الجزء 53
شكون انا .. الشيء الوحيد اللي راني عاقل عليه فصغري .. الدباز اللي كنت كنسمعو بين والديا .. علاش كيدابزو معرفتش .. لاحوني فالزنقة .. منبعد معقلت علي شفتهم مازال .. كنت كنتمنى نقول ماما .. نقول بابا .. واليوم بعد 31 سنة نعرف اني من عائلة اكتر مرا كرهتها فحياتي .. واللي بسبابها فقدت حب حياتي واللي بسبابها تعدبت واللي نكتشف اني بسبابها تفارقت مع والديا .. شكون هادي واش شيطان .، واش مكتعياش من الشر .. خاصني نشوفها ونواجهها ونعرف علاش دارت هادشي كله علاش .. ماشي صعيبة نعرف طريقها .. حيت هي كتجتمع كل اسبوع بالكلاب ديالها على حسب ما قال فادي .. عرفت طريقها .. ومشيت عندها .. وبسهولة دخلت للبيرو ديالها واللي حتى رجالها مكيقدروش يدخلو ليه .. لقاتني فانتظارها .. دخلات هي وشي بوديكاردات ديالها ..
سميرة : جمعلي الرجال كلهم 😳 نتا ؟؟ اش كادير هنا وكيفاش حتى دخلتي لهنا ..
جاو يشدوني رجالها وانا نقوليها
ليث: جيت نهضر معاك اعمتي ... 😓
تصدمات مللي سمعاتني قلت هاد الهضرة وغوتات عليهم : خرجو كلكم وخليونا بوحدنا .. خرجو فعلا وخلاوني ..
- ولدي .. انا ..
- شوووت .، انا عارف كلشي .. عارف اني ولد خوك .. ولكن اللي بغيت نعرف .. علاش مللي لاحوني الناس اللي رباوني مع انك كنتي شايفاني قدامك . علاش مرجعتينيش لولديا .. علاش محنيتيش فيا ونتي شايفاني كنتعدب .. فالزنقة ..
- ولدي .. نتا قبل متكون ولد خويا راك ولدي .. نتا تولدتي على يديا انا .. وكنت ديما بجنبك .. كنت كنعاونك بلا متحس ..
- خير ما درتي .. والدليل انك حرمتيني وقهرتي قلبي على اكتر انسانة بغيتها فحياتي ..
- ياقوت ماشي ليك .. وخطأ فادي ،. عو اللي جمعكم .. مستحيل نخلي ولد خويا يتزوج ببنت اكبر اعداء ليا ..
- واش مكتعيايش .. واش نتي انسان ولا شيطان .. باراكة كاع الاخطاء اللي درتي فحياتك .. واش ميكفيوش.. هي شنو ذنبها ،. الى غلطو الكبار شنو ذنب الصغار .. وشنو ذنبي انا .. معندك حتى مبرر تبعديني على عائلتي .. ولكن انا غانعرف ناخد حقي منك مزيان .. غانعرف كيفاش غاناخدو .. فين هما عائلتي ..
سكتات ومبغاتش تهضر مشيت شنقت عليها ..
- هضري فين هما عائلتي 😡 ولا اقسم بالله حتى نقتلك هنا ..
- تهدن .. انا غانوريك عائلتك بشرط ..
- نتي ماراكيش فموقف يسمحليك تتشرطي ..
- سمع شرطي هو اللول ..
- دوي ..
- ياقوت .. بغيتك تنساها الى الابد .. مبغيتكش تقلب فماضيها ولا شكون هي ولا بنت من .. نساها وبعد من ساحتها ..
- نتي كنتي باغا تجعلي من ياقوت نسخة طبق الاصل عليك ولكن مافلحتيش ..
- هضرة وحدة هي اللي كاينة بغيتي تعرف عائلتك دير داكشي اللي قلت ..
- ياقوت راكي صافي حرمتيني منها وزوجتيها بداك بنادم .. وريني عائلتي فين 😤
- مزيان هاكا نبغيك اولدي ..
- انا ماشي ولدك 😡 وميشرفنيش نكون ..
- بغيتي ولا كرهتي .. دمنا انا وياك واحد ..
- هه .. عليها راني واقف ليك فالحلق .. حيت انا الوحيد اللي عارف كيفاش نقدر نقضي عليك..
- مغاتقدرش تقضي عليا .. انا موصلت لهاد البلاصة اللي راني فيها الا بالذكاء اللي وصلك حتى نتا تكون بيغ بوص.. هههه سير اولدي وسلم ليا على خويا .. هاك العنوان ..
خديته منها .. وانا مكارهش نقتلها هاد الساعة .. خرجت وخليتها كتضحك شي ضحك مستقز .. الوجهة المغرب -> فاس ... شديت طيارة لكازا الطريق كانت طويلة بزاف .. مللي وصلت شديت طيارة لفاس .. مشيت لواحد الفيلاج بقيت كنسول حيت مكنعرفش لبلايص ابدا فبلادي .. كيفاش غانعرفهم وانا من كازا لامريكا .. المدينة الوحيدة للي مشيت ليها هي الرباط .. نصبنا تما على واحد المهرب ديال الدياموند ..مكانش يصحابلي انه كاين قرى واراضي واسعة فلاحية بحال هادشي اللي كنشوف .. غانعيد التفكير فالارض اللي ضاعت مني بسبب ياقوت وغانشريها هنا مللي نكمل من هاد المشاكل .، وغانبني عليها الملجأ اكبر ملجأ نجمع فيه جميع المشردين .. تأليف دودي العيساتي وجوهرة مريم
0 Commentaires