الجزء 62
اكدت على لمياء انها الا خبرات ياقوت بشي حاجة غادي ندمها بقيت كنستنا التحاليل يخرجو وطول هاد المدة مقربتش من الولد ... خفت .. خايف لا يكون ولدي .. واني كنت فعلا غانتسرع .. شحال وانا نخطط وكنستنى ياقوت تولد .. حتى ولدات وخطفتو .. فاللخر نكتشف انه ولدي .،. مجرد التفكير فالموضوع كيمرضني .. انا غاننتقم من كاع ولاد لاس فيغاس اللي وصلوني لهاد الحالة .. بقيت كنهضر بوحدي حتى جاتي اتصال من خويا ..
- خويا لاباس عليك .،
- اه لاباس .. بقيت نجي عندك لمقر شركتك .. انا راني فامريكا ..
- ان ان .، اه واخا فينك نجي عندك انا .. حيت عندي فالشركة شي اشغال ترميم ..
- واخا .. اذا اجي نتا .. غانعطيك العنوان ..
جاني غريب هاد المجي المفاجئ ديال خويا هادي اللي مدرت ليها حساب ..
سنان نتا خاصك توجدلي شي شركة .. باش نوريها لخويا ويتيقني ..
- اوكي ..
مشيت للعنوان اللي قالي خويا لقيتها برطمة .. دخلت .. وسلمت ولكن شوفاته غريبة بزاف فيا ..
- عرفتي اخويا .. قد ما كنت فرحان اني نتلاقاك .. قدمت ندمت .. يا ريت خليت فبالي عليك ديك الصورة الجميلة اللي كانت فبالي .. مللي كتشفت دابا انك ذبيغ بوص ..
- 😱 خويا انا ..
ضربني بونية وانا بحال شي مشلول مقدرتش نردها عليه .. كأني كنت محتاجها باش نفيق ..
بقا كيضرب فيا ..
- علاش علاش ..
- نتا عشتي فحضن باك .. ماشي بحالي فالزنقة .. نتا مخداوش منك العصابات اعز انسانة واللي كنتي عايش على قبلها .. نتا مكليتيش فالزنقة وقريتي فالمدرسة .. ومتكرفصتيش بحالي .. شنو كنتي باغيني نخرج امام ديال الجامع مثلا ..
بقيت كنخطب وكنخرج غدايدي .. اما هو بقا كيسمعني .. وانا زايد كنهضر والدموع كينزلو .. جا عندي وشد راسي وعنقني ..
- غانعاوني نقضيو عليهم ونشدوهم
- انا معاك اخويا .. غانعاودليك كلشي ..
- مزيان .. وبغيت حاجة اخرى.. بغيت نكون لبيغ بوص ونتا غاتختفي.. باش نقدر نوصل ليهم ..
- ولكن ..
- شنو ..
- سنان ولمياء .. كانو ديما مخلصين ليا .. مبغيتكش تآذيهم .. هما اصدقاء ليا ماشي مفيوزيين ..
- عتق غا راسك ..
- انا في كل الاحوال كنت غانتوب .. سميرة هي راس الحرباء .. كنت قريب نوصل ليها ونطيحها ..
- وكيفاش غادير ليها ..
- فادي دراعها ليمن .. كيعرف عليها الصغيرة ولكبيرة من نهار بدات .. وقالي عليها حوايج خطيرة بزاف ..
- مزيان انا بغيت نشوفه ويعاودلي كلشي ..
- حاجة اخرى ..
- شنو عاود
- ياقوت .. اللي هي بنت سميرة .. واللي خطفاتها مني مللي كنا صغار .. فادي غايعاودلك كلشي عليها .. حتى هي مبغيتش تتآذى .. اما راجلها وباه .. بالي بيهم ،.
- اي اوامر اخرى الشاف ..
- مقصدتش .. ولكن مللي غاتعرف الحقيقة غادي .. تعرف هادشي اللي كنقولك ..
- دابا نشوفو .. اما دابا خاصك تمشي تغبر .. سير سكن مع بابا.. ومنبغيكش تخرج من تما ..
- نستناو واحد عشر ايام .. 😪ً
- علاش عاود تاني
- باش نعرف واش اللي ولدات ياقوت ولدي ولا لا..
- معندناش الوقت .. ديه معاك وانا غانقولك النتيجة ..
- واخا 😖
تأليف دودي العيساتي وجوهرة مريم
0 Commentaires