جزء44-*
-عند ياقوت -
-انا ناعسۃ كتحس بيد تلمس وجهي هادي سميرۃ قفزت
سميرۃ:بنتي متخلعيش غير انا
ياقوت:هادي نت
سميرۃ:اه جيت نحضر عرس بنتي غزالۃ ...
ياقوت:كيفاش واش تسطيتي وراني مزوجۃ بليت .
سميرۃ:كنت مزوجۃ بيه اما دابۃ راك طاليقتو
ياقوت:لا ميمكنش كيفاش وقع ليت وراق .
سميرۃ:حت حاجۃ معندي صعيبۃ نطلق لبغيت ونزوج لبغيت .
ياقوت:اهيء اهيء لا لا لا
سميرۃ:تهدني نت لازم تسمعي كلامي غادۃ تزوجي بمازن وسدينا موضوع واش فهمتي دابۃ
ياقوت:لا مستحيل نخلي شي حد اقرب مني من غير ليت ... وانا كنهضر شداتني من شعري وجبدات تلفون واحد فيديو متاجهين ليه كلاشينكوف وهي تقولي الا موقعتي علا هاد لوراق غادي نقتلو ....
-صافي صافي كتجيني في نقطۃ الضعف ديالي نكملات حت سيمانۃ وجدات سميرۃ عرس اكبر قاعۃ مع احنا مسلمين لا راه ليهود داعيش هادي ناس فرحانۃ وانا مقهور مازن غادي طير بلفرحۃ دخل عندي .
-واو احبيبۃ جيتي فنۃ شوفي انا كنواعدك غادي تكوني معايا سعيدۃ .
ياقوت:وي عارفۃ ولكن قبل منتزوجو لازم توافق علا شرط ديالي ...
مازن:اما هو
ياقوت:زواجنا غادي اكون غير علا وراق حت نولف حياتي معاك ..
مازن:صافي لغادي اريحك مهم انك تكوني معايا وفي جنبي .
ياقوت:شكرا انك تفهمتي وانا نحاول نتاقلم معاك .... كيف سمعتو مازن وافق علا شرطي ان زواجنا غير علا وراق هانا خارجۃ بكسوۃ بيضۃ لبنسبۃ ليا كفن تفكرت نهار عرسي مع ليت كيف كانت فرحتي كبيرۃ ودابۃ انا احزن بنت في دنيا حيت بعيدا علا حياتي دابۃ انا جسد بدون روح وقعنا علا عقد وفي روسيا لابد عريس اقبل العروسۃ ناس كاع تسفق وانا مبغاش ....
مازن:متخفيش مغاديش نبوسك
ياقوت: شفت في سميرۃ هي كتخنزر بغفلۃ بديت نبوس في مازن هو تسدم ولكن ماشي بخاطري بزز مني وانا نطلقو اوف بغيت امت اسالي هاد النهار مهم تصورنا اصورو حت ديك بوسۃ.
-*عند ليت -*
-حاس باحساس غريب وقلبي كيتقطع ياقوت حياتي راني غادي نموت من نهار مشات مبقا عندي طعم الحياۃ ...
-*بعد مرور 6 اشهر -*
-عند ياقوت-
كرشي كبرات شويۃ دابۃ يمكن نعرف اشنو عندي وقفت حدا لمرايا عجبني راسي وانا مبوقلۃ غمت عيني وبديت نتخايل ليت شدني من لور وداير وجهو علا رقبتي وكيبوسها وشاد بيديه كرشي وانا كنضحك حت دخل مازن مسكين صابر معايا كيحاول اضحكني باي طريقۃ ومن نهار تزوجنا مقاصني واخۃ كينعس حدايا هدشي درتو حيت سميرۃ كتراقبني ومهداني الا شافت مازن ناعس برا بيت
جوهرۃ مريم-دودي العيساتي
0 Commentaires