بارت 38-*
-*عند ياقوت-*
-لا لا انا خصني نهرب باي طريقۃ من هنا مغاديش نخليهم افرقوني مرۃ تانيۃ علا حب حياتي لدابۃ طرف منو في احشاءيي يارب تعوني دخت تلفت معرفت مندير سادين عليا في هاد بيت اوف دخلات عندي سميرۃ كتجري وتقول بنتي توحشتك دفعتها وقلت ليها نت ماشي مي كيفاش قدرتي تبعديني علا ولد لرباني من بعد مزوطوني ولديا في خلا عمرو قصر من جيهتو ولا حرمني من شيحاجۃ كان اخلي راسو عريان ودفيني انا كنت نحس بامان وانا معاه علاش فرقتينا وزيداها وهمتيه بلي مت واش ماشي حرام عليك .
سميرۃ : بنتي سمعيني كيفاش بغتيني نخليك تعيشي مع واحد مسخ مكان ميلاقي مياكل وتكرفصي معاه .
ياقوت:شكون قاليك كنت مكرفصۃ معاه بلعكس انا كنت اسعد وحدۃ معاه اهيء اهيء من بعد سنين لفراق تلاقيت معاه وبغيتو تفارقوني من جديد معاه والله متكون ليكم غادي نخرج من هنا ونمشي عند حياتي ليت
سميرۃ:مستحيل نخليك تمشي عند داك لملقط متشرد .
ياقوت: علا اساس انا بنت وزير داخليۃ حت انا راه غير بنت ملقطۃ ومتشردۃ .
سميرۃ: لا نت راه بنت عاءيلۃ كبيرۃ ومعروفۃ .
ياقوت: كيفاش لو بصح علاش تخلاو عليا وزوطوني بحال كلبۃ .
سميرۃ:ولديك ناس طيبين ولكن الله ارحمهم .
سميرۃ: كتعاودي تكدبي عليا ولكن انا مغادي نسدق حت كلمۃ قلتيها ودابۃ خليني نخرج من هنا ..... دفعتها وبغيت نخرج .
سميرۃ:جوديا حبسي مغاديش نخليك تمشي عندو هداك بضبط
ياقوت:وانا غادۃ خارجۃ حت وقفو عليا بوديكرضات قد سخط الله يكلوني في دغمۃ حبسوني هزوني من يدي بحال ريشۃ وانا كنفركل برجلي اه نسيت مخصنيش ندير بحال هاكۃ حيت حاملۃ رجعوني بيت لحوني .... وغير بشويا زمر اي كرشي.
سميرۃ:بنتي واش بخير
ياقوت:بعدي مني متمسنيش شوفي واخۃ تسدي عليا بيبان كاملين ديال دنيا غادي نلقا ساروت لخرجني من هنا
سميرۃ:سمعي نقوليك نسمح ليك مع اي راجل ولكن داك متشرد علا
ياقوت:ولكن علاش اشنو عداوۃ لبينك اوبينو ...... اوف خلاتني نهضر بحدي وخرجات وسدات عليا باب تبعتها وبديت ندق ... وحلو عليا لا ليت حياتي فينك راني محتجاك ... ضميت يدي وبديت نتفكر كل لحظۃ عشتها معاه في مزرعۃ .
تاليف:جوهرۃ مريم-دودي العيساتي
0 Commentaires