الجزء 40
داز العرس زوين .. لولا ماكانو دوك البنات اللي حطولي العين على وليد.. مشات لبنى لدار راجلها.. تمنينا ليها الحياة الزوينة تستاهل .. كلشي كان زوين فالعرس كان ناقصنا غا سليمة.. الله يرجعها لعائيلها بالسلامة.. دازو ايام حتى لقينا شي ناس كيدقو بابنا كيخطبو فمريم.. قالك اسيدي العريس حمقاتو الماكلة ديالها.. معدرو.. فرحات بزاف وماقداتها فرحة.. دوزات خطبتها زوينة.. العريس واخا ولد مو ولكن واتاها.. وتفاهمو..
هدى: الله يكمليك بالخير امريم تستاهلي كل خير.. عقبال لبنات كلهم
مريم: امين احبيبة العقباليك..
وليد: واش مغايجيش الدور ديالنا .. انا راني مزروب..
هههه كلشي ضحك على وليد.. شاف فمو وقاليها : الواليدة.. فوقاش غنمشيو نخطبو هدى من والديها...
شافت فيه بواحد النظرة وقالت: هدى غيجيبليها الله اللي غيواتيها.. نتا خاصك مرا ديال الدار وجالسة فالدار.. ماشي كل نهار مع ناس جداد.. هدى الى بغات تتزوج بيك خاصها تقبل بينا وتجلس فالدار.. ومغيخصها خير معاك .. داك التجرجير لاش..
كلشي معجباتوش الهضرة ديال الحاجة.. اكيد ماقريتش حياتي كاملة باش نجلس فالدار..
شاف فيا وليد بنظرة طمئنة وقال: متخافيش انا غنعرف نقنعها..
مشيت انا والبنات نوجدو العشا .. بقاو كيهدنوني ويقولولي باللي العقلية ديال ناس زمان صعيبة هما فنظرهم المرا ديال الدار ماشي دالخدمة.. انا متفهمة هادشي كيف كانو وكيف ولاو.. ومستعدة نصبر حتى تفهم وتخرج من ديك العبودية اللي دخلات راسها فيها .. سمعنا شوية صوت وليد ارتافع..
- انا كنبغي هدى ومغنتزوج حدا وحدة من غيرها
- الى تزوجتي بيها انا ساخطة عليك الى يوم الدين.. ها السخط ها الرضى..
خرج وسد موراه الباب .. انا بقيت مخلوعة جات عندي مو.. كتبكي وقالت: حياتنا كاملة وحنا مجموعين.. حياتي كاملة ولدي عمرو مارفع صوتو عليا ولا عصاني.. جيتي نتي عصيتيه عليا .. سيري اهدى الله ياخد منك الحق.. فرقيلي على عائيلتي.. سيري بحالك.. سيري عند عائيلتك ..
قلبي حرقلي مللي شفتها بديك الحالة.. مشيت للبيت وبديت كنجمع حوايجي .. عندها الحق شكون انا باش نجي اليوما نفرقها على ولدها..
الجزء 41
جمعت حوايجي كلشي.. وصاوبت الباليزات وخرجتهم سلمت على البنات اللي بقاو كيبكيو وكيرغبوني نبقى .. مبغيتش خرجت بالزي وشفت فالحاجة اللي كانت كتشوف فيا بنص عين.. قلتليها.. انا عمر ما كانت نيتي خايبة فهاد الدار.. وغيجي النهار اللي غتعرفي فيه باللي انا كنت باغا نجمعكم ماشي نفرقكم..
خرجت وانا جارة باليزات وتقال.. عييت شوية وانا نجبد تيليفوني صونيت لوليد.. قلتله يجي دابا.. متعطلش جا لقاني برا
- فاين غادية.. واش الالة معندك راجل يحكمك خارجة فنص الليل بوحدك..
- وليد.. ديني من هنا عفاك.. انا ميمكنش نكون سبب فكره بينك وبين ماماك..
- نتي معندك دخل فهادشي .. انا غنعرف نتفاهم مع ماما
- وليد .. انا مغنرجعش للدار.. ومغنكونش سبب فسخط مك عليك.. عفاك وصلني لاي اوطيل وانا غنقلب على دار غدا
- مستحيل هادشي يكون.. انا مغانلوحكش.. نتي ديالي.. واي حاجة تمسك غنموت
- وليد عفاك متصعبهاش عليا ..
- شوفي اهدى عفاك صبري معايا .. عفاك كنواعدك غنحل الموضوع مع مي.. عطيني شوية دالوقت متخلايش عليا من اول امتحان لينا بجوج.. عفاك..
- وليد مغنتفارقش معاك.. انا ليك طول العمر.. ولكن عفاك خليني نبعد.. محتاجة نبعد فترة .. على متفهم الحاجة اني ماشي عدوتها...
- واخا انا غنديك لدار جدي.. هي خاوية وحتى واحد مكايجي ليها.. غتبقاي تما مدة على متجي للدار مرة اخرى.. واخا؟
- واخا ..
مشينا للدار وكانت عامرة بالتراب .. باينة مشحال هادي متفاحات.. بلا عكز نضت بديت نخمل ونرش الما ونفتح البيبان خصوصا البيت اللي غنعس فيه.. وحتى وليد عاوني .. مكملنا حتى غفر لينا الله دنوب.. بقيت جالسة..
- وليد مشا الحال خاصك تمشي للدار.. غتكون ماماك مشطونة عليك ..
- انا غانبات هنا.. معاه مغنخليكش هنا بوحدك..
- فاين غتبات لا سير للدار..
- هه متخافيش .. انا مغانقربش ليك.. وعاهدت الله مغنقرب ليك حتى نتزوجو.. باش تتأكدي باللي كنبغيك وكنخاف عليك من نسمة الهوا وماباغيش نخسرك..
- وليد.. انا..
-صافي بلا هضرة.. انا غانصوني للبنات نطمنهم عليا ..
-متقوليهمش راك معايا
- متخافيش
0 Commentaires