الجزء 36
ياقوت :
حليت عيني ولقيت راسي مربوطة مرة اخرى ولكن هاد المرة كنتقيا بالجهد .. اوف راسي كيضرني بزاف والقوة ديالي فشلات .. حاسة راسي ماقداش نتحرك .. بقيت كنتقيا ومصارني خاويين .. شوية تفتح الباب .. ودخل منو واخد الشاب .. شافني وجرا عندي ..
- واش نتي لاباس ؟؟ .. علاش حبسوك هنا ..
- شكون نتا عاود وشنو بغيتي مني
شوية تبعو واحد من البوديكاردات .. ودوا معاه :
- سي مازن عافاك خرج من هنا الا عرف السي لقمان اني خليتك تدخل غايعاقبني ..
- البنت مريضة بزاف وخاصنا نديوها للسبيطار .. واش غانخليها هاكا .. طلقها دابا .. انا غانتحمل مسؤوليتها ..
جا عندي لاخور فكني جيت نوقف حسيت الدنيا كتدور بيا .. وانا نطيح ومعقلتش على راسي ..
عند ليث :
حنا خاصنا نلقاو ياقوت .. خاصني نلقا طريقة اللي نوصل بيها للقمان بلا مايأذيني فياقوت .. انا حمار انا اللي سلمتها ليه بلا منحس .. دينا لمياء معانا .. وتهلا فيها سنان .. اما انا فالوقت كيزاحمني .. معرفتش طريق لقمان .. وملقيتش طريقة نوصل بيها ليه ..
عند سميرة :
انا اللي خاصني نلقا جوديا قبل ميلقاها داك الحمار .. فين مشا داك الزفت ديال فادي عاود واش هادا وقت لاختفاءه .. خاطبت رجالي ..
- شكون هاد لقمان .. وشنو علاقته ببنتي باش يخطفها ..
- هاداك بزناس كبير وعلاقته بجوديا انه خطفها باش يضغط على ليث حيت نصب عليه ..
- جيبولي عليه جميع المعلومات .. وبغيت نوصل ليه قبل ليث .. باش نتفاوض معاه على قبل جوديا .. جوديا مخاصها تعرف والو .. هي اللي عندي فهاد الدنيا .. ومغانخسرهاش فأخر لحظة ..
فعلا وصلو رجالي للقمان اللي رحب بلقاءي بزاف .. اكيد حيت انا اكبر مفيوزية ..
لقمان : نهار كبير هادا .. اكبر مفيوزية وزعيمة القتلة المأجورين معايا .. شرف كبير ليا
سميرة : مغانطولش معاك بزاف القمان .. فين هي بنتي ..
لقمان : بنتك .. اينا بنت
سميرة : جوديا او ياقوت .. اللي خطفتيها ..
لقمان : واش هاديك بنتك .. يعني داك الشفار نسيبك ؟
سميرة : نسيبي .. شكون كتقصد ؟
لقمان : ليث ..
سميرة : لا ماشي نسيبي هو كان غا خاطف بنتي وعطاهالك باش ينتقم مني ومنك ..
لقمان : اللي مكتعرفيهش الالة ان بنتك تزوجات بداك النصاب ديال ليث .. وانا خطفتها على اساس انها مرتو ..
سميرة : شناهواا .. مستحيل ..
لقمان : كما كتسمعي .. بنتك تزوجاته وهي اللي علماتنا .. واعترفات ..
سميرة : انا خاصني نفارقهم بأي طريقة .. شوف اسي لقمان انا غانعطيك اللي بغيتي مقابل تديرلي خدمة .. تفاوض مع بنتي وطلب منها تفارق مع ليث والا غاتقتلو ..
لقمان : ايلا كان هاكا موافق
سميرة : مزيان ..
عند ياقوت :
حليت عيني فواحد البيت ..فواحد الناموسية ومغطية .. البيت كان مرتب وزوين واثاثه زوين بزاف .. شفت داك الشاب لقيته جالس حدايا وشاد فيدي وكان مخلوع عليا ..
-واش نتي لاباس متخافيش الطبيب راه فالطريق غايجي وغاتكوني لاباس ..
حسيت راسي مقادراش نتحرك كاع .. ونسبة القوة فيا صفر .. جا الطبيب دخل وبدا كيفحص فيا .. شوية وقال ..
- المريضة خاصها تاكل ضروري .. جسمها ضعيف حيت فقد الفيتامينات للي تقدر تقويه .. وهادشي ضروري من خلال الماكلة .. وكاين خبر اخور .. المريضة حاملة ..
محسيتش براسي مللي سمعت ديك الكلمة .. ليث انا غانولد من ليث .. اخيرا الحلم تحقق .. مكرهتش لوكان هو اللي بجنبي دابا .. باش يفرح ويعنقني .. ولكن هو معارفنيش عايشة اصلا .. ومعارفنيش ياقوت .. هو عارفني جوديا بنت المرا اللي دمرات حياته .. بداو كيطيحولي الدموع بلا منحس .. خرج الطبيب .. وداك الشاب بقا معايا
- متبكيش .. عفاك مسحي دموعك .. شنو قصتك وعلاش حبسوك عندنا وشنو علاقتك ببابا ..
تفاجأت مللي قال بابا ..
- واش داك الحيوان باباك .؟
حنا راسو رقال : اه لقمان بابا ..
قلبت وجهي ..
- عفاك انا عارف باللي مغاتكونيش كتحمليه ولكن متاخدينيش بذنوبه .. انا معنديش علاقة بهادشي اللي كايدير انا مسالم بزاف ..
- باينة فوجهك ..
- قوليلي .. شنو علاقتك ببابا .. وفين هو باين الولد اللي فكرشك ..
- سول باك ونتا تعرف ..
- المهم دابا خاصك تاكلي باش ترجعليك القوة ديالك
- ممكن نطلب منك طلب ..
- اكيد
- ممكن متقول لحتى واحد على موضوع الحمل ..
- واخا اللي بغيتيها
تأليف دودي العيساتي وجوهرة مريم
0 Commentaires