الجزء 63
مشيت مع الولد للمغرب .. وخليت مورايا كلشي .. وصلت عند بابا مللي سولني .. قلتله هادا ولدي .. مبغيتش نقوليه والو .. فرح بيه وسبع ليه وسماه حسام .. بقا مونسه حتى جاني الاتصال اللي بقيت كنستناه من خويا اللي اكدلي ان التحليل بين ان الطفل ولدي انا .. ولدي كنت غانلوحك .. الحمد لله ..
فأمريكا
بعدما خدا امير بلاصة ليث وهضر مع فادي على كلشي وعرف الحقيقة كلشي هذا الاخير اللي استغرب ان ليث باغي يعاودليه كلشي من جديد .. اما سنان اختلف معه الامر
- سنان انا باغي نعرف كلشي على ديك سميرة
- حاضر الشاف
- شاف 😳
- 😬 انا عارفك ماشي ليث
- كيفاش حتى عرفتي واش هو اللي قالهالك؟
- لا .. ولكن دوزت عمر مع ليث .. ميمكنش يخفى عليا .. فرق كبير بينكم
- وباش عرفتيني من البوليس
- طول الوقت كانو معروفين عندنا .. كنقراو تصرفاتهم اللي مفروشة .. دوزت خبرة ماشي قليلة مع ليث .. كنا كنعرفو البوليس عليها معمرنا حصلنا فيديهم ..
- غاتعاوني بزاف نتا .. 😉
عند ياقوت
ليلي ولا بحال نهاري .. من نهار خداو مني ولدي .. هو اللي كان مصبرني فهاد الدنيا .. دابا خسرت كلشي ليث وولده .. مكنهضر مع حتى واحد مقابلة غا البكا .. مكناكل مكنشرب .. مبقا لحياتي معنى .. واش غانعيش على امل نلقا ولدي شي مرة .. كما عشت حياتي كنتمنى نرجع نشوف ليث .. الزمن يعيد نفسه .. حتى مازن مابقيت كنهضر معاه ولا حاسباه كاين اصلا .. رغم محاولاته العديدة انه يخرجني من حالتي .. والاطباء اللي ديما كيجيبهم .. الا اني مكنهضر مع حتى واحد منهم وكنكتفي بالغوات جيبولي ولدي ولا خليوني نمشي نقلب عليه .. 😭 انا غانمشي عند ليث نطلبو يقلب على ولده .. يعرف ان ولده تخطف .. هو غايعاوني انا متأكدة ..
عند ليث
ولزي ولا محبوب عند ولاد عمو بزاف كل اسبوع كيجيو عندنا يشوفوه ويلعبو معاه .. انا اللي تكلفت بولدي بوحدي كما تكلفت وانا صغير بأمه .. وكبرتها .. كمل امير المهمة ديالو بالايقاع برجال سميرة .. الا انها تمكنات من الهرب .. اليوم تعرضت انا وولدي عند عائلة جوهرة فكازا .. غانمشيو انا والواليد مشينا ورحبو بينا بزاف .. كما توقعت .. العائلة عايشة الرفاهية .. هاكا زاد اعجابي بجوهرة .. وعرفت شحال كتبغي امير .. اليوما انير غايوصل وكنا فاستقباله .. تعانقنا ورحبو بيه كلشي اما انا كنت متشوق نعرف شنو وقع للعصابة تما .. وواش قدر امير يفضح ويعرف الحقيقة كلها ديال سميرة .. جلس معانا بعدما قال انه بغا يقولينا شي حاجة مهمة .. كلشي كان مركز معاه .. وكيستناه يهضر .. وجه كلامه للجدة ولنسيبه ونسيبته ..
- واش كتعرفو شي وحدة سميتها سميرة ..
ناضت ام جوهرة بعدما تنرفزات مللي سمعات هاد السمية .. اما باباها ولا وجهه حمر ..
الاب : اه .. كانت خدامة عند عائلتنا
الجدة : اش فكركم بديك المرا .. هاديك ماضي وسالا.. جلسي ابنتي ( مخاطبة الام)
امير : للاسف مابقاتش ماضي وسالا .. لانها هي عندها علاقة مباشرة بخطف بنتكم
هضر وشاف فيا .. انا ديك الساعة تخالطو فيا جميع الالوان .. مستحيل يكون داكشي اللي كنفكر فيه صحيح .. يعني ياقوت .. هي اخت جوهرة .. واش انا كنحلم .. رجعت بيا الذاكرة لنهار قالت ليا جوهرة
{- ختي حتى هي تخطفات .. سبحان الله ولدك فيه شبه من ولادي كبير .. }
الاب: كيفاش .. واش سميرة هي اللي خطفات بنتي ..
الام : انا كنت عارفة وحاسة انها السبب ..كنت عارفة انها غاتنتقم مني .. وغاتاخد بنتي حيت كتظن اني السبب فموت الجنين ديالها ..
ليث : اينا جنين ..
الاب : سدو على هاد الموضوع .. المهم دابا خاصنا نعرفو فين هي البنت ..
امير : البنت موجودة .. راها فأمريكا .. مزوجة .. رباتها سميرة بعدما خطفاتها منكم
ليث : 😡😡 لا انا اللي ربيتها
الاب : اش كتقصد ..
امير : ماشي مهم .. المهم هو خاصنا نقذوها من سميرة ..
الاب : واش كنستناو .. خاصنا نمشيو عندها .. واش هي عارفة بهادشي .. عارفة اننا عائلتها
امير : اكيد لا .. حنا خاصنا نعاودوليها كلشي .. ليث واش غاتمشي معانا ..
ليث : لا .. انا غانبقى مع ولدي .. ومتنساوش تخبرو ياقوت انها ولدها كاين هنا معايا
الاب : مفهمت والو .. شي حد فيكم يفهمني شنو كتقصد ..
ليث : اكيد نتا عارف ان سميرة هي عمتنا ..
امير : شنو 😳
جوهرة : 😱
الاب : اكيد انا عارف .. ولكن الاب ديالكم معندو ذنب بداكشي اللي دارتو ختو ..
الام : دمرات زواجنا وخطفات بنتنا وزدتي زوجتي بنتي الاخرى ببنت خوها .. هادشي علاش مكنتش موافقة ..
الاب : قلتلك هاد الهضرة ماشي وقتها دابا ..
تأليف دودي العيساتي وجوهرة مريم
0 Commentaires