التشرد جعل منا مفيوزيين الحلقة 37

الجزء 37 
بدا كيقلب لقمان على جوديا حتى قالوليه باللي ولدك هو اللي خداها مشا دغيا عندو ودخل للبيت لقاها فناموسيته .. 
لقمان : ولدي .. اش كادير هنا مع جوديا .. جوديا بنتي لاباس عليك ؟ 
ياقوت : بنتك .، 
مازن : كانت مريضة بزاف وجبتها لهنا .، 
لقمان : ماشي مشكل اولدي .. هي بحال بنتنا .. 
استغربت ياقوت من هاد المعاملة المفاجأة للقمان 
لقمان : ماما مشطونة عليك بزاف ابنتي وجات عندك
ياقوت : ماما 😳 
لقمان : مازن ولدي ممكن تخلينا بوحدنا ..
خرج مازن وخلا ياقوت ولقمان بوحدهم 
لقمان : اللي ميعرفك يجهلك .. اش داك تورطي راسك مع داك المجرم .. انا مكنتش عارفك بنت سميرة والا مكنتش غانخطفك .. انا مشكلتي مع ليث ماشي معاك 
ياقوت : ليث راجلي .. واللي تهمو تهمني حتانا 
لقمان : ولكن هو مكتهميهش والدليل انه خلاك ليا 
ياقوت : ماشي سوقكم فينا .. 
لقمان : شوفي ابنتي .. ايلا كتبغي داك النصاب .. نصحك تنسايه .. حيت عدواته كتيرة وفأي لحظة غايتقتل .. وانا اول واحد باغي يقتله 
ياقوت : ايلا قصتيه غاندمك .. 
لقمان : ايلا باغاني منقيصوش .. ديري داكشي اللي نقولك .. وكنواعدك غانخليه فحاله ..
ياقوت : شنو بغيتي .. 
لقمان : ابني الوحيد .. مكرهتلوش وحدة بحالك وبنت الباطرونة ديالنا .. نتي عارفة انه بعد عمر طويل هاد الثروة كلها غاتكون ليه ومغانأمنش عليه الا معاك .. حيت نتي ذكية .. وبنت اكبر مفيوزية مغاتكون الا بحالها .. ذكية 
ياقوت : هادشي اللي كتطلبو مستحيل .. 
لقمان : اذا وجدي راسك تلبسي عليه الابيض .. وتشدي عليه حق الله .. 
ناض من حدايا وخلاني مفقوصة .. اش غاندير دابا .. مستحيل نخليهم يقتلوه .. انا غانموت الى وقعاتليه شي حاجة 
عند ليث 
اه يا ياقوت .. علاش مكتوب علي العذاب من جيهتك .. غا كنقول سالا عدابي كنكتشف باللي بدا من جديد .. وماليه نهاية .. علاش يا قلبي علاش .. 
سنان : بوص 
ليث : شنو كاين 
سنان : انا اللي عارفك من دون الناس اللي عاشروك ..كنت معنقد انك عايش على ذكراها فقط حيت ماتت صغيرة ولكن دابا كتشفت باللي نتا عمرك نسيتيها وبغيتيها حب جنوني من الاعماق .. مكنشوفك ضعيف الا مللي كيتذكر اسمها قدامك .. مازال راك كتبغيها بحال الاول ولا اكتر .. تيق بيا عمري فحياتي شفت شي حب كيبغي شي وحدة كما نتا كتبغي هاد البنت .. 
شاف ليث فسنان ودموعه فعينيه .. وقال 
- انا خاصني نلقاها اسنان .. والا هاد المرة غانموت تيق بيا .. 😭 
- غانلقاوها اصاحبي .. انشاء الله غانلقاوها 
تأليف دودي العيساتي وجوهرة مريم