الجزء 25
بقيت كنبكي .. انا خاصني نعرف الحقيقة .. غسلت وجهي .. وقررت نخرج .. لقيته كيستناني .. جا بسرعة لوجهي وبدا يقولي مالكي واش فيك شي حاجة .. بخوف كان كيتفقدني تماما هادي نظرة ليث .. هو لا محالة .. مقدرتش نصبر عنقتو وخشيت وجهي فعنقه كيما كنت كندير شحال هادي .. عنقته لاني مشتاقة ليه بزاف وبديت نبكي هو نفهم والو .. مشتاقة ليه حد الجنون .. كنبغيه بزاف تحرمت منه كاع هاد المدة ..
- جوديا واش نتي لاباس .. انا عمري شفتك ضعيفة هاكا ..
- عفاك متخلاش عليا مرة اخرى .. 😭😭
- ولكن .. شكاتقصدي .. انا مفاهم والو ..
- والو .. انا خايفة وصاف .، مولفتش كنستسلم لشي راجل هاكا ..
- ههه واش انا أثرت فيك حتى لهاد الدرجة ..
ضربته وتغوبشت .. وجبدني عندو عنقني ... الله شحال هادي مرتاحيت بحال هاكا .. من نهار تفارقت معاه .. انا مغانقولو والو حتى نتأكد باللي هو .. ولكن علاش علاش مقلبش عليا .. علاش مبقاش كيهضر عليا وكيسول عليا ويلا مكانش كيعرف باللي انا هي ياقوت علاش جا يبدا معايا حياة جديدة بلا ميقول حتى حاجة ولا يهضر على ذكرى زوينة فحياته .. الا اذا كان حبي ليه من طرف واحد .. ومبقاش كيبغيني .. ولكن علاش جا للمغرب .. وعلاش تلاقيته فنفس البلاصة .. واش زعما يكون جا ينفذ وعده ليا فالصغر ببناء اكبر ملجأ للايتام ..
عند ليث ..
خرجات لقاتني كنستناها وانا خايف جات عنقاتني بالجهد .. زعما نكون حتى هاد الدرجة مأثر فيها .. وتكون طاحت فيا خخخخ ..
جبتليها بيجامات تلبسهم .. بالعاني مجبت ليها حتى لبسة ديال الخروج باش متستاغلش الفرصة وتمشي من هنا .. لبساتهم وخرجات عندي .. معرفتش مالها ولات هادئة حتى لهاد الدرجة .. ماشي من عوايدها هاد الصمت .. ولكن عيونها كيبانو ذابلين .. فيهم حزن .. واستسلام ..
- جوديا .. نقدر نعرف شنو اللي مقلقك ..
- 😔 جوكي انا غادي نبقا معاك هنا وكنواعدك مغانمشي لحتى بلاصة .. ولكن ممكن نهضر مع ماما نطمنها عليا ..
- واخا .. تقدري تهضري معاها ..
عند ياقوت ..
طلبت منه يخليني نهضر مع ماما .. وواعدته اني غانبقا معاه .. فعلا ماكانش عندو مامع ولكن اما كنت باغا نهضر مع شي حد اخور ..
هزيت التلفون ومشيت صونيت للمياء ..
-الو لمياء ..
- فين اصاحبتي .. ماماك مشطونة عليك .. واش نتي بخير فين غبرتي .. واش نتي لاباس ..
- سمعيني معنديش الوقت انا غانكلفك بمهمة خاصك ديريها .. سيري لهاد العنوان اللي غانقولك وغادي تلقاي واحد الكراج كيغسلو فيه الطوموبيلات تلقاي المعلم ديالهم تما .. يا ربي يكون مازال عايش وسوليه على ليث .. قوليله واش عايش ولا ميت .. الا قالك ميت سوليه فين هو القبر دياله .. متجي من تما حتى تجيبيلي التفاصيل كلها وحاجة اخرى .. هادشي خاص يبقا سري بينا .. وماما متسيق الخبار لحتى حاجة فيه ..
- اوكي ..
تأليف دودي العيساتي وجوهرة مريم
0 Commentaires