الجزء 60
دوزت وقت زوين مع عائلتي .، وجا الوقت نرجع لامريكا .. مكرهتش ندي معايا الواليد .. ولكن مبغاش هو مرتاح بزاف فدويرته الصغيرة.. توادعت مع خويا وواعدت جوهرة اني نزور عائلتها قريب .، ومشيت ..
عند ياقوت ..
رجعت لامريكا هاد المرة للقصر للي عشت فيه طفولتي .. حياتي روتينية بزاف .. وصل وقت الولادة وليت كنحس بألم مستمر فكرشي .. دخلت السبيطار شدوني .. راقبوني باش نولد فأحسن الظروف .. كان معايا مازن اللي متوتر بزاف .. وسميرة .. ولكن انا مكان يهمني حتى واحد منهم .. لوكان معايا ليث اكيد كان غايختلف الامر بالنسبة ليا وغانستقبل ولدي بفرحة مثالية .. ولكن لا .. ولدي غادي نستقبلو بوحدي وبلا باباه
عند امير :
مشيت مع فريق مكون من مجموعة من العملاء السريين والضباط باش نديرو اجتماع للقبض على مجموعة من المفيوزيين اللي كيمارسو نشاطهم بين المغرب وامريكا .. وعلى رأسهم مرا .. كتزعمهم .. هاد المرا خطيرة وضروري من ايقاف نشاطها الاجرامي .. دخلت لقيت التحية الرسمية على الزملاء حتى كنتفاجأ بواحد الضابط امريكي كيوقف مذهول ومصدوم ( الحوار بالانجليزية )
- واش هادا عميل سري عندكم ..
- انا ضابط فالشرطة المغربية .. تشرفت بيك ..
- مستحيل كيفاش حتى معرفتكش ونتا داخل اكبر عصابة دالنصب .. وكيفاش قدرتي تكون بيغ بوص ديالهم ..
- اش كتخربق .. واشمن بيغ بوص .، انا عمري مدخلت لشي عصابة
- مستحيل نتا هو .. الثعلب اللي سميتو جوكي اكبر مفيوزي ورئيس عصابة ..
- جوكي ؟!!؟ انا مفهمت والو ومكنعرف حتى حاجة على هادشي اللي كتقول ..
- مستحيل كل هاد الشبه بينكم .. نتوما متتطابقين بزاف ..
- عندك شي صورة ليه ..
- اكيد حيت هو معروف بزاف فأمريكا حيت طيح ريوس اكبر الاباطرة بالحيل والخدع .. واستولى على فلوسهم .. شوف هادا هو ..
شفت الصورة اللي زعزعات كياني .. مستحيل هادا خويا ليث .. مستحيل يخفى عليا هو ..ولكن واش كيدير وسط العصابات .. واش زعما يكون عميل سري .. ولا بالصح هو مفيوزي .. طحت جالس على الكرسي وحتى واحد مافاهم حتى حاجة .. علاش كدب عليا وقالي باللي هو رجل اعمال .. انا خاصني نبحث اكثر فهاد الموضوع .. مستحيل هادشي .. خويا اللي تسنيت حياتي نتلاقاه .. يصدق مفيوزي 😤
عند ليث
سنان .. انا دابا ولا طريقي باين .. غادي نتخلص من سميرة .. وغادي نكمل هادشي .. وماكايناش عصابة بعد هادشي .، غانسالي من هادشي وغادي نمشي نخدم مع الوليد فالبلاد .. نبدا من الصفر .. ونعيش مع عائلتي بالحلال ..
- هادشي اللي كتقول خطير .. واش بغيتي تضيع كلشي ..
- الا بقات فيك العصابة .. استلم نتا الرئاسة
- لا اصاحبي بلاصتك هادي .. مستحيل بعدما نجحنا غادي نطيحو بسهولة .،
- انا مغانضيعش الفرصة باش نعيش مع بابا الايام اللي بقاولو .. هو محتاجني .. وقبل هادشي كله غاندير واحد الحاجة ..
- اش غادير ..
- ديك الساعة غاتعرف..
عند ياقوت ..
حسيت بالحريق .. حان وقت الولادة .. مازن شاد فيدي .. شوية بدا يزيد الولد غايجي للدنيا ومغايلقاش باباه .. البكا والغوات ديالي كيتسمع ومازن معايا .. حتى ولدت وساليت .. مللي حملت الطبيبة الولد بين يديها .. عطاتولي .. نزلو دموعي وانا هازاه صغير بزاف .. شحال صعيبة تكون الفرحة ديالك ناقصة .. تأليف دودي العيساتي وجوهرة مريم
0 Commentaires