكوني متابعة لكل جديد
نهى : اوكي ..
مشات هاجر وبقات نهى مع الملفات .. اللي مفهمات فيهم حتى زفتة .. شوية دخلات عندها اخر وحدة كانت باغا تتلاقاها .. كريستينا ..
كريستينا : بونجوغ ..
نهى : 😳
تأليف دودي العيساتي
الخطيئة- الحلقة الرابعة عشر ..
تأليف دودي العيساتي
الحوار بالفرنسية ..
نهى : شنو بغيتي ..
كريستينا : انا مابغيت والو نتي اللي باغا ..
نهى : انا مقربتش منك ..
كريستينا : قربتي .. وكنتي ديما فالوسط بيني وبين امير .. مع اني عطيتو حياتي .. وولدت منه ولد .. ولكن هو خاني معاك نتي ..
نهى : هاد الهضرة انا اللي خاص نقولها .. ياك دابا امير مات اش جايا باغا مني مازال ..
كريستينا : تتنازلي على حقك فالشركة ..
نهى : كتحلمي ..
كريستينا : غادي نشوفو .. شكون فينا اللي غاتمشي ..
نهى : خرجي برا ..
خرجات كريستينا وجلسات نهى معصبة وشدات على راسها .. علاش كلشي تقلب فجأة .. كلشي هاجر عندها الحق خاصني نشد معاها .. حنا فحرب .. وحرب كبيرة ..
شوية دق الباب حاتم
حاتم : لالة نهى .. تبارك الله عليك ..
نهى : السي حاتم .. شكرا ليك
حاتم : الى مفهمتيش شي حاجة انا هنا نكون معاك
نهى : الصراحة مفهمت حتى حاجة 😅
حاتم : ولا عليك .. انا غادي نفهمك .. شوفي الالة هاد الملف فيه الايرادات ديال الشركة وهادا فيه الصادرات ..
بقا حاتم كيشرح لنهى وهي كتسمع ليه .. كيفاش هو جدي فالخدمة وفنفس الوقت لبق حتى هاد الدرجة ..بقات سرحانة فيه وهو كيشرح ليها .. حتى فاجئها الصوني ديال التلفون ديالها
نهى : ام ب سمحلي غانجاوب .. هادي الخدامة .. الو وي سلمى.. شنو .. 😱
حاتم : شنو كاين ... 😳
نهى: هاني جاية فورا وغانجيب الطبيب معايا ..
حاتم : اش واقع قولي ..
نهى: جداتي جاتها لاكغيز 😭
حاتم : انا غانتاصل بطبيب كنعرفو متخافيش ..
خرجو بسرعة حاتم ونهى .. وفالطريق اتصل حاتم بطبيب كيعرفو ..قالو حاتم غادي ندوز عندك ناخدك للفيلا معانا وفعلا .. داه معاهم ..دخلو للفيلا .. وفحص الطبيب الجدة اما نهى بقات كتبكي..
نهى : الله ياربي الى وقعات ليها شي حاجة انا غانموت ..
حاتم : متقوليش هاكاك .. دابا تولي لاباس ..
الطبيب : متخافوش غاتولي لاباس .. ولكن ضروري خاص تاخد دواها بانتظام .. حيت هادشي وقع ليها بسبب اهمالكم ليها .. خليوها ترتاح دابا غاتولي مزيانة ..
خرجو من البيت ..
حاتم : كنشكروك ادكتور على مجهودك ..
الطبيب: ولو هاذا واجبي .. اهم شيء تتهلاو فيها ومن الافضل تجيبولها ممرضة تقابلها ..
حاتم : ان شاء الله ..
الطبيب : خليتلكم الراحة ..
خرج الطبيب .. وجلسات نهى وحاتم ..
نهى : تشرب شي حاجة ..
حاتم : متنسايش باللي تابعاني الخدمة ..
نهى : السي حاتم انا اسفة بزاف .. اول نهار ليا فالخدمة وو..
حاتم : متكمليش .. خليك مع جداتك ليوما .. وغدا نتشاوفو .. ولكن بغيت نعرف علاش ماجبتيش لجداتك ممرضة ..
نهى : قبل كانت مقابلاها خالتي الضاوية.. ولكن من نهار مشات ملقيتش اللي يفهمها ..
حاتم : يمكنلي نجيبلك ممرضة كنعرفها موثوق فيها تقابلها ..
نهى : معرفتش كيفاش غانشكرك ..
حاتم : متحتاجيش تشكريني .. هادا واجب .. انا غانصيفطهالك ليوما .. يالله بالسلامة عليك
نهى : بالسلامة
مشا حاتم وبقات نهى مع جداتها .. باست ليها يدها .. جدة عفاك متخلعينيش عليك .. انا مبقا ليا حد فالدنيا من غيرك ..
بقات نهى فالفيلا حتى جا خوها من المدرسة .. وجلسو يتغداو .. بعد الغدا جات واحد السيدة ..
نهى : مرحبا بيك نتي هي الممرضة اللي صيفطك حاتم ..
جوديا : انا جوديا .. تشرفت بيك .. متخافيش ان شاء الله غادي نوقف مع الحاجة ..
نهى : غادي نكون ممنونة ليك بزاف .. ومتخافيش حسبي راسك فدارك .. ومغايخصك حتى خير
بقات الممرضة مع الحاجة وبقات كتهلا فيها .. الغد ليه ناضت نهى ووجدات راسها نزلات عند جداتها
نهى : صباح الخير
الجدة : صباح الخير ابنتي ..
جوديا : صباح الخير
نهى : كيبقيتي احبيبة ..
جوديا : الحاجة ليوما راها مزيانة فطرات وهاهيا فأحسن حالة
الجدة: انا بخير ابنتي متشطنيش عليا
نهى: الحمد لله .. كنشكرك بزاف اجوديا حيت كتهلاي فيها..
جوديا : هادا واجبي ..
خرجات نهى ومشات للخدمة .. دازت عند حاتم ..
حاتم : صباح الخير .. كيبقات الحاجة ..
نهى: مزيانة .. كنشكرك بزاف على الممرضة فعلا هي فالمستوى ..
حاتم : كيسعدني هادشي ..
نهى : غانخليك انا دابا نمشي نشوف خدمتي ...
حاتم : نهى .. الى معندك والو فالغدا واش ممكن نتغداو مرة ليوما ..
نهى : كيشرفني هادشي ..
حاتم : نتلاقاو اذا فالغدا ..
خرجات نهى ومشات للبيرو ديالها .. لقات تما هاجر..
هاجر: هاي هاي هاي الناس تقربو بزاف من pdg
نهى : غا سكتي وتشوفي شوقع البارح ..
هاجر: شنو وقع ..
نهى : جدة جاتها لاكغيز .. مشا معايا حاتم وعيط للطبيب .. عتقناها .. وصيفطلي ممرضة تبقى معاها ..
هاجر: على سلامتها .. ولكن اش هادشي تقدمنا بزاف .. كريستينا معدرها غاتموت بالفقصة .. نتي دغيا طيحتي الحوت الكبير ولايني منتيش ساهلة ..
نهى : ونزيدك عرض عليا الغدا ليوما ..
هاجر : متقوليهاش .. نتي خطيرة
نهى : متستاهنيش بصاحبتك ..
شوية دخل المحامي لعند نهى
رشاد: مدام نهى ممكن نهضر معاك شوية ..
هاجر: المهم احبيبة انا غادية دابا نتلاقاو من بعد
نهى : استاذ كاين شي جديد ..
رشاد: عائلة عمر دارولي وكالة .. واطلعت هلى ملف القضية ولكن للاسف القضية صعيبة بزاف .، وماشي بعيد القاضي يحكم عليه بالاعدام ..
نهى: لا 😳 عفاك دير مجهودك معاه .. مبغيتش يضيع .. هاداك مهما كان عمر.. واخا اذاني .. انا مازال حاسة انه كاينة شي حاجة معارفاهاش
رشاد : لالة نهى .. الكاميرات صوراته وهو هاد شي صاك فيدو ومللي خرج ،. مكانش فيدو ..
نهى: عفاك دير مجهودك.. عفاك
رشاد : واخا غانحاول على قبلك ...
تأليف دودي العيساتي
الخطيئة - الحلقة الخامسة عشر
تأليف دودي العيساتي .. بقات نهى خدامة حتى وصلت وقت الغدا .. لقات حاتم جاي عندها
حاتم : مم واش ماغانوضوش ..
نهى: هه هانا واجدة ..
حاتم : خلينا نمشيو ..
جاو خارجين وهي تلقى ليهم كريستينا ..
كريستينا( بالفرنسية) : سي حاتم محتاجاك
حاتم : بعد الغدا ...
نخلها ومعطاهاش وقت .. الجيست اللي خلى نهى تحس بانتصار كبير .. مشات ركبات مع حاتم ومشات لمطعم فاخر ..
حاتم : شنو حابة تاكلي ..
نهى : الحوت ..
حاتم :طلبو الغدا وجلسو يهضرو ،.
نهى : بغيت نسولك ..
حاتم : تفضلي ..
نهى : من امتا ونتا شريك لامير ..
حاتم : شحال هادي .. انا وامير تلاقينا فواحد النادي عرفنا صديق مشترك لينا .. ولقينا ان مميزاتنا بحال بحال وغادي نقدرو نديرو خدمة زوينة ..
نهى : عمر امير معاودلي على هاد القضية ..
حاتم : امير هاكا مكانش يحب يدخل الخدمة فالحياة الشخصية ..
نهى : اه بالصح .. واش كنتي حاضر نهار العرس
حاتم : لا كنت مسافر وحزنت بزاف لداكشي اللي وقع .. امير راجل مزيان بزاف ميستاهلش داكشي اللي وقع ليه ..
نهى : اه 😢
حاتم : فخباري باللي مول الفعلة كان قاصد ينتقم منك نتي ..
نهى : انا لحد اليوم ممتيقاش ..
حاتم : (حط يدو على يد نهى)متحزنيش.. نتي معندك حتى ذنب فداكشي اللي وقع ..
نهى: اه ولكن بزاف دالناس ماتو فداك الوقت ..
حاتم : اجلهم تسالا.. متحمليش راسك فوق طاقتها .. شوفي ..شوفي شنو رأيك نمشيو ندوزو الويكاند فالمزرعة عندي .. غانركبو الخيل باش تريحي اعصابك ..
نهى: ولكن مسؤولياتي كثيرة .. وجدة ورامي ..
حاتم : رامي يمكنليه يجي معانا .. جدة معاها الممرضة متخافيش .. نفسك ليها عليك حق .. متنسايهاش ..
نهى: واخا انا موافقة ..
حاتم : انا غاندوز عليك الجمعة بالليل باش ندوزو الويكاند كله تما ..
تغداو حاتم ونهى ورجعو للخدمة .. كل واحد مشا للبيرو ديالو..
نهى : هاجر حبيبة ..
هاجر: علاياش هضرتو عاوديلي ..
نهى : عندي ليك خبر الى سمعاتو كريستينا غاتسخف وهي واقفة ..
هاجر: قولي .. 😃
نهى : حاتم عرض عليا ندوز معاه الويكاند فالمزرعة ديالو ..
هاجر: متقوليهاش .. عرفتي ديك المزرعة كلشي كيهضرو عليها .. سمعت كيقولو عليها راه كبيرة بزاف ...
نهى : هانتي تشوفي ..
هاجر: بصحتك احبيبة .. هاكا نكونو غلبنا كريستينا بالبارد ..
نهى : واه ..
سالات نهى خدمتها وخرجات مشات لدارها بطوموبيلتها ..
الاسبوع داز بسرعة ونهى مرة كتمشي لمشاريع والديها ومرة فالشركة وحاتم كل مرة يجي عندها ومهتم بيها .. لدرجة كلشي عايق بيه وبنظراته لنهى ..
وصل يوم الجمعة واللي فيه نهى سالات الخدمة ووجدات راسها باش تمشي تدوز الويكاند فالمزرعة .. رامي مبغاش يمشي معاها بحجة انه متافق يدوز الويكاند مع صحابه .. طمائنات على الجدة .. وخرجات لقات حاتم كيستناها .. ركبات معاه وهي فرحانة .. مشاو باتجاه المزرعة .. بعد طريق طويل وصلو للمزرعة اللي كما وصفاتها هاجر كانت كبيرة بزاف .. وصلو بعد غروب الشمس تقريبا .. دخلو وبقا نهى مبهورة بجمال المكان ..
حاتم : تفضلي انا طلبت من الخداما يوجدو لينا العشا .. اكيد تكوني عيانة بالطريق
دخلات نهى وفعلا لقات العشا واجد .. جلسو وبداو يتعشاو .. وكيهضرو بقاو هاكاك حتى جاهم النعاس .. ورا لنهى بيتها ودخلات تنعس بعدما ودعاته .. دخلات تنعس وهي كتفكر فمعاملة هاد الشخص ليها .. اكيد مكتبغيهش ولكن هي معجبة بزاف بيه .. معقول انه يعوضها على داكشي اللي شافته من عذاب.. معقول يكون هادا هو طوق النجاة بالنسبة ليها .. اش هادشي كتفكري فيه انهى هو مقال والو علاش عقلك مشا بعيد ..
الغد ليه فاقت نهى بكري .. دوشات وبدلات حوايجها .. نزلات عنده لقاته كيفطر
حاتم : صباح الخير ..
نهى : صباح النور ..
حاتم : نعستي مزيان ..
نهى : اه بزاف ..
حاتم : يالله الالة فطري باش نقولك شنو هو البروجرام ديال اليوما ...
نهى : بروجرام ههه
حاتم : طبعا كل شيء فالحياة لابد يمشي بالتخطيط ..
نهى : ولكن انا عمري خططت لشي حاجة فحياتي .. ونهار خططت راك شفتي شنو وقعلي ..
حاتم : اولا بغيتك تنساي داكشي اللي فات حنا ولاد اليوم .. ثانيا تخطيط ديالي غايعجبك بزاف .. خليك معايا ومغاتندميش ..
نهى : ههه واخا اسيدي شنو هو البروجرام ديالك
حاتم : نمشيو نركبو الخيل.. غايعجبوك بزاف .. انا اللي مروضهم بنفسي .. من تما نتغداو وفالعشية نعومو فالبيسين .. ندوزو فيه العشية ونشربو شي حاجة .. وبعدها غانتعشاو ونتفرجو شي فيلم وننعسو .. شنو بانليك ..
نهى : خهههه انا الى درت هاد البرجرام ديالك غادي يخسرلي الريجيم وغادي نغلاظ .. كله ماكلة
حاتم : نتي زوينة في كل الاحوال ..
ارتبكات نهى وولات حمرا .. 😳
حاتم : احم ساليتي الفطور ؟ شنو رأيك نوضو نبداو البروجرام
نهى : اه ساليت ..
تأليف دودي العيساتي
0 Commentaires