الجزء 28
اليوم غانكون زوجة رسميا لحياتي .. ونور عمري .. صاوب الاجراءات بسرعة .. لبست قفطان ابيض سامبل وجمعت شعري .. حسيت بفرحة طفولية ليوما .. واخيرا غادي نكون مع حياتي .. الناس كيتسناوني باش نكتبو العقد مكرهتش نكتبو بسميتي الحقيقية ولكن ديك المرا حرماتني منه .. وحتا هو .. المهم هو الروح ديالنا بجوج .. ليث وياقوت .. سعادتي مكتوصفش ..
عند ليث ..
صاوبت الاجراءات بسرعة معرفتش علاش راني فرحان .. مع اني كنت كنتمنى ان ياقوت هي اللي تكون مرتي ليوما .. لبست كوستيم .. وبقيت كنستناها مع العدول .. حتى نزلات كانت من اجمل ما رأت عيني .. زوينة بزاف مكنتش كنتخيل انها غاتحلا فعيوني حتى ديك الدرجة .. جات قربات مني وهي فرحانة .. هزيت يدها وبستها بلطف جات جلست معايا كتبنا العقد على العادات المغربية كما كنا كنتمناو .. مللي كملنا ووقعنا بجوج .. محسيتش براسي حتى بستها بالفرحة مشفتش اللي جالسين حدانا هي ولات حمرا وبدات تغمزني .. باش نعيق براسي ..
عند ياقوت ..
حسيت بالفرحة وانا نازلة عندو وهو كيستناني هادي هي الفرحة اللي كنت عايشة نستناها .. كتبنا العقد ووقعنا هو حسيته فرحان بزاف حتى نقز باسني بالفرحة .. ناري نسا راسو والناس حدانا ..، غمزتو باش يعيق براسه .. مللي مشاو الناس بقينا بوحدنا ..
- جوكي ..
- حياتي ..
- عاودلي على راسك ..
- 😔 خلينا فرحانين ..
- ها حنا فرحانين .. ايلا مبغيتش صافي ..
- مرة اخرى غانعاودليك .. دابا عندنا ما يدار ..
جا بسرعة باسني فعنقي ...
- عرفتي انا مشطونة على ماما ..
- ماماك 😒
- اه هي مولات قادرة دير والو .. وكلشي خدمتها ولا كيديرهالا واحد سميته فادي .. هو راس الحربا ..
- ونتي ..
- انا غا بروفايل .. مكندير والو ..
- وداك فادي فين كاين ..
- هو معاها تما .. وهو اللي هاز وعارف كل المصائب اللي دايراهم سميرة فحياتها كلها .. المشكل انه يقدر يغدر بيها فأي لحظة .. حيت كيحماق على الفلوس .. وعندو ملفات بهادشي .. الا مشا حتى باعهم مشات فيها ..
بقا كيسمع مني بتمعن كبير وانا قلتله هادشي بالعاني .. حيت عرفته غايبغي ينتقم منها وانا عطيتهاله جاهزة .. وريته الطريق .. حتى انا باغاها فيها .. هادا اقل واجب معاها ..
عند ليث ..
قالتلي جوديا سر خطير .. واش حتى هاد الدرجة تاقت فيا بمجرد اني تزوجتها .. وعطاتني راس سميرة بالجاهز .. اكيد غانرشي اللي سميتو فادي باش نقدر نطيح سميرة ونعطيها ضربة عمرها .. هادشي كله مغايشفيليش غليلي .. تأليف دودي العيساتي وجوهرة مريم
0 Commentaires