الجزء 26
بقيت مع جوكي او ليث .. وراسي غايطرطق بقوة الافكار اللي متراكمين فيه وهو كيحاول يفرحني ويضحكني ..
- تاكلي ..
- مبغيتش ..
بدا يقلدني مللي قلتها وانا نضحك .. نضت من بلاصتي وتكتيت راسي على صدرو .. وبديت كنفكر .. واش غايكون هو .. ايلا اكتشفت باللي هو اش غاندير ..
- شتك ولفتيها قاعدة ها الظهر ها الصدر واش مكتنعسيش مزيان فداركم .. ولا موالفة كتنعسي عند شي واحد ..
- اه موالفة واحد كان يهزني فوق ظهرو .. وينعسني .. ويتهلا فيا .. فصغري ..
غا قلت هاد الهضرة حسيته تلف .. شوية نطق الكلمة اللي مكنتش دايرا بحسابها ..
- تتزوجي بيا؟؟
تصدمت وحسيت راسي بحال ايلا كنحلم .. واش قالها بالصح ..
- شنو قلتي ..
شفت فيه كان بحال ايلا مخدر عيونه ذابلين .، وكيشوف فيا بواحد الحزن ..
-كما سمعتي .. انا باغي نتزوج بيك ..
زعما يقدر يكون الحلم حقيقة ويوقع داكشي اللي عشت حياتي كنحلم بيه .. ونكون زوجة ليه .. بلا تردد وبدون شعور نطقتها ..
- اه انا موافقة نتزوج بيك ..
قلتها ورجعت تكيت على صدرو من جديد .. وهو حاوطني ديك الساعة بيديه وزير عليا بحال ايلا كان محتاج ليا .. انا متأكدة باللي هو حاس بيا كما انا حاسة بيه ..
عند ليث ..
حاولت نخرجها من المود اللي راها فيه ولكن مقدرتش .. وفنفس الوقت مقدرتش نتحمل اني نشوفها هكاك ... مقدرتش نصبر وانا شايف فعينيها حزن .. جلست معاها حتى لقيتها جات ونعسات فحجري .. بديت نحاول نضحكها من جديد حتى بدات تعاود على ماضيها .. كأن ياقوت هي اللي كتهضر .. ارتبكت .. ماحسيتش براسي حتى نطقت كلمة تتزوجي بيا .. كنت حاس فهاد اللحظة اني باغي نكون معاها .. ونكمل معاها حياتي .. ومكونتش متوقع انها غاتوافق .. بدون تفكير قالتلي راها موافقة .. ديك الساعة عنقتها واختاريت اني ننسى فهاد اللحظة جميع الصراعات .. ونفكر فيها وحدها .. ياقوت التانية .. اللي عوضات بلاصة ياقوت الاولة تأليف دودي العيساتي وجوهرة مريم
0 Commentaires