الجزء 61
داني النعاس .. وانا كنحلم بليث شاد ولدنا بين يديه .. وكيعنقني وفرحان .. شوية كنسمع الغوات مستوعبتش .. فقت لقيت مازن كيغوت برا .. نضت بسرعة مفهمت والو .. شفت حدايا مالقيتش ولدي .. نضت بشوية وانا ماقادراش .. شديت فالحيوط حليت الباب .. لقيت مازن كيهضر بالانجليزية ..
- انا غانخرج عليكم .. اشمن امن عندكم فالمصحة ونتوما مخليين شفارة ومختطفين يدخلو هنا .. الى ملقيتوش ولدي انا غانقتلكم كلكم
- السي مازن تهدن .. حنا علمنا البوليس .. وغادي يلقاو الولد ..
- ولدي تخطف واش المختطف غايتسناكم نتوما ..ويلا وقعات لولدي شي حاجة اقسم بالله اني مغانرحمكمش..
ولدي 😱 .. ولدي ..
تلفت عندي مازن جا بدا كيهدن فيا وكيقولي متخافيش حنا غانلقاوه .. محسيت حتى لقيت الدنيا كتضور بيا ... وانا نطيح ..
عند ليث :
الرجل : سيدي درنا المهمة كما امرتينا والولد بين يديكم
ليث : مزيان معندي ميتسال ليكم .. اجي يا الغالي .. يا ولد المرا اللي عدباتني .. بكي احبيبي بكي .. نتا مغاتعاودش تشوف ماماك مرة اخرى .. عرفتي علاش .. حيت هي مرضاتش بيا .. وماشي انا اللي نرضى تلعب بيا مرا .. انا غانشحفها عليك ومغانردكش ليها ..
سنان : شكون هاد الولد بوص
ليث : جيبليه شي وحدة تتهلا فيه .. ولا لمياء .. عرفتي شنو لمياء لا .. حيت نخاف تردو لمو حيت صحابات ..
سنان : ولد من هادا ؟ واش غادير بيه .. واش غاتربيه
ليث : انا نربي ولد مازن ؟.. لا .. انا غانديه لشي براكة ونحطو .. يكبر فالزنقة كما وقع معايا .. باش نذل والديه .. اللي مارضاوش بحياة التشرد اللي عشتها انا ..
سنان : خطفتي ولد ياقوت 😱ً
ليث : ولد ياقوت من راجل اخور ..
لمياء : لا هاداك ولدك نتا
ليث : اش كاديري هنا .. ومن امتا ونتي كتصنطي علينا ..
لمياء : من البداية .. كيفاش قدرتي تخطف ولد المرا اللي وهباتك نفسها .. هاداك راه ولدك نتا .. ياقوت كانت حاملة منك .. وزواجها بداك الراجل غا على الوراق
ليث : اش كتخربقي ..
لمياء : كما سمعتي .. عندك تمشي تتهور .. كما تهورتي المرة الاولى ... وتفقد ولدك الى الابد ..
متيقتش هادشي اللي قالت لمياء .. مفهمتش حتى حاجة كيفاش .. وعلاش مقالتلي والو .. وعلاش راها مصرة تبعد مني مادام كلشي كيربطنا .. وعلاش باغا تنسب هاد الولد لراجل اخور مادام هو مني انا .. متعطلتش مشيت للمختبر .. دورت معاهم دارولنا التحاليل اللي خبروني ان النتيجة غاتبان بعد عشر ايام .. اووف بزاف .. كيفاش غانقدر نستنى كل هاد المدة ..
عند ياقوت :
- 😭😭😭😭 بغيت ولدي جيبوليا ولدي .. سميرة اكيد هي اللي خطفاته .. حيت ماباغاش ولد ليث .. حرام عليكم .. ولدي رجعولي ولدي ..
- انا مخطفت حد ..
- نتي اللي خطفتي .. وماشي اول مرة كاديريها .. كما درتيلي فصغري ..وخطفتيني من ليث .. درتيها دابا مع ولدي .. نتي عزيز عليك تفارقي الناس .. عزيز عليك تشوفي الناس كيتعدبو .. انا غانقتلك .. كنقسمليك غانقتلك ..
شدني مازن وبقا كيهدني انا هي خرجات حيت راني فحالة هستيرية ..
- تهدني اجوديا تهدني
- 😠 متبقاش تقولي جوديا انا ياقوت ..
- واخا تهدني عفاك .. انا كنقسمليك الى كان لسميرة دخل فالاختطاف انا مغانرحمهاش وغانشد حقنا منها ..
- ولدي 😭 باقي مفرحت بيك خداوك مني .
تأليف دودي العيساتي وجوهرة مريم
0 Commentaires