الجزء 27
عند ليث ..
طلبت من رجالي يوجده كل ما نحتاجو انا وجوديا بأسرع وقت باش نديرو العقد ويجيبولي العدول حتى لهنا مضمنتش واش تولي فهضرتها .. متحمس بزاف اني نتزوج منها .. معرفتش علاش .. مي حاس راسي باغي نكون معاها .. علاش علاش هي اللي خاصها تبغيني ماشي انا .. اووف ..
عند ياقوت ..
ليث حياتي 😢😢 عشت حياتي كنستنا نشوفك نقيصك.. نحلم بيك .. مكنتش عارف انك قدام عيني .. اه يا دنيا علاش تفرقينا علاش ..
صونالي التلفون كانت لمياء اللي تسنيتها تجيبلي الاخبار ..
- اشنو درتي اصاحبتي ..
- اخبار غاتصدمك .. انا هضرت مع داك السيد
- ها وشنو قالك ..
- قالي باللي ياقوت خداتها مرا سميتها سميرة ..
- هادشي عارفينو شنو اللي كيصدم فالموضوع
- انا جايالك فالهضرة
- هضري طلقينا ..
- قالي راه هربات وجات عندو ومشاو يشوفو ليث فالاصلاحية اللي دخلاته تما سميرة ...
- 😳 كملي
- ولقات العافية شاعلة فيها وعرفو باللي ليث مات .. وبالصدمة هربات منه ياقوت .. بعد داكشي جا عندو ليث وعرف بأنه مازال عايش
- 😅 الحمد لله كنت عارفه ليث كنت عارف ليث مازال عايش وماماتش ..
- اللي كيصدم غانقولو دابا ..
- شنو كاين
- قالي باللي بقاو كيقلبو على ياقوت حتى لقاوها فالبلاج وهي مشوهة وكل اعضائها محيدين منها
- كيفاش ..
- اه ودفنوها .. تما صدمة ليث كانت كبيرة .. وقرر ينتقم من سميرة اللي هي السبب ..
- يعني ليث كيعتقد اني ميتة ..
- تماما ..
- كنت عارفة .. كنت عارفاه مجروح ومقهور.. وماما هي السبب فهادشي كله .. ولكن انا غانتقم منها بسبب هاد الفراق اللي تسببات فيه .. حيت فرقاتلي كل هاد العمر على حياتي انا غانتقم منها .. وغانوريها ..
كملت المكالمة مع لمياء .. انا عارفة مزيان طريقي دابا .. اني نكون مع ليث هي اسمى الامنيات ..
جا عندي وجلس معايا ولكن هاد المرة شايفاه ليث ماشي جوكي .. شايفاه حياتي وعمري وحبي الوحيد .. انا مغانقوليه والو .. حتا ناخدو حقنا من اللي كان سبابنا .. ديك الساعة غايعرف اني حبه .. وحياته اللي كان يهزها على كتفو ..
- علاش جالسة بوحدك .. فاش كتفكري
- كنفكر فيك ☺️
- اووه حتا هاد الدرجة .. وليتي كتخوفيني ..
- ههه وعلاش
- خايف نكون غي كنحلم ..
- لا مكتحلمش .. انا عمري مغانتفارق معاك .. سمعتي .. انا غانبقا معاك حياتي كاملة ..
- بالصح .. يعني ..
قربت لشنايفه وبسته بوسة طويلة قفلت بيها باب الحديث عن التفاصيل خليت مشاعري هما اللي يهضرو .. قبلة مليئة بالشوق والحنين الى شخص تحرمت منه حياتي كاملة ..حبي ليه عميق وابدي .. واحساسي معاه لم يكن الا الحب الطفولي اللي بغيتو .. تصدم بردة فعلي .. كملت القبلة وضحكت لقيته مصدوم مني شكون هادي .. ههه صاوب الجلسة وزعم عليا حتى هو ديك الساعة شدني بيديه بجوج فوجهي ودخل معايا فعالم القبل الحارة .. تأليف دودي العيساتي وجوهرة مريم
0 Commentaires