بارت 6
ياقوت: اهئ اهئ بغيت ليث
سميرة : متبكيش احبيبة .. اجي تجلسي عندي بين ما جا ليث ..
خدات مدام سميرة ياقوت عندها وبقات عايشة معاها اما البطل ديالنا فكان فبلاصة اخرى ..
الضابط : احسن ليك تعترف .. باش منديرو معاك شي اجراء
ليث : كنقسم ليك مكنعرف حتى حاجة من هادشي اللي كتقول .. خليوني نمشي من هنا ياقوت غاتكون بوحدها وخايفة انا خاصني نمشي عندها ..
الضابط : نتا غاتبقا هنا .. ومغاتخرجش من هنا مدامك مصر تنكر ..
داو ليث للاصلاحية حيت قاصر وقلبو محروق من جهة ياقوت .. اه يا ياقوت اش غاتكوني كاديري دابا .. انا خاصني نخرج من هنا بأي طريقة .. خاصني نمشي عندها كتسناني .. بقيت محبوس وانا عقلي كيفكر غا فيها .. نتمنى يكون المعلم دار فيها خير وداها عندو ..
الشخص ١ : مالك ماهازاكش الدنيا .. عندك مشاريع ..
ليث : شكون نتا .. سوقك فيا ..
الشخص١ : انا سنان .. اصغر مفيوزي فالمغرب ..
ليث: مفيوزي ؟؟ واش كادير هنا
سنان : ههه سؤال غبي ..
ليث : انا مكتهمنيش .. اللي كيهمني دابا هو ياقوت .. هي باقا صغيرة بزاف وماموالفاش تعيش بلا بيا هي كتعتمد عليا فكلشي ..
سنان : بغيتي تمشي لعندها ؟
ليث : اه بأي طريقة ..
سنان : انا غانخرجك من هنا .. ولكن كلشي بمقابل ..
ليث : انا نعطيك اللي بغيتي .. خرجني من هنا
سنان : ههه مابغيتكش تعطيني .. بغيت حاجة اخرى ..
ليث : شنو بغيتي
سنان : بغيتك تكون معايا .. تدخل معايا للمافيا
ليث : ولكن ..
سنان : ايلا مابغبتيش نتا حر .. دير بحسابك غاتبقا هنا مدة طويلة .. ومللي غاتخرج ماعرفتي تلقى ياقوت اولا متلقاهاش .. هي لقمة دسمة لبزاااف ديال تجار الاطفال ..
ليث : انا ندير اي حاجة باش متصابش ياقوت بأذى ..
سنان : مزيان .. انا غانقوليك كيفاش غانخرجو من هنا
من جهة اخرى كانت ياقوت مفقوصة وكتبغي وكتقلب على ليث ..
مدام سميرة: صافي باراكة من البكا .. نتي غاتبقاي هنا .. ونساي عليك داك ليث ..
ياقوت : انا بغيت ليث اهئ اهئ
سميرة : ليث مات فهمتي ..
ياقوت : لا لا ..
جرات ياقوت من دار سميرة بسرعة ومقدارتش تلحق عليها المرا .. بقات كتجري .. حتى وصلت للكراج اللي خدام فيه ليث بقات مع المعلم كتزاوكو يديها تشوف ليث .. بقات كتبكي حتى بقات فيه .. ووافق ..
من جهة ثانية :
سنان : انا غانتافق مع رجالي يشعلو العافية فالاصلاحية .. وحوايجنا غانخليوهم هنا نموهو بيهم الموطفين اننا متنا .. غادي يجيبو جثث يخليوهم هنا على اساس حنا .. ودير بحسابك مللي غانخرجو من هنا غادي نعيشو بهويات مختلفة .. حيت قانونيا غانكونو ميتين .. وديك الساعة جيب معاك ياقوت تعيش معاك ..
ليث : موافق ..
داكشي اللي وقع شعلات العافية فالاصلاحية .. حتى هربو ليث وسنان بمساعدة المافيا .. تخباو على ما يهدا الجو .. من جهة اخرى المعلم دا معاه ياقوت وتصدمو بعدا لقاو الحريق الهائل وبعدما قالوليهم باللي ليث مات .. ياقوت مقدراتش تتحمل الصدمة ..انهارت بالبكا .. وجرات من المعلم اللي مقدرش يلحق عليها وصلات لواحد البلاصة بقات كتبكي وطاحت على ركابيها .. حتى حسات بشي كمامة على فمها غابت بعده عن الوعي .. دودي وجوهرة مريم
0 Commentaires