جزء42-*
-*عند ليت -*
غير فقت بدلت حوايجي اي رجلي كضرني بزاف جا دكتور نضف جرح وعقمو وعطاني عكاز باش نتمشا خرجت مشيت عند واحد خينا عند مكزان ديال ملابس لنساء معروف عليه محترم هو اكبر مفيوزي في المغرب جميع عصابات كيعرفهم ملقب بي خفاش حيت كيمص دم عيباد الله معارف اشنو اسم ديالو هو عدو ديال لقمان كيعرف جميع مخابيء ديالو بغيتو اعوني طبعا بلمقابل حلم حياتي لهو الارض قالي لبغيتي مراتك ترجع خصك تعطيني الارض لشريتي وافقت دون تردد اهم حاجۃ عندي ياقوت كتر من اي حاجۃ عندي
ليت:سلام
خفاش:هههه مرحبا بيغ بوص اكبر تعلب مفيوزي في امريكا تشرفت بيك
ليت:شرف ليا نتلاقۃ مع شخص بحالك الخفاش .
خفاش:هههه تشرفتي بيا علا وديت غرد ديالك
ليت:منطولوش انا بغيتك تعوني نلقا لقمان فين خاطف مراتي
خفاش:هي داك زوينۃ مراتك
ليت:واش شفتيها
خفاش:تيتيزۃ اه نت باغي مرتك وانا ....
ليت:طلب لبغيتي
خفاش:انا بغيت الارض ونت مراتك يعني الارض تولي باسمي من يوم كراتك تبات في حضنك .
ليت:ولكن ارض حلمنا انا ويقوت شوف طلب لبغيتي تروۃ ديالي تولي بيغ بوص غير ارض لا
خفاش:شنو اهم واش مراتك ولا ارض فكر مزيان معندكش وقت راك غادي تخسر مراتك الابد
ليت:اشنو كتقصد
خفاش:انا غير داوي ودابۃ فكر ورض عليا نتسنا جواب من هنا ساعۃ
ليت:ولكن ... اوف مشا وخلاني ارض هي حلمي وبسبابها خسرت حب حياتي اش غادي ندير دابۃ خرجت وانا كنعكز بديت كنشوف في واحد محال بانت ليا كسوۃ في احمر نفس لكنت شريت ياقوت وهي صغيرۃ سهيت فيها وتخيلتها فيها ..
-*عند ياقوت-*
-اه اخير خرج من عند مول مكزان شفتو حسيت بالم ضربۃ لفي رجلو وبديت نشوف فيه هو ساهي كيشوف في واحد كسوۃ تمنيت نجري عندو ونعنقو ونقوليه كنبغيه وعمرني نسيتو مقدرت نمنع رجلي خوات قليلۃ تفصلني عليه حت حبسني سينيال ديال كلاشينكوف متاجه جيهت ليت في ظهرو ضربت دورۃ لقيت سميرۃ كتشير براسها يعني تزيدي خطوۃ اموت وشيرات تاني بيديها يعني اجي قبل ميشوفك يلله غادي يضرب ليت دورۃ محسيت حت جرني مازن وبدا كيبوس فيا وانا غير مخرجا عيني
-*عند ليت -*
-انا كنشوف في كسوۃ حت بديت نشم ريحت ياقوت حسيت بيها قريبۃ وضربت دورۃ كنلقا واحد منظر ولد كيبوس واحد بنت قدام ناس باينۃ غادي اكون كيبغيها لهدا مهموهش ناس تفكرت نهار درتها في عرس خرجت وخليتهم ..
-*عند ياقوت-*
-هو كيبوس فيا محسيت حت دفعتو وانا نصرفقو ... كيفاش تجراءتي ديرها ...
مازن:هدشي درتو علا قبلك لو شافك كان غادي اموت لهدا انا تصرفت هاكۃ .
ياقوت:هادي اخر مرۃ ديرها واش كتفهم ..
سميرۃ:بغضب واش نسيتي اش قلت ليك لو شافك بلا تردد كنت نقتلو ...
ياقوت:حشومۃ عليك والله
سميرۃ:يللله تحركي قدامي بقات نص ساعۃ وتمشي طيارۃ ولدي مازن تبعنا ومزيان مدرتي هاد تصرف كن كانت تندم طول حياتها.
-ياقوت: شارفۃ شدتني من يدي ركبنا في طموبيل حت وصلنا مطار دموعي في عيني مبغاوش احبسو
سميرۃ:هانتي شوفي مازن غادي يمشي معاك راه فيلا تماك مفرشا ومقادۃ ونقيا وعنداك ديري شي تهور تندمي عليه .
-ياقوت:صافي واخۃ ولكن فين هي لمياء تمشي معايا
سميرۃ:لمياء صافي بح
ياقوت:كيفاش واش قتلتيها لا لا علاش هي وحيدۃ لكانت تفهمني وتحس بيا حت هي حرمتيني منها عرفتي دابۃ كرهي ليك غادي زيد السفاحۃ تفو عليك
سميرۃ:صافي سكتي مازن شدها من يديها وركبها ورد ليها بال معاك وعنداك توقع ليها شي حاجۃ وحنا واب ديالك غادي نجيو عندكم
مازن:واخۃ خالتي
سميرۃ:مسلامۃ
ياقوت:دموعي غي خدي مرخيا شادني مازن حت دخلت وسط طيارۃ كلست وحدايا هو باقي شاد ليا في يدي بعد خمس دقاءيق سمعت هاد جملۃ المرجو من مسافرينا كيرام ربط احزمۃ .......وهي تنقلع الطيارۃ وروحي كلها عند ليت .
-*عند سميرۃ -*
دابۃ:عاد طمنت انها غادي تبعد عند داك الحقير مهم هحنا صيفطنا مازن معاها ومن نمشيو عندهم احنا نزوجوهم بجوج .
لقمان:صراحۃ نت قاطعۃ يديك ومغسلاها بماء ميت بجور ديالك برابو قدرتي مرۃ تانيۃ تفرقيهم
جوهرۃ مريم-دودي العيساتي.
0 Commentaires