الجزء 3
طلب مني انيس نجلس .. جلست على واحد من دوك الكراسي اللي كبار .. حسيت راسي فيهم صغيرة بزاف .. ولكن مريحين بزاف .. وجلس قبالتي هو .. عندو شعاع فعينيه عجيب لدرجة مقدرتش نطول النظر فعيونو ..
- قوليلي .. اشنو اللي جابك لهاد البلاصة وبالليل
- انا كنت فالجبل .. انا مصورة ..
- مزيان ..
كان كيهضر بواحد الهدوء مريب .. كمل هضرتو
- حتى انا كان كيعجبني نتصور .. تبغي نوريك البوم التصاور ديال العائلة ..
- اه بغيت ..
ناض بنفس الهدوء مشا حل واحد الدرج وخدا منو كتاب كبير .. وجا جلس قبالتي من جديد.. وفتح الكتاب .. فعلا هو البوم صور ..
- انيس .. شنو هادشي اللي مكتوب فيه فاللول ..
- برهان .. هادا اسم العائلة ..
- دابا نتا اسمك انيس برهان ..
- تماما 😊
كمل وفتح الكتاب .. فيه مجموعة من الصور ..
- شوفي هادا انا وانا صغير .. وهادي ماما ..
- شكون هاد الراجل ..
- هادا بابا ..
- وفين هو دابا ..
- مشا .. ومبقيناش عرفنا فين هو ..
- انا اسفة..
- ولا عليك .. ولفت غيابه .. وحتى ماما ولفات ..
- انيس واش نتوما ساكنين هنا بوحدكم..
- اه .. بوحدنا ..
- وعلاش بقيتو هنا .. يعني هنا مكاين حتى واحد .. غير الخلا .. علاش مامشيتوش للمدينة مثلا..
- حيت القصر ديالنا هنا فين كاين .. ميمكنش نديوه معانا للمدينة.. فاختارينا نبقاو حنا هنا معاه ..
- باينة هاد القصر عزيز عليك بزاف ..
- هنا كبرت وحياتي هنا .. شنو رأيك تشربي شي حاجة .. ولا ايلا فيك الجوع نوجدليك العشا..
- فالصراحة فيا الجوع بزاف ..
ضحك كالعادة الضحكة الخفيفة ديالو وناض قالي: مغانتعطلش بزاف .. رتاحي ..
مشا وانا بقيت كندوز عيني على القصر وغرقت فبحر التساؤلات من جديد .. قصر كبير بحال هادا وعايشين فيه جوج الناس علاش ميبيعوهش .. وكيفاش هو نقي وكبير حتى هاد الدرجة وهو مافيه حتى خدامة .. الحيطان مليئة باللوحات الفنية .. المرسومة باليد .. لوحات باينة فيها غالية بزاف .. والاثاث غالي وعتيق .. والاضاءة فيه هادئة .. ودافئ مع انه حنا رانا ففصل الشتاء .. وكيفاش حتى لقاني انيس ..
- ليان .. اجي العشا واجد ..
نضت لقيت سفرة عامرة بالماكلة .. اوااه كيفاش حتى وجدتي كل هاد المأكولات فهاد الوقت الوجيز
ابتسم كالعادة وقال : كلشي كان واجد .. انا غا عاودت سخنتو .. كانت ماما وجداتو للعشا .. ولكن للاسف متعشيناش انا وياها.. كالعادة هي من نهار مشا بابا مبقاتش كتاكل ..
- عيط ليها تاكل معانا ..
- انا عارف ماما .. مغاتبغيش تاكل ..
جلست لعند السفرة اللي كانت طويلة .. كانت محطوطة قدامي كل انواع المأكولات .. بديت ناكل بشراهة .. اما انيس فاكتفى بالابتسامة وانه يتفرج فيا .. مللي كملت .. شفت فيه ..
- واش نتا ديما هاكا ..
- شنو
- يعني قصدت .. هاد الهدوء ديالك.. جاني غريب .. كيفاش كتقدر تحافظ عليه ..
- الوحدة فهاد المكان هي اللي علماتولي .. معنديش الانيس اللي غايجعلني ديما قافز ..
- يعني نتا خاص اللي ونسك .. اوماماك..
- ماما راها عايشة فعالمها .. مبقاتش داياها فيا كاع .. شنو رأيك تبقاي نتي تونسيني ..
- انا !! لا منقدرش .. اجي نتا معايا للمدينة..
- حتى انا منقدرش نخلي ماما بوحدها ..
صافي اللي بغيتيها .. هاكي هادا ساروت .. خليه معاك.. فوقاشما بغيتي تجي مغاتحتاجيش تستأذني .. Dodi elaissati
0 Commentaires