الجزء 43
مازن : عارف عقلك مع الاب ديال ولدك ولكن .. حيت ختاريتي تبداي من جديد معايا انا كنواعدك اني نخليك سعيدة وغانتهلا فولدك .. غانربيه بحال ولدي تماما وغادي نحاول نسيك فيه ..
ياقوت : مازن كنشكرك بزاف حيت عاونتيني ..
مازن : متقوليش هاكا .. نتي راكي مهمة بزاف بالنسبة ليا .. وفرحة حياتي هي نكون معاك ..
عشت مع مازن وهو كيحاول يعيشني احسن عيشة ويفرحني داير مجهوده معايا .. ولكن كل هادشي كيخليني كتر نفكر فليث .. حب حياتي ..واخا الوحم صعيب وخلاني نكره كلشي الا اني مازال عايشة على ذكرى ليث كما عشت حياتي كاملة خاص سميرة تموت باش نقدر انا نعيش مع ليث .. ولكن كيفاش غاندير ..مشينا انا ومازن خرجنا نفوجو وبقينا كنتساراو حتى بانولي شي جماعة جالسين كيوشمو رجعت بيا الذاكرة لنهار وشمنا انا وليث نفس الوشم طاحت دمعة من عيني .. هو مكانش يخسر ليا خاطر ابدا واللي كانت يديرهالي .. كان الحضن الدافئ ليا .. علاش تفارقنا علاش .. شاف فيا مازن والدموع فعيني ...
- عفاك متبكيش انا مكنحملش نشوف الدموع فعينيك ..
- بغيت نمشي للدار ..انا عيانة بزاف وباغا ننعس ..
- كما بغيتي..
رجعنا للدار .. او نقولو فيلا .. كلشي متاح فيها كلشي ولكن حاسة راسي ميتة فيها .. ومع ان مازن ماشي بحال العصابة ديال باباه .. مع انه رقيق بزاف فتعامله معايا الا اني حاسة راسي عايشة فجحيم .. مكرهتش نرجع للبراكة اللي كنا عايشين فيها انا وليث نعيش تما ..
عند ليث :
مابقيتش لقيت حياتي .. واش نتخلا على حلمنا واش مكاين حتى طريقة من غير حلمنا ولكن لا اكيد لا .. حبيبة قلبي وعمري الا فقدتها معندي مندير بشي حلم .. غانموت مرة تانية .. كنتذكر حياتي مللي كان يصحابلي راها ميتة الجحيم بعينه شحال من مرة رميت راسي فالموت .. حيت مبقات لحياتي معنى .. اناغانجازف على خاطر حبي وحياتي .. ياقوت غانلقاك احياتي غانلقاك
0 Commentaires